' ബാഹുബലിയും ആര്‍ആര്‍ആറും അല്ല, എനിക്ക് കൂടുതല്‍ ഇഷ്ടം മറ്റൊരു സിനിമ' ; രാജമൗലി

ഇന്ത്യന്‍ സിനിമയില്‍ ഇതിഹാസം സൃഷ്ടിച്ച സംവിധായകനാണ് എസ് എസ് രാജമൗലി. ആര്‍ആര്‍ആര്‍, ബാഹുബലി തുടങ്ങിയ വലിയ സിനിമകളിലൂടെ പ്രേക്ഷകരെ വിസ്മയിപ്പിക്കാന്‍ അദ്ദേഹത്തിന് സാധിച്ചു. ഇപ്പോഴിതാ തനിക്ക് ഈ രണ്ടു ചിത്രങ്ങളെക്കാള്‍ കൂടുതല്‍ ഇഷ്ടം മറ്റൊരു സിനിമയോടാണെന്ന് പറയുകയാണ് രാജമൗലി. കഴിഞ്ഞ ദിവസം നടന്ന ജൂനിയര്‍ എന്ന സിനിമയുടെ പ്രീ റീലീസ് ഇവെന്റിലാണ് പ്രതികരണം.

' ബാഹുബലിയും മഗധീരയും ചെയ്തിട്ടുണ്ടെങ്കിലും എന്റെ ബെസ്റ്റ് ഫിലിം എന്ന് ഞാന്‍ കരുതുന്നത് ഈഗയാണ്. എനിക്ക് വല്ലാത്തൊരു അട്രാക്ഷന്‍ ആ സിനിമയോടുണ്ട്. മറ്റ് സിനിമകളെക്കാള്‍ കുറച്ച് ഇഷ്ടക്കൂടുതല്‍ ആ സിനിമയോട് തോന്നാറുണ്ട്. പലര്‍ക്കും എന്റെ മറ്റ് സിനിമളാകും ഇഷ്ടം. എനിക്ക് ഈഗയാണ്' , രാജമൗലി പറഞ്ഞു.

നാനി, കിച്ച സുദീപ്, സമന്ത എന്നിവരെ പ്രധാന കഥാപാത്രങ്ങളാക്കി രാജമൗലി സംവിധാനം ചെയ്ത ചിത്രമാണ് ഈഗ. 2012ല്‍ റിലീസ് ചെയ്ത ചിത്രം ഈച്ച എന്ന പേരില്‍ മലയാളത്തിലും പ്രദര്‍ശനത്തിനെത്തിയിരുന്നു.