ബയേണ് പ്രീക്വാര്ട്ടറില് കടന്നു ; ചെല്സിക്ക് ഫ്ളെമെംഗോയില് നിന്നും നാണംകെട്ട തോല്വി
അര്ജന്റീന ടീം ബൊക്കാ ജൂണിയേഴ്സിനെ വീഴ്ത്തി ജര്മ്മന്ക്ലബ്ബ് ബയേണ് മ്യൂണിക് ക്ലബ്ബ് ലോകകപ്പിന്റെ നോക്കൗട്ട് ഘട്ടത്തിലെത്തുന്ന ആദ്യ ടീമായി മാറി. ഹാരി കെയ്ന്റേയും ഒലീസേയുടെയും ഗോളുകളിലാണ് ജര്മ്മന്ക്ലബ്ബ് തകര്പ്പന് മുന്നേറ്റം നടത്തിയത്. അതേസമയം ഇംഗ്ളണ്ടില് നിന്നുള്ള മറ്റൊരു വമ്പന്മാരായ ചെല്സി ഫ്ളെമെംഗോയോട് തോല്വി ഏറ്റുവാങ്ങി.
മെറേന്റിയേല് ആയിരുന്നു ബൊക്കയുടെ സ്കോറര്. 18 മിനിറ്റിനുള്ളില് സ്ട്രൈക്കര് കെയ്ന് 10 വാര അകലെ നിന്ന് നടത്തി സ്കോറിംഗ് ആരംഭിച്ചു, രണ്ടാം പകുതിയില് മിഗ്വല് മെറെന്റിയല് സന്തോഷകരമായ സമനില ഗോളാക്കി മാറ്റി. കളി തീരാന് 18 മിനിറ്റ് ബാക്കി നില്ക്കുമ്പോള് കെയ്ന് സഹതാരം ഒലീസേയ്ക്ക് നല്കിയ പന്ത് അദ്ദേഹം ഉജ്വലമായി വലയിലാക്കുകയായിരുന്നു.
ബെന്ഫിക്കയ്ക്കെതിരായ അവസാന ഗ്രൂപ്പ് ഗെയിമില് വിജയിച്ചാല് ബയേണിന് ഒരു പോയിന്റ് ഒന്നാം സ്ഥാനത്തോടെ പ്രീക്വാര്ട്ടറില് കളിക്കാം. മറുവശത്ത് വെള്ളിയാഴ്ച ഫ്ലെമെംഗോയോട് 3-1 നായിരുന്നു ചെല്സി നാണംകെട്ടത്. രണ്ടാം പകുതിയില് തിരിച്ചടിച്ചാണ് ബ്രസീലിയന് ക്ലബ്ബ് ചെല്സിയെ തകര്ത്തുവിട്ടത്. ഇതോടെ അടുത്ത മത്സരത്തില് ചെല്സിക്ക് ജയിക്കണമെന്നത് നിര്ബ്ബന്ധമായി. ആദ്യ പകുതിയില് പെഡ്രോ നെറ്റോ ചെല്സിക്ക് ലീഡ് നല്കിയിരുന്നു. ബ്രൂണോ ഹെന്റിക്ക്, ഡാനിലോ, വാലസ് യാന് എന്നിവരാണ് ഗോളുകള് നേടിയത്.
