തല്ക്കാലം എല്ഡിഎഫ് വിടാനില്ല ; പക്ഷേ തദ്ദേശ തെരഞ്ഞെടുപ്പില് കൂടുതല് സീറ്റ് ചോദിക്കും
കോട്ടയം: യുഡിഎഫിലേക്ക് കണ്വീനര് അടൂര് പ്രകാശ് വിളിച്ചതിന് പിന്നാലെ തദ്ദേശ തെരഞ്ഞെടുപ്പില് കൂടുതല് സീറ്റ് ആവശ്യപ്പെടാന് കേരള കോണ്ഗ്രസ് (എം). ഇന്ന് കോട്ടയത്ത് ചേരുന്ന പാര്ട്ടി സംസ്ഥാന സെക്രട്ടറിയേറ്റ് യോഗത്തില് ഓരോ ജില്ലയിലെയും സീറ്റുകളുടെ പട്ടിക തയ്യാറാക്കും. അതേസമയം എല്ഡിഎഫ് വിടാനില്ലെന്നും ജോസ് കെ മാണി വ്യക്തമാക്കി.
കഴിഞ്ഞ ത്രിതല തെരഞ്ഞെടുപ്പ് സമയത്താണ് എല്ഡിഎഫിലേക്ക് വന്നത്്. അതുകൊണ്ട് അന്ന് കാര്യമായി സീറ്റ് ആവശ്യപ്പെടാനുള്ള സമയം ഉണ്ടായില്ല. പഞ്ചായത്തുകളില് സീറ്റ് വര്ദ്ധിക്കുന്നത് അനുസരിച്ച് കേരള കോണ്ഗ്രസിന് പ്രാധാന്യം വേണമെന്നാണ് ആവശ്യം. കോട്ടയം, ഇടുക്കി, പത്തനംതിട്ട, എറണാകുളം ജില്ലകളാണ് കേരള കോണ്ഗ്രസ് എമ്മിന്റെ ലക്ഷ്യം.
മലയോരമേഖലകളില് കൂടുതല് വാര്ഡുകള് ആവശ്യപ്പെടാനും തീരുമാനം എടുത്തിട്ടുണ്ട്. സിപിഎമ്മുമായി ചര്ച്ചകള് തുടങ്ങാനും തീരുമാനിച്ചിരിക്കുകയാണ്്. മുന്നണി മാറ്റം നിലവില് പ്രായോഗികം അല്ലെന്നും നിലവില് കേരള കോണ്ഗ്രസ് എല്ഡിഎഫില് തൃപ്തരാണെന്നും പറഞ്ഞു. മുന്നണിയില് പാര്ടിക്ക് അര്ഹമായ പരിഗണന കിട്ടുന്നുണ്ടെന്നും നിലമ്പുര് തെരഞ്ഞെടുപ്പ് ഫലം നോക്കി മുന്നണി മാറില്ലെന്നും സ്റ്റീഫന് ജോര്ജ് വ്യക്തമാക്കി. കഴിഞ്ഞദിവസമാണ് യുഡിഎഫ് കണ്വീനര് അടൂര്പ്രകാശ് കേരളാകോണ്ഗ്രസിനെ വിളിക്കണമെന്ന് പറഞ്ഞത്്.
YOU MAY BE INTERESTED
LATEST NEWS
- അമ്പലപ്പുഴയില് വിശദീകരണയോഗത്തിന് സിപിഐഎം ; മൂവായിരം പേരെ പങ്കെടുപ്പിച്ച് റാലിയും നടത്തും
- കല്യാണമണ്ഡപത്തില് കയറി ഗുണ്ടയെ പോലീസ് പിടികൂടി; സ്റ്റേഷനില് വിവാഹം നടത്തിത്തരണമെന്ന് ആവശ്യപ്പെട്ട് വധു
- ഇറാനിലെ ഖാര്ഗ്ദ്വീപ് ആക്രമിച്ചെന്ന് ട്രംപ് ; ലക്ഷ്യമിട്ടത് സൈനിക കേന്ദ്രങ്ങളെന്ന് വിശദീകരണം
- സ്ത്രീകള്ക്ക് മാത്രമല്ല മുതിര്ന്ന പൗരന്മാര്ക്കും സൗജന്യയാത്ര ; രാഹുലിന്റെ നിര്ദേശം ഏറ്റെടുക്കാന് എല്ഡിഎഫും
- കുടുംബവാഴ്ചയും അഴിമതിയും ; കോണ്ഗ്രസും സിപിഎമ്മും ഒന്നാണെന്ന് രാജീവ് ചന്ദ്രശേഖര്
