ഖത്തര്‍ പ്രധാനമന്ത്രിയും ഇന്ത്യന്‍വിദേശ കാര്യമന്ത്രിയും ടെലികോണ്‍ഫറന്‍സ്‌ നടത്തി

ദോഹ: ഇന്ത്യന്‍ വിദേശകാര്യമന്ത്രിയും ഖത്തര്‍ പ്രധാനമന്ത്രിയും നയതന്ത്ര വിഷയത്തില്‍ ടെലിഫോണ്‍ സംഭാഷണം നടത്തി. ഖത്തര്‍പ്രധാനമന്ത്രിയും വിദേശകാര്യ മന്ത്രിയും ഷെയ്ഖ് മുഹമ്മദ് ബിന്‍ അബ്ദുള്‍റഹ്മാന്‍ ബിന്‍ ജാസിം അല്‍-താനിയും ഇന്ത്യന്‍ വിദേശകാര്യ മന്ത്രി ഡോ. എസ് ജയശങ്കറുമായി ഫോണില്‍ നടന്ന സംഭാഷണത്തില്‍ ഇരു രാജ്യങ്ങളും തമ്മിലുള്ള ഉഭയകക്ഷി സഹകരണവും അവയെ പിന്തുണയ്ക്കുന്നതിനും മെച്ചപ്പെടുത്തുന്നതിനുമുള്ള മാര്‍ഗങ്ങളും ചര്‍ച്ച ചെയ്തു. സംയുക്ത താല്‍പ്പര്യമുള്ള നിരവധി വിഷയങ്ങള്‍ക്ക് പുറമേ, പ്രാദേശിക വികസനങ്ങളുംഇരുവരും ചര്‍ച്ച ചെയ്തു. നല്ല അയല്‍പക്കതത്വത്തോടുള്ള പൂര്‍ണ്ണ പ്രതിബദ്ധതയുടെയും മേഖലയിലെ സുരക്ഷയും സ്ഥിരതയും പ്രോത്സാഹിപ്പിക്കുന്നതിന്റെയും ചട്ടക്കൂടിനുള്ളില്‍ നിന്ന്എല്ലാ സംഭവവികാസങ്ങളെയും ഖത്തര്‍ വിവേകപൂര്‍വ്വം കൈകാര്യം ചെയ്യുന്നത് തുടരുമെന്ന് പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന്‍ അബ്ദുള്‍റഹ്മാന്‍ ബിന്‍ ജാസിം അല്‍-താനി പറഞ്ഞു.

ഷഫീക് അറക്കല്‍