ഗാസയില്‍ വെടിനിര്‍ത്തല്‍ വീണ്ടും ലംഘിച്ചു ; ഗാസയും ഇസ്രായേലും നടത്തിയ ആക്രമണത്തില്‍ 50 മരണം

ഗാസ: വെടിനിര്‍ത്തലിനും സമാധാനപ്രഖ്യാപനത്തിനും ശേഷം വീണ്ടും ഗാസയില്‍ ഇസ്രായേല്‍ ഹമാസ് പോര്. പരസ്പരം നടത്തിയ ആക്രമണത്തില്‍ 52 പേര്‍ കൊല്ലപ്പെട്ടതായിട്ടാണ് ഏറ്റവും പുതിയ റിപ്പോര്‍ട്ട്. കരാര്‍ ലംഘിച്ചുള്ള കനത്ത ആക്രമണം, വെടിനിര്‍ത്തല്‍ ആരംഭിച്ച് ഒമ്പത് ദിവസത്തിന് ശേഷമാണ്. സമാധാന ഉടമ്പടി ലംഘിച്ച് ഇസ്രയേലിന്റെയും ഹമാസിന്റെയും വ്യോമാക്രമണം നടന്നു.

തെക്കന്‍ ഗാസയില്‍ വ്യോമാക്രമണം നടത്തിയതായി ഇസ്രയേല്‍ സ്ഥിരീകരിച്ചു. റോക്കറ്റ് ഗ്രനേഡുകളും ഉപയോഗിച്ച് ഹമാസ് ആക്രമണം നടത്തിയെന്ന് ആരോപിക്കുകയും ചെയ്തു. ആക്രമണത്തിന്റെ പശ്ചാത്തലത്തില്‍ ഗസ്സയിലേക്കുള്ള മാനുഷിക സഹായം എത്തുന്നത് നിര്‍ത്തിയെന്നും ഗസ്സയില്‍ യുദ്ധം ''പൂര്‍ണ്ണ ശക്തിയോടെ'' പുനരാരംഭിക്കണമെന്ന് പ്രതിരോധ മന്ത്രി ഇറ്റാമര്‍ ബെന്‍ ഗ്വിര്‍ കൂട്ടിച്ചേര്‍ത്തു. സംഘർഷം ആരംഭിച്ചതിനെ തുടർന്ന് ഗാസയിലുടനീളമുള്ള നിവാസികൾ കനത്ത ബോംബാക്രമണം നടത്തിയതായി റിപ്പോർട്ട് ചെയ്തു. മധ്യ ഗാസയിലെ സവൈദ പട്ടണത്തിൽ, ഒരു താൽക്കാലിക കോഫി ഹൗസിന് നേരെയുണ്ടായ വ്യോമാക്രമണത്തിൽ ആറ് പേർ കൊല്ലപ്പെട്ടതായി ഗാസ ആരോഗ്യ മന്ത്രാലയം അറിയിച്ചു.

നുസൈറത്ത് അഭയാർത്ഥി ക്യാമ്പിൽ നടന്ന മറ്റൊരു ആക്രമണത്തിൽ രണ്ട് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. ഖാൻ യൂനിസിലെയും ബെയ്റ്റ് ലാഹിയയിലെയും ആശുപത്രികളിൽ നിരവധി പേർക്ക് പരിക്കേറ്റതായി റിപ്പോർട്ട് ചെയ്തു. ഇരകളിൽ പലരും താൽക്കാലിക കൂടാരങ്ങളിൽ അഭയം തേടുന്ന സാധാരണക്കാരാണെന്ന് ആരോഗ്യ ഉദ്യോഗസ്ഥർ പറഞ്ഞു. ആക്രമണം കടുക്കുന്ന സാഹചര്യത്തില്‍ അടിയന്തര യോഗം വിളിച്ചിരിക്കുകയാണ് പ്രധാനമന്ത്രി ബെഞ്ചമിന്‍ നെതന്യാഹു. ഹമാസിന്റെ ആക്രമണത്തിന് ശക്തമായ മറുപടി നല്‍കണമെന്നാണ് നെതന്യാഹുവിന്റെ പ്രതികരണം. അതിനിടെ വെടിനിര്‍ത്തല്‍ കരാറിലെ തുടര്‍ ചര്‍ച്ചകള്‍ക്കായി ഹമാസ് സംഘം കെയ്റോയില്‍ എത്തി.