ചാറ്റ് ജിപിടി ചതിച്ചശാനേ; ചാറ്റ് ജിപിടിയോട് മോശം വാക്കുകള് ഉപയോഗിച്ചതിന്റെ പ്രതികാരം; എയർപോർട്ടിൽ വച്ച് വിതുമ്പി സ്പാനിഷ് യുവതി
ഡിജിറ്റൽ യുഗത്തിന്റെ ഏറ്റവും പുതിയ വിപ്ലവമാണ് ആർട്ടിഫിഷ്യല് ഇന്റലിജൻസ്. എഐ എന്ന ഈ സാങ്കേതികവിദ്യ അതിവേഗം മുന്നേറുകയാണ്. അതിന്റെ അനന്തസാധ്യതകൾ സോഷ്യൽ മീഡിയയിലൂടെ ദിനം പ്രതി ആളുകൾ കാണുന്നുമുണ്ട്.
തങ്ങൾക്ക് അറിയാത്ത കാര്യങ്ങൾക്ക് ഉപദേശം തേടാനായി ലോകം മുഴുവനുള്ള ആളുകൾ ചാറ്റ്ബോട്ടുകളെ ആശ്രയിക്കുന്നുണ്ട്. പക്ഷേ ചിലപ്പോഴൊക്കെ ഇതിനെ കൂടുതൽ ആശ്രയിച്ചാൽ വലിയ അമളികളും പറ്റാറുണ്ട്.
ഇപ്പോഴിതാ ചാറ്റ്ജിപിടിയെ ആശ്രയിച്ചതു കൊണ്ട് അബദ്ധം പറ്റിയ സ്പാനിഷ് ഇൻഫ്ളുവെൻസർ ദമ്പതിമാരുടെ വീഡിയോയാണ് സോഷ്യൽ മീഡിയയിലൂടെ ശ്രദ്ധിക്കപ്പെടുന്നത്. ചാറ്റ്ജിപിടിയില് നിന്ന് യാത്രാ ഉപദേശം തേടിയതിനെത്തുടർന്ന് ദമ്പതികൾക്ക് വിമാനം നഷ്ടമായതാണ് വിഡിയോയിൽ കാണുന്നത്. "ചാറ്റ് ജിപിടിയെ ഇനി ഞാൻ വിശ്വസിക്കില്ല, കാരണം ഞാൻ ചാറ്റ് ജിപിടിയോട് മോശം വാക്കുകള് ഉപയോഗിച്ചിട്ടുണ്ട്, നിന്നെ കൊണ്ട് യാതൊരു പ്രയോജനവുമില്ല എന്ന് പറഞ്ഞിട്ടുണ്ട്. അതിന്റെ പ്രതികാരമാണിത്.." കരഞ്ഞു കൊണ്ട് യുവതി പറയുന്നു.
വൈറലായ വീഡിയോയില് വിമാനത്താവളത്തിലിരുന്ന് മേരി കാല്ഡാസ് കരയുന്നതും കാമുകൻ അലജാൻഡ്രോ സിഡ് അവരെ ആശ്വസിപ്പിക്കാൻ ശ്രമിക്കുന്നതും കാണാം.
കലാകാരനായ ബാഡ് ബണ്ണിയുടെ സംഗീതപരിപാടി കാണാൻ പ്യൂർട്ടോറിക്കോ സന്ദർശിക്കുന്നതിന് വിസ ആവശ്യമുണ്ടോ എന്ന് ഇവർ ചാറ്റ് ജിപിടിയോട് ചോദിച്ചിരുന്നു. വിസ വേണ്ടയെന്ന് ചാറ്റ് ജിപിടി ഉപദേശിച്ചുവെന്ന് ദമ്പതികള് വീഡിയോയില് പറയുന്നു. അതുപ്രകാരം യാത്രയ്ക്ക് ഒരുങ്ങി അവസാനം വിമാനത്താവളത്തില് നിന്ന് തിരികെ പോരേണ്ടി വന്നു.
പ്യൂർട്ടോറിക്കോ സന്ദർശിക്കുന്നതിന് ഇലക്ട്രോണിക് സിസ്റ്റം ഫോർ ട്രാവല് ഓതറൈസേഷൻ ആവശ്യമാണെന്ന മുന്നറിയിപ്പ് ചാറ്റ് ജിപിടി നല്കിയില്ല. വിമാനത്താവളത്തില് എത്തിയപ്പോള് ESTA ഇല്ലാതെ വിമാനത്തില് കയറാൻ കഴിയില്ലെന്ന് എയർലൈൻ ജീവനക്കാർ അവരോട് പറഞ്ഞു.
ഉപദേശം തേടാനായി എഐ ചാറ്റ്ബോട്ടുകളെ ഉപയോഗിക്കുന്നത് തിരിച്ചടിയാകുന്നത് സംഭവങ്ങൾ ഇതിനു മുൻപും സോഷ്യൽ മീഡിയയിൽ ഇടം പിടിച്ചിട്ടുണ്ട്.
Sobbing influencers blame ChatGPT for ruining a dream vacationAn influencer couple has gone viral after missing their flight to Puerto Rico — thanks, they claim, to a visa mix-up caused by ChatGPT.Video By merycaldasshttps://t.co/9g4VPHjkZZ pic.twitter.com/grq8mhhUbX— Brightly (@BrightlyAgain) August 14, 2025
LATEST NEWS
- പങ്കാളിയെ ആകര്ഷിക്കാന് ഭംഗിയുള്ള കല്ലുകള് സമ്മാനമായി നല്കണം: പെന്ഗ്വിനുകള്ക്ക് സഹായത്തിനെത്തി കുരുന്നുകള്
- വീട്ടുകാര് വിവാഹം തിര്ത്തു: പോലീസ് സ്റ്റേഷന് മുന്നില് ഡീസല് ഒഴിച്ച് കമിതാക്കളുടെ ആത്മഹത്യാശ്രമം
- 600 രൂപ യാത്രാക്കൂലി നല്കിയില്ല: നടുറോഡില് തമ്മില് തല്ലി കാബ് ഡ്രൈവറും, യുവതിയും: വീഡിയോ വൈറല്
- അമിത വേഗത്തിലെത്തി ഒടുവില് മലര്ന്നടിച്ച് റോഡില്: എഴുന്നേറ്റെത്തി ബൈക്ക് റൈഡറിന്റെ തമ്പ്സ് അപ്പ്, വൈറലായി വീഡിയോ
- ആറ് വര്ഷം കമ്പനിയ്ക്ക് വേണ്ടി കഠിനാധ്വാനം ചെയ്തു: എന്നിട്ടും പുതുതായി വന്ന എംബിഎക്കാരന് പരിഗണന, മനംനൊന്ത് ജീവനക്കാരന് രാജിവച്ചു
