തമിഴ്ഭാഷാ സ്വാധീനമുള്ള പഞ്ചായത്തുകളില് തനിച്ച് മത്സരിക്കാന് ഡിഎംകെ ; ഇടുക്കിയില് പാര്ട്ടിഓഫീസ് തുറന്നു
ഇടുക്കി: സംസ്ഥാന അതിര്ത്തി പങ്കിടുന്ന തമിഴ്ഭാഷാ സ്വാധീനമുള്ള പഞ്ചായത്തുകളില് എല്ഡിഎഫ് - യുഡിഎഫ് - ബിജെപി മുന്നണികളോട് ഏറ്റുമുട്ടാന് ഡി.എം.കെ.യും. ഇത്തവണ നടക്കാനിരിക്കുന്ന പഞ്ചായത്ത് തെരഞ്ഞെടുപ്പില് പീരുമേട്, ദേവികുളം താലൂക്കുകളിലെ പഞ്ചായത്തില് സ്വന്തം സ്ഥാനാര്ത്ഥികളെ നിര്ത്താനൊരുങ്ങുകയാണ്. പാര്ട്ടി ചിഹ്നത്തില് ഒറ്റയ്ക്ക് മത്സരിക്കുമെന്നാണ് വിവരം.
തോട്ടം തൊഴിലാളികളുടെ മേഖലയില് മത്സരിക്കാനാണ് തീരുമാനം. ഉപ്പുതറ പഞ്ചായത്തില് ആറ് വാര്ഡുകളിലും ദേവികുളത്തെ ചിന്നക്കനാല് പഞ്ചായത്തില് അഞ്ച് വാര്ഡുകളിലും മത്സരിക്കും. പഞ്ചായത്ത് ഭരണം കിട്ടിയാല് തമിഴ്നാട്ടില് പ്രഖ്യാപിച്ചിരിക്കുന്ന ആനുകൂല്യങ്ങള് തൊഴിലാളികള്ക്ക് നല്കുമെന്നാണ് വാഗ്ദാനം. കഴിഞ്ഞ തവണ എല്ഡിഎഫ് സ്ഥാനാര്ത്ഥിക്കായിരുന്നു ഡിഎംകെ പിന്തുണ.
തെരഞ്ഞെടുപ്പ് പ്രവര്ത്തനങ്ങള് മുന്നിര്ത്തി മൂന്നാറിലും ഉപ്പുതറയിലും പാര്ട്ടി ഓഫീസ് പ്രവര്ത്തനംആരംഭിച്ചു. 2015 ലെ പഞ്ചായത്ത് തെരഞ്ഞെടുപ്പില് പീരുമേട് പഞ്ചായത്തിലെ ഒന്നാം വാര്ഡില് നിന്നും എഐഎഡിഎംകെ അംഗമായിരുന്ന എസ് പ്രവീണ വിജയിച്ചിരുന്നു. പഞ്ചായത്തില് പ്രസിഡന്റ് സ്ഥാനത്ത് പട്ടികജാതി വനിതാസംവരണം ആയിരുന്നതിനാല് കോണ്ഗ്രസ് അന്ന് എഐഎഡിഎംകെയെ പിന്തുണയ്ക്കുകയും പ്രവീണയെ പ്രസിഡന്റ് സ്ഥാനത്തേക്ക് നിയോഗിക്കുകയും ചെയ്തിരുന്നു.
YOU MAY BE INTERESTED
LATEST NEWS
- കേരളത്തില് വികസനം എന്ഡിഎയ്ക്ക് മാത്രമേ കഴിയൂ ; ഇടതുവലതു ഭരണം അഴിമതിയെന്ന് രാജീവ് ചന്ദ്രശേഖര്
- നരേന്ദ്രമോദി മികച്ച ഭരണാധികാരി ; അദ്ദേഹത്തിന്റെ വാക്കുകളില് കരുത്തും വ്യക്തതയുമെന്ന് മോഹന്ലാല്
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
