ഇന്ത്യയില്‍ ഐടി കമ്പനികള്‍ തുടങ്ങരുത് ; അമേരിക്കയില്‍ അവരെ ജോലിക്കും എടുക്കരുത് ; ട്രംപിന്റെ നിര്‍ദേശം

ന്യൂയോര്‍ക്ക്: ഇന്ത്യ ഉള്‍പ്പെടെയുള്ള രാജ്യങ്ങളില്‍ കമ്പനി തുടങ്ങരുതെന്നും ഇന്ത്യാക്കാര്‍ക്ക് അമേരിക്കയിലെ കമ്പനികളില്‍ തൊഴിലവസരം നല്‍കരുതെന്നും സന്ദേശം കൊടുത്ത് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ഇങ്ങിനെ ചെയ്യുന്നതിലൂടെ അമേരിക്കക്കാര്‍ക്ക് തൊഴിലവസരം കുറയുകയും വിദേശരാജ്യങ്ങള്‍ക്ക് ലാഭമുണ്ടാക്കുകയുമാണ് ചെയ്യുന്നതെന്നാണ് ട്രംപിന്റെ വിലയിരുത്തല്‍. അമേരിക്കയിലെ ഐടി ഭീമന്‍മാര്‍ അമേരിക്കയില്‍ പ്രസ്ഥാനങ്ങള്‍ തുടങ്ങിയാല്‍ അമേരിക്കക്കാര്‍ക്ക് തൊഴില്‍ ലഭിക്കുകയും അവിടെ ലാഭമുണ്ടാകുകയും ചെയ്യും.

ഭാവിയില്‍ വരാനിരിക്കുന്ന ട്രംപിന്റെ നയമായിട്ട് ഇതിനെ വിലയിരുത്തലുണ്ട്. ഇന്ത്യ ഉള്‍പ്പെടെയുള്ള രാജ്യങ്ങളില്‍ വിദേശത്തേക്ക് നിയമനം നടത്തുന്നത് നിര്‍ത്താന ഗൂഗിള്‍, മൈക്രോസോഫ്റ്റ് തുടങ്ങിയ വന്‍കിട ടെക് കമ്പനികള്‍ക്ക് യുഎസ് പ്രസിഡന്റ് ഡൊണാള്‍ഡ് ട്രംപ് സന്ദേശം അയച്ചു. ബുധനാഴ്ച വാഷിംഗ്ടണില്‍ നടന്ന എഐ ഉച്ചകോടിയില്‍, അമേരിക്കന്‍ കമ്പനികള്‍ ഇപ്പോള്‍ ചൈനയില്‍ ഫാക്ടറികള്‍ നിര്‍മ്മിക്കുന്ന ിനോ ഇന്ത്യന്‍ ടെക് തൊഴിലാളികള്‍ക്ക് ജോലി നല്‍കുന്നതിനോ പകരം വീട്ടിലിരുന്ന് തൊഴിലവസരങ്ങള്‍ സൃഷ്ടിക്കുന്നതിലാണ് കൂടുതല്‍ ശ്രദ്ധ കേന്ദ്രീകരിക്കേണ്ടതെന്ന് ട്രംപ് പറഞ്ഞു. അമേരിക്കയെ സ്‌നേഹിക്കണമെന്നും ന്ത്യാക്കാര്‍ക്കും ചൈനാക്കാര്‍ക്കും തൊഴില്‍ നല്‍കുന്നതും അവിടെ പോയി ഫാക്ടറി തുടങ്ങി അവര്‍ക്ക് തൊഴിലവസരങ്ങള്‍ നല്‍കുന്നത് അവസാനിപ്പിക്കണമെന്നും പറഞ്ഞു.

ആര്‍ട്ടിഫിഷ്യല്‍ ഇന്റലിജന്‍സുമായി ബന്ധപ്പെട്ട മൂന്ന് പുതിയ എക്‌സിക്യൂട്ടീവ് ഉത്തരവുകളില്‍ ട്രംപ് ഇതേ ഉച്ചകോടിയില്‍ ഒപ്പുവച്ചു. അവയിലൊന്ന് യുഎസില്‍ എഐ വികസനം വര്‍ദ്ധിപ്പിക്കുന്നതിനും രാജ്യത്തിന്റെ പുരോഗതിയെ മന്ദഗതിയിലാക്കാന്‍ കഴിയുന്ന തടസ്സങ്ങള്‍ കുറയ്ക്കുന്നതിനുമുള്ള ഒരു ദേശീയ തന്ത്രത്തിന്റെ രൂപരേഖ നല്‍കുന്നതാണ്. 'വിന്നിംഗ് ദി റേസ്' എന്ന് പേരിട്ടിരിക്കുന്ന പദ്ധതി, ഡാറ്റാസെന്ററുകളുടെ നിര്‍മ്മാണം വേഗത്തിലാക്കുകയും എഐയ്ക്ക് ആവശ്യമായ അടിസ്ഥാന സൗകര്യങ്ങള്‍ നിര്‍മ്മിക്കുന്നത് കമ്പനികള്‍ക്ക് എളുപ്പമാക്കുകയും ചെയ്തുകൊണ്ട് എഐയില്‍ അമേരിക്കയെ മുന്‍നിരയിലാക്കാന്‍ ലക്ഷ്യമിടുന്നതാണ്.