ഡോ.അമാനുല്ല വടക്കാങ്ങരയുടെ വിജയമന്ത്രങ്ങള് ദോഹയിൽ പ്രകാശനം ചെയ്തു
ദോഹ. ഖത്തറിലെ മാധ്യമ പ്രവര്ത്തകനും ഗ്രന്ഥകാരനുമായ ഡോ.അമാനുല്ല വടക്കാങ്ങരയുടെ വിജയമന്ത്രങ്ങള് മോട്ടിവേഷണൽപുസ്തകത്തിന്റെ
ഒമ്പതാം ഭാഗം ദോഹയില് പ്രകാശനം ചെയ്തു. സിഗ്നേച്ചര് ബൈ മര്സയില് നടന്ന ചടങ്ങില് വേള്ഡ് കെ.എം.സി.സി വൈസ് പ്രസിഡണ്ട് എസ്.എ.എം. ബഷീറിന് ആദ്യ പ്രതി നല്കി മുതിര്ന്ന മാധ്യമ പ്രവര്ത്തകനായ സത്യേന്ദ്ര പഥക് പുസ്തകം പ്രകാശനം ചെയ്തു.പ്രചോദനങ്ങള് എല്ലാവര്ക്കും ആവശ്യമാണെന്നും മനുഷ്യന്റെ ക്രിയാത്മകതയും സര്ഗാത്മകതയും ഉണര്ത്തുവാന് പ്രചോദനാത്മക ചിന്തകള്ക്കും രചനകള്ക്കും സാധിക്കുമെന്നും സത്യേന്ദ്ര പഥക് പറഞ്ഞു. വൈജ്ഞാനിക സാഹിത്യരംഗത്തെ ശ്രദ്ധേയമായ സംഭാവനയാണ് വിജയമന്ത്രങ്ങള്.
ജീവിത വ്യവഹാരങ്ങളില് തളരുന്ന മനുഷ്യര്ക്ക് രക്ഷപ്പെടാനും മുന്നോട്ടുപോകുവാനുമുള്ള ടൂള് കിറ്റാണ് വിജയമന്ത്രങ്ങള് എന്ന് പുസ്തകം സ്വീകരിച്ച് സംസാരിച്ച വേള്ഡ് കെ.എം.സി.സി വൈസ് പ്രസിഡണ്ട് എസ്.എ.എം. ബഷീര് പറഞ്ഞു.ഖത്തര് ഇന്ത്യന് ഓതേര്സ് ഫോറം പ്രസിഡണ്ട് ഡോ.കെ.സി.സാബു, ഖത്തര് മലയാളി ഇന്ഫ്ളവന്സേര്സ് അധ്യക്ഷ ലിജി അബ്ദുല്ല, സോഷ്യല് മീഡിയ ഇന്ഫ്ളുവന്സര് ഏയ്ഞ്ചല് റോഷന്, എന്.വി.ബി.എസ് ഡയറക്ടര് ബേനസീര് മനോജ്, സൗദിയ ഗ്രൂപ്പ് ചെയര്മാന് എന്.കെ.എം. മുസ്തഫ, അല് സുവൈദ് ഗ്രൂപ്പ് ഡയറക്ടര് ഫൈസല് റസാഖ് തുടങ്ങിയവര് പരിപാടിയില് സംബന്ധിച്ചു.
ജി.ആര്.സി.സി അധ്യക്ഷയും പേള് സ്കൂള് അധ്യാപികയുമായ രോഷ്നി കൃഷ്ണന്റെ ലൈവ് പെയിന്റിംഗ് ശ്രദ്ധേയമായി.
5 മിനിറ്റുകള്കൊണ്ടാണ് രോഷ്നി വിജയമന്ത്രങ്ങളുടെ കവര് ഇമേജ് വരച്ച് ഗ്രന്ഥകാരന് സമ്മാനിച്ചത്. ഡോ. അമാനുല്ല വടക്കാങ്ങര നന്ദി പറഞ്ഞു.
ഷഫീക് അറക്കൽ
LATEST NEWS
- സമാധാന നീക്കങ്ങളുമായി ഖത്തർ: ഇറാൻ ആക്രമണങ്ങളിൽ കടുത്ത പ്രതിഷേധം
- ഖത്തറിന് നേരെ മിസൈൽ ആക്രമണം; തകർത്തെറിഞ്ഞ് സായുധ സേന
- മിസൈൽ അവശിഷ്ടങ്ങളിൽ തൊടരുത്; ആറ് പ്രധാന അപകടങ്ങൾ അക്കമിട്ടു നിരത്തി ഖത്തർ ആഭ്യന്തര മന്ത്രാലയം
- ഖത്തറിൽ കുടുങ്ങിയ ആയിരത്തോളം ഇന്ത്യക്കാർ നാട്ടിലേക്ക്; പ്രത്യേക വിമാന സർവീസുകളുമായി ഇന്ത്യൻ എംബസി
- വില്ല്യാപ്പള്ളി മുസ്ലിം ജമാഅത്ത് ഖത്തർ ചാപ്റ്റർ ഇഫ്താർ സംഗമം
