വിവോ ടി4 5ജി ഇപ്പോള്‍ ആകര്‍ഷകമായ ഡിസ്‌കൗണ്ടില്‍ വാങ്ങാന്‍ അവസരം

ഏപ്രില്‍ അവസാന ആഴ്ച വിവോ ഇന്ത്യയില്‍ അവതരിപ്പിച്ച സ്മാര്‍ട്ട്‌ഫോണ്‍ ആണ് വിവോ ടി4 5ജി (Vivo T4 5G). 7300mAh ബാറ്ററി സഹിതം എത്തുന്നു എന്നതായിരുന്നു ഈ പുതിയ വിവോ ഫോണിന്റെ മുഖ്യ സവിശേഷത. ഈ കിടിലന്‍ സ്മാര്‍ട്ട്‌ഫോണ്‍ ഇപ്പോള്‍ ആകര്‍ഷകമായ ഡിസ്‌കൗണ്ടില്‍ വാങ്ങാന്‍ അവസരം ഉണ്ട്. ഇന്ത്യയില്‍ ലോഞ്ച് ചെയ്ത സമയത്ത് വിവോ T4 5ജിയുടെ 8GB+128GB മോഡലിന് 21,999 രൂപയും, 8GB+256GB മോഡലിന് 23,999 രൂപയും, 12GB+256GB മോഡലിന് 25,999 രൂപയുമായിരുന്നു വില.

ഫ്‌ലിപ്പ്കാര്‍ട്ടിലും വിവോ സ്റ്റോറിലും വിവോ ടി4 5ജി വാങ്ങാന്‍ ലഭ്യമാണ്. ലോഞ്ച് വിലയില്‍ തന്നെയാണ് ഇരുപ്ലാറ്റ്‌ഫോമുകളും ഈ ഫോണ്‍ ലിസ്റ്റ് ചെയ്തിരിക്കുന്നത്. എന്നാല്‍ 1500 രൂപ ബാങ്ക് ഡിസ്‌കൗണ്ട് ലഭ്യമാക്കിയിട്ടുണ്ട്. അതായത് അടിസ്ഥാന മോഡല്‍ 20,499 രൂപ വിലയില്‍ സ്വന്തമാക്കാന്‍ സാധിക്കും. 2.5GHz ഒക്ട കോര്‍ സ്നാപ്ഡ്രാഗണ്‍ 7s ജെന്‍ 3 4nm മൊബൈല്‍ പ്ലാറ്റ്ഫോം ആണ് ഈ വിവോ 5ജി ഫോണിന്റെ കരുത്ത്. 6.77 ഇഞ്ച് (2392 x 1080 പിക്‌സലുകള്‍) HDR10+ ഫുള്‍ HD AMOLED സ്‌ക്രീന്‍ ആണ് ഇതിലുള്ളത്. 120Hz റിഫ്രഷ് റേറ്റ്, 20:9 ആസ്പക്ട് റേഷ്യോ, 1300 nits വരെ HBM, 5000 nits വരെ പീക്ക് ബ്രൈറ്റ്നസ് എന്നീ ഫീച്ചറുകളും വിവോ ടി4 5ജിയുടെ ഡിസ്‌പ്ലേയ്ക്ക് ഉണ്ട്. ഗ്രാഫിക്‌സിനായി അഡ്രിനോ 720 GPU ഉണ്ട്.

8GB /12GB LPDDR4X റാം, 128GB / 256GB UFS 2.2 സ്റ്റോറേജ് എന്നിവയും ഇതിലുണ്ട്. ക്യാമറയുടെ കാര്യമെടുത്താല്‍, സോണി IMX882 സെന്‍സറുള്ള 50MP ക്യാമറ (f/1.79 അപ്പേര്‍ച്ചര്‍), 2MP ഡെപ്ത് സെന്‍സര്‍ (f/2.4 അപ്പേര്‍ച്ചര്‍) ഓറ ലൈറ്റ്, 4K വരെ 30 fps വീഡിയോ റെക്കോര്‍ഡിംഗ് എന്നിവ സഹിതം ഡ്യുവല്‍ റിയറ ക്യാമറ സജ്ജീകരണമാണ് വിവോ T4 5ജിയില്‍ സജ്ജീകരിച്ചിരിക്കുന്നത്. സെല്‍ഫിക്കും വീഡിയോ കോളുകള്‍ക്കുമായി f/2.0 അപ്പേര്‍ച്ചറുള്ള 32MP ഫ്രണ്ട് ക്യാമറയും (4K 30 fps വീഡിയോ റെക്കോര്‍ഡിംഗ്) ഉണ്ട്. ആന്‍ഡ്രോയിഡ് 15 അടിസ്ഥാനമാക്കിയുള്ള ഫണ്‍ടച്ച് ഒഎസ് 15-ല്‍ ആണ് വിവോ ടി4 5ജിയുടെ പ്രവര്‍ത്തനം. 2 ആന്‍ഡ്രോയിഡ് ഒഎസ് അപ്ഡേറ്റുകളും 3 വര്‍ഷത്തെ സുരക്ഷാ അപ്ഡേറ്റുകളും ലഭിക്കും. ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സര്‍, ഇന്‍ഫ്രാറെഡ് സെന്‍സര്‍, USB ടൈപ്പ്-സി ഓഡിയോ, ബോട്ടം-പോര്‍ട്ടഡ് സ്പീക്കര്‍, മിലിട്ടറി-ഗ്രേഡ് ഡ്യൂറബിലിറ്റി (MIL-STD-810H), IP65 റേറ്റിങ്‌സ് എന്നീ ഫീച്ചറുകളും ഇതിലുണ്ട്.