ജീവകാരുണ്യ മേഖലയില് മാതൃകയായി ഖത്തര് കുറ്റനാട് മഹല്ല് കൂട്ടായ്മ: ഭാരവാഹികള് 'തുടരും'
ദോഹ : പാലക്കാട് ജില്ലയിലെ കൂറ്റനാട് മഹല്ല് നിവാസികളുടെ കൂട്ടായ്മയായ ഖത്തര് കൂറ്റനാട് മഹല്ല് കൂട്ടായ്മയുടെ
പ്രവര്ത്തനകാലയളവിലേക്ക്പ്രധാന ഭാരവാഹികളെ വീണ്ടും തെരഞ്ഞെടുത്തു.
ദോഹയില് നടന്ന വാര്ഷിക പൊതുയോഗത്തില് ബഷീര് കെ വി( ചെയര്മാന്) എ വി അബ്ദുല് ജലീല് (പ്രസിഡണ്ട്) , അഷ്റഫ് പി എ നാസര് (ജനറല് സെക്രട്ടറി) കബീര് കെ.വി ( ട്രഷറര്), ഷാജി എ.വി, സകീര്. വി.പി. ( വൈസ് പ്രസിഡണ്ട് മാര് ), ശിഹാബ് (ജോയിന്റ് ട്രഷറര്) ശറഫുദ്ധീന്, ഷൌക്കത്ത് (ജോയിന്റ് സെക്രട്ടറി) എന്നിവരെ പുതിയ ഭാരവാഹികളായി തെരഞ്ഞെടുത്തു.
പ്രസിഡന്റ് എ. വി ജലീലിന്റെ അദ്ധ്യക്ഷതയില് ചേര്ന്ന വാര്ഷിക യോഗത്തില്, മഹല്ല് കൂട്ടായ്മ കഴിഞ്ഞ വര്ഷം കാഴ്ചവെച്ച സാമൂഹിക ഉത്തരവാദിത്തപരമായ പ്രവര്ത്തനങ്ങള് അദ്ദേഹം വിലയിരുത്തി. അതിന്റെ വിജയത്തിനു പിന്നിലുള്ളത് അംഗങ്ങളുടെ ഊര്ജസ്വലമായ പിന്തുണയും ആത്മാര്ത്ഥമായ സമര്പ്പണവുമാണെന്ന് അദ്ദേഹം വിശദീകരിച്ചു. ജനറല് സെക്രട്ടറി പി.എ. നാസര് കഴിഞ്ഞ വര്ഷത്തെ റിപ്പോര്ട്ട് അവതരിപ്പിക്കുകയും ചെയ്തു. കഴിഞ്ഞ വര്ഷം മഹല്ല് കൂട്ടായ്മ വീട് നിര്മ്മാണം, സകാത്ത് വിതരണം, ചികിത്സാ ധനസഹായം, പെന്ഷന് പദ്ധതികള് തുടങ്ങി നിരവധി മേഖലകളില് സമൂഹത്തില് ആശ്വാസം നല്കുന്ന ഇടപെടലുകള് നടത്തി. ഈ പ്രവര്ത്തനങ്ങള് അംഗങ്ങള്ക്കൊപ്പം സ്നേഹത്തോടെയും ഉത്തരവാദിത്തത്തോടെയും നടത്തിയതാണ് എന്ന് അദ്ദേഹം സൂചിപ്പിച്ചു. കൂട്ടായ്മയിലെ അംഗങ്ങളുടെ ഉന്നമനം ലക്ഷ്യമിട്ട് ബനവലന്റ് പദ്ധതികളും നടപ്പാക്കി വരുന്നുണ്ട്. മാറാ രോഗിക്കള്ക്കും, വേദന അനുഭവിക്കുന്നവര്ക്കും, അത്താണിയായി, ആശ്രയമായി, ആശ്വാസമായി നിലനില്ക്കുന്ന ഖത്തര് കുറ്റനാട് മഹല്ല് കൂട്ടായ്മ ജീവകാരുണ്യ പ്രവര്ത്തന രംഗത്ത് മികച്ച പ്രവര്ത്തനങ്ങളാണ് നടത്തി വരുന്നത്.
1977 ല് രൂപീകൃതമായ മഹല്ല് കൂട്ടായ്മ നാട്ടിലെ അവശത അനുഭവിക്കുന്ന മഹല്ല് നിവാസികള്ക്ക് ജാതിമത ഭേദമന്യേ രോഗ ചികിത്സക്കും, ജോലി ചെയ്യാന് കഴിയാതെ വരുന്ന അംഗങ്ങള്ക്ക് മാസം തോറും പെന്ഷനുംനല്വരുന്ന സംഘടന പൊതുജനങ്ങള്ക്കായി നാട്ടില് മെഡിക്കല് ക്യാമ്പ് മറ്റു സഹായങ്ങളും നല്കി വരുന്നു. പ്രായമായവര്ക്കും മാനസികമായ തളര്ച്ച അനുഭവിക്കുന്നവര്ക്കുമായി, ആശ്വാസവും ആത്മസാന്ത്വനവും നല്കുന്ന വൃദ്ധസദനങ്ങള്ക്കും, ഷല്ട്ടര് & പാലിയേറ്റീവ് കെയര്, സഹയാത്ര, അനുബന്ധ കേന്ദ്രങ്ങള്ക്കും വേണ്ടി എല്ലാ മാസവും ധന സഹായം കൊടുക്കുന്നുണ്ട്. പിന്നോക്കം നില്ക്കുന്ന ഖത്തറില് നിന്നും വിട്ടുപോയ മഹല്ല് പ്രതിനിധികള്ക്കും മറ്റു മഹല്ല് നിവാസികള്ക്കും മാസം തോറുംസംഘടന പെന്ഷനും നല്കിവരുന്നപദ്ധതികള് വിപുലമാക്കുമെന്ന് ഭാരവാഹികള്പറഞ്ഞു.
ഷഫീക് അറക്കല്
LATEST NEWS
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
- ഗൾഫിലെ ഇന്ത്യക്കാർ സുരക്ഷിതർ; എംബസികൾ 24 മണിക്കൂറും ജാഗ്രതയിലെന്ന് മോദി
