ആറ് കുട്ടികളുമായി ഹെല്‍മറ്റ് പോലുമില്ലാതെ ബൈക്കില്‍ യുവാവിന്റെ യാത്ര: തൊഴുത് നിന്ന് ട്രാഫിക്ക് പോലീസ്, പൊട്ടിച്ചിരിച്ച് സോഷ്യല്‍ മീഡിയ

ഒരേ സമയം ചിരിപ്പിക്കുകയും ചിന്തിപ്പിക്കുകയും ചെയ്യുന്ന ഒട്ടനവധി വീഡിയോകളും ചിത്രങ്ങളും സോഷ്യല്‍ മീഡിയയിലൂടെ വൈറലാകാറുണ്ട്. ഇപ്പോഴിതാ ഇത്തരത്തിലൊരു വീഡിയോയാണ് ഉത്തര്‍പ്രദേശിലെ ഹാപൂരില്‍ നിന്ന് പുറത്തുവരുന്നത്. ഹെല്‍മറ്റ് പോലുമില്ലാതെ കൊച്ച് കുഞ്ഞുങ്ങടക്കം ആറ് കുട്ടികളുമായി ഇരുചക്ര വാഹനത്തില്‍ എത്തിയ ആളെ കണ്ട് തൊഴുത് നില്‍ക്കുന്ന ട്രാഫിക് പോലീസ് ഉദ്യോഗസ്ഥന്റെ ചിത്രമായിരുന്നു അത്. ഭാരത് സമാചാര്‍ എന്ന എക്‌സ് ഹാന്റിലില്‍ നിന്നാണ് ചിത്രം പങ്കുവയ്ക്കപ്പെട്ടത്.

ചിത്രത്തില്‍ ബൈക്കിന്റെ ടാങ്കിന് മുകളിലായി രണ്ട് കൊച്ച കുട്ടികളെ കാണാം. അതില്‍ മുന്നിലിരിക്കുന്ന കുഞ്ഞ് ഹാന്റില്‍ ബലമായി പിടിച്ചിരിക്കുന്നു. അതിന്റെ പിന്നിലായി അതിനെക്കാള്‍ ചെറിയൊരു കുഞ്ഞന്‍ മുന്നിലെ കുട്ടിക്കും പിന്നിലെ ബൈക്ക് ഓടിക്കുന്ന യുവാവിനും ഇടയില്‍ പെട്ട് ഈ കുഞ്ഞ് ഏറെ കഷ്ടപ്പെടുന്നുവെന്ന് ചിത്രങ്ങളില്‍ വ്യക്തം. യുവാവിന് പിന്നിലായി പല പ്രയത്തിലുള്ള നാല് കുട്ടികളാണ് ഇരിക്കുന്നത്. ഏറ്റവും പിന്നിലുള്ള കുട്ടി എപ്പോള്‍ വേണമെങ്കിലും താഴെ പോകുമെന്ന അവസ്ഥയിലാണ്. ഇവരുടെ മുന്നിലായി തൊഴുത് നില്‍ക്കുന്ന രണ്ട് ട്രാഫിക്ക് ഉദ്യോഗസ്ഥരെയും കാണാം.

ഇരുചക്രവാഹനത്തില്‍ അമിതഭാരം കയറ്റല്‍, ജീവന്‍ അപകടത്തിലാക്കല്‍, അടിസ്ഥാന ഗതാഗത സുരക്ഷാ മാനദണ്ഡങ്ങള്‍ ലംഘിക്കല്‍ എന്നിവയുള്‍പ്പെടെ ഒന്നിലധികം നിയമലംഘനങ്ങള്‍ നടത്തിയ കുറ്റത്തിന് യുവാവിനെ പോലീസ് ഉദ്യോഗസ്ഥര്‍ 7,000 രൂപ പിഴ ചുമത്തിയെന്ന് റിപ്പോര്‍ട്ടുകള്‍ പറയുന്നു. ചിത്രം വൈറലായതിന് പിന്നാലെ കുട്ടികളുടെ ജീവന്‍ അപകടത്തിലാക്കിയ യുവാവിനെതിരെ നിരവധി പേര്‍ രംഗത്തെത്തി.

हापुड़ : युवक ने बाइक को बनाया 7 सीटर➡युवक ने बाइक पर 6 बच्चों को बैठाया➡बाइक सवार के सामने ट्रैफिक पुलिस ने हाथ जोड़े➡फोटो वायरल, हापुड़ के गढ़ क्षेत्र का मामला#Hapur #TrafficViolation #UttarPradesh #ViralPhoto @hapurpolice @Uppolice pic.twitter.com/Lm9CLlDkM4— भारत समाचार | Bharat Samachar (@bstvlive) November 4, 2025