പ്രകാശഭരിതനായ സൂര്യന്റെയടുത്തേക്ക് പറക്കുന്ന പക്ഷി; കണങ്കാലില്‍ പ്രചോദനാത്മകമായ ആദ്യ ടാറ്റൂ ചെയ്ത് കൃതി സനോണ്‍; സ്വാതന്ത്ര്യത്തിന്റെ പ്രതീകമെന്ന് കുറിച്ച് താരം

Kriti Sanon share her first ever tattoo on her leg (Image Source: Instagram)

ബോളിവുഡിന്റെ യുവഅഭിനേത്രികളില്‍ പ്രേക്ഷകര്‍ക്ക് ഏറെ പ്രിയങ്കരിയായ താരമാണ് കൃതി സനോണ്‍. യാതൊരു സിനിമാപാരമ്പര്യവുമില്ലാതെ, ഗോഡ്ഫാദര്‍മാരില്ലാതെ തന്റേതായ പ്രയത്നം കൊണ്ടും അഭിനയമികവു കൊണ്ടും ബോളിവുഡില്‍ ഐഡന്റിറ്റി നേടിയെടുത്ത താരറാണിയാണ് കൃതി.
മോഡലിംഗിലൂടെയാണ് ബിഗ് സ്ക്രീനിലേക്ക് എത്തിയ താരം തന്റെ ആദ്യ സിനിമ ചെയ്തത് ടൈഗർ ഷോർഫിനൊപ്പമാണ്. അരങ്ങേറ്റ സിനിമയായ ‘ഹീറോപന്തി’ യിലൂടെ തന്നെ താരം പ്രേക്ഷകശ്രദ്ധ പിടിച്ചുപറ്റി.
പിന്നീട് ബറേലി കി ബർഫി, ലുക്കാ ചുപ്പി, മിമി' തുടങ്ങിയ ഹിറ്റ് ചിത്രങ്ങളിലൂടെ കൃതി ബോളിവുഡില്‍ തന്റെ സ്ഥാനം ഉറപ്പിച്ചു. മിമിയിലെ അഭിനയത്തിന് താരത്തിന് മികച്ച നടിക്കുള്ള ദേശീയ അവാർഡും ലഭിച്ചു. സോഷ്യല്‍ മീഡിയയിലും സജീവമായ താരം പങ്കിടുന്ന ചിത്രങ്ങളെല്ലാം വളരെ പെട്ടെന്നാണ് ആരാധകര്‍ ഏറ്റെടുക്കുന്നത്.
ഇപ്പോഴിതാ താന്‍ ആദ്യമായി ടാറ്റൂ ചെയ്ത സന്തോഷം പങ്കിടുകയാണ് താരം. ഒരിക്കലും ചെയ്യുമെന്ന് കരുതിയിരുന്നില്ലെന്നും തനിക്ക് സൂര്യോദയത്തിലേക്ക് ഉയരത്തിൽ പറക്കാൻ കഴിയുമെന്ന് ഒരു ഓർമ്മപ്പെടുത്തലാണിതെന്നുമാണ് താരം ചിത്രങ്ങള്‍ക്കൊപ്പം കുറിച്ചിരിക്കുന്നത്.
‘‘ഇത് ചെയ്യുമെന്ന് ഞാൻ ഒരിക്കലും കരുതിയിരുന്നില്ല..പക്ഷേ ഒരിക്കലും പറ്റില്ലെന്ന് പറയരുത്...ഇപ്പോള്‍ ആദ്യമായി ടാറ്റൂ ചെയ്തു... ഒരു വാഗ്ദാനം നിറവേറ്റി...എനിക്ക് സൂര്യോദയത്തിലേക്ക് ഉയരത്തിൽ പറക്കാൻ കഴിയുമെന്ന് ഒരു ഓർമ്മപ്പെടുത്തൽ...കണ്ണുകളിൽ സ്വപ്നങ്ങളുള്ള ആരും, നിങ്ങൾ ഭയപ്പെടുന്ന ആ കുതിച്ചുചാട്ടം നടത്തൂ...ഇത് എളുപ്പമായിരിക്കില്ല, പക്ഷേ നിങ്ങൾ നിങ്ങളുടെ ചിറകുകൾ കണ്ടെത്തും, നിങ്ങളുടെ താളം നിങ്ങൾ കണ്ടെത്തും, നിങ്ങൾ പറക്കാൻ പഠിക്കും...’’ എന്ന ക്യാപ്ഷന്‍ നല്‍കിയാണ് കൃതി ടാറ്റൂ ചെയ്യുന്നതിന്റെയും ടാറ്റൂവിന്റെയും ചിത്രങ്ങള്‍ പങ്കിട്ടിരിക്കുന്നത്. ‘ഇത്രയും മനോഹരമായ ഈ ടാറ്റൂവിന് ജീവൻ നൽകിയതിന് ഏലിയൻസ് ടാറ്റൂ ഇന്ത്യ’യ്ക്ക് നന്ദിയും കുറിച്ചിട്ടുണ്ട് താരം.
കണങ്കാലിന്റെ ഉൾവശത്ത് പതിച്ചിരിക്കുന്ന ടാറ്റൂവിൽ വലിയ അർത്ഥങ്ങളുണ്ട്. പറക്കുന്ന ഒരു പക്ഷി സ്വാതന്ത്ര്യം, പ്രതിരോധശേഷി, ധൈര്യം എന്നിവയെ പ്രതീകപ്പെടുത്തുന്നു. അതിനു മുകളിൽ, ഒരു പ്രകാശമാനമായ സൂര്യൻ ദിവ്യ മാർഗനിർദേശത്തെയും പൂർത്തീകരണത്തെയും പ്രതിനിധീകരിക്കുന്നു. ഒഴുകുന്ന രേഖകൾ മുകളിലേക്ക് ഉയരുന്നു, അവളുടെ യാത്രയുടെ ഇടവേളകൾ, പോരാട്ടങ്ങൾ, അന്തിമ വിജയങ്ങൾ എന്നിവ പകർത്തുന്നു. അതുപോലെ തന്നെ കൃതിക്ക് നാഷണല്‍ അവാര്‍ഡ് നേടിക്കെടുത്ത ‘മിമി’ എന്ന സിനിമയിലെ പക്ഷി ടാറ്റൂകൾ ഉണ്ടായിരുന്ന താരത്തിന്റെ കഥാപാത്രമായ മിമിയുമായി നേരിട്ട് ബന്ധപ്പെട്ടിരിക്കുന്നതുമാണിത്.
സഹതാരങ്ങളടക്കം നിരവധി പേരാണ് കൃതിയുടെ പോസ്റ്റിന് ലൈക്കും കമന്റും നല്‍കിയിരിക്കുന്നത്. ‘അവസാനം ചെയ്തു...കൊള്ളാം നന്നായിട്ടുണ്ട്...’ എന്നാണ് അര്‍ജുന്‍ കപൂര്‍ നല്‍കിയിരിക്കുന്ന കമന്റ്. ‘കൃതി, ആദ്യത്തെ ടാറ്റൂ വളരെ മനോഹരം...കാലിലെ ആ കൊച്ചു പക്ഷി സ്വാതന്ത്ര്യത്തിന്റെയും സ്വപ്നങ്ങളുടെയും കൃപയുടെയും പ്രതീകമായി തോന്നുന്നു. താങ്കളെപ്പോലെ തന്നെ, അത് സുന്ദരവും, പ്രചോദനാത്മകവും, ശരിക്കും പ്രത്യേകതയുള്ളതുമാണ്, വളരെ ഭംഗിയുണ്ട്, നന്നായിട്ടുണ്ട്’ എന്നതടക്കമാണ് കമന്റുകള്‍.

View this post on Instagram

A post shared by Kriti Sanon 🦋 (@kritisanon)

കൃതിയുടെ വരാനിരിക്കുന്ന ചിത്രം കോക്ക്ടെയിൽ 2 ആണ്. ഷാഹിദ് കപൂർ, രശ്മിക മന്ദന്ന എന്നിവരാണ് ഇതില്‍ കൃതിയ്ക്കൊപ്പമുള്ളത്. 2013-ൽ ആനന്ദ് എൽ റായ് സംവിധാനം ചെയ്ത റൊമാൻസ് ഡ്രാമയായ രാഞ്ജനയുടെ ഒരു അനുബന്ധമായ ധനുഷ് നായകനായ റൊമാന്റിക് മ്യൂസിക്കൽ ചിത്രമായ തേരേ ഇഷ്ക് മേയുടെ ഷൂട്ടിംഗും സനോൻ അടുത്തിടെ പൂർത്തിയാക്കിയിരുന്നു. ശരീരത്തിലെ അർത്ഥവത്തായ തിരഞ്ഞെടുപ്പുകളും സ്‌ക്രീനിൽ ധീരമായ തിരഞ്ഞെടുപ്പുകളും കൊണ്ട്, കൃതി സനോൻ ഉയരങ്ങളിലേക്ക് കുതിക്കുന്നു, ആരാധകരെയും അത് ചെയ്യാൻ പ്രേരിപ്പിക്കുന്നു.