സ്റ്റുഡന്റ്സ് ഇന്ത്യ ഖത്തര്: ഈദ്-കിക്സ് 2025: വക്റ ജേതാക്കള്
ദോഹ: സ്റ്റുഡന്റ്സ് ഇന്ത്യ ഖത്തര് പെരുന്നാളിനോടനുബന്ധിച്ച് ഇന്റര്സോണ് ഫുട്ബാള് ടൂര്ണമെന്റ്ഈദ്-കിക്സ് 25' സംഘടിപ്പിച്ചു. അഞ്ച് സോണുകളില് നിന്നായി പതിനാല് ടീമുകള് പങ്കെടുത്ത മത്സരം പങ്കാളിത്തം കൊണ്ട് ശ്രദ്ധേയമായി.
വക്റ ബര്വാ വില്ലേജില് നടന്ന മത്സരത്തില് നദീമത്തുനാ വക്റ വിന്നേഴ്സ് ട്രോഫിയും മെഷാഫിയാ വക്റ ഫസ്റ്റ് റണ്ണര്അപ്പും എംകെ സ്ട്രൈക്കേഴ്സ് മദീന ഖലീഫ സെക്കന്റ് റണ്ണര്അപ്പും നേടി വിജയികളായി. ടൂര്ണമെന്റിലെ മികച്ച കളിക്കാരനായി നദീമത്ത്നാ വക്റയുടെ അര്മാനും മികച്ച ഗോള്കീപ്പറായി മഷാഫിയാ വക്റയുടെ ഇഷാനും ഫെയര്പ്ലേ ടീമായി എംകെ സ്ട്രൈക്കേഴ്സ് മദീന ഖലീഫയും ഏറ്റവും നല്ല ടീം മാനേജരായി റയ്യാന് സോണിലെ ഫഹദും തെരഞ്ഞെടുക്കപ്പെട്ടു. അല്ശമാല് ക്ലബിന്റെ അത്ലറ്റിക് ഹെഡ് കോച്ച് മുന്ഷിര് തൃശൂര് ,സി.ഐ .സി ജനറല് സെക്രട്ടറി ബിലാല് ഹരിപ്പാട് എന്നിവര് മുഖ്യാതിഥികളായി പങ്കെടുത്തു. ഇസ്മായില് വേങ്ങശ്ശേരി, സകരിയ്യ കാരിയാത്ത്, ഇഹ്ജാസ് അസ്ലം, അബ്ദുശുക്കൂര്, അഷ്റഫ് മീരാന്, മിദ്ലാജ് റഹ്മാന്, ബബീന ബഷീര് തുടങ്ങിയവര് നേതൃത്വം നല്കിയ മേളയില് സ്റ്റുഡന്റ്സ് ഇന്ത്യ ഖത്തര് പ്രസിഡണ്ട് അമീന് സബക്, സി ഐ സി കേന്ദ്ര കമ്മിറ്റി അംഗങ്ങളായ നൗഫല് പാലേരി, ഷാനവാസ് ഖാലിദ്, ഷാജഹാന് കരീം എന്നിവര് വിജയികള്ക്കുള്ള ട്രോഫികള് വിതരണം ചെയ്തു.
ഷഫീക് അറക്കല്
LATEST NEWS
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
- ഗൾഫിലെ ഇന്ത്യക്കാർ സുരക്ഷിതർ; എംബസികൾ 24 മണിക്കൂറും ജാഗ്രതയിലെന്ന് മോദി
