ഐ.സി.ബി.എഫ് സാധാരണ തൊഴിലാളിക്കായി 51-ാമത് സൗജന്യ മെഡിക്കല് ക്യാമ്പ് സംഘടിപ്പിച്ചു
ദോഹ: ഖത്തര് ഇന്ത്യന് എംബസി അപ്പക്സ് ബോഡിയായ ഇന്ത്യന് കമ്മ്യൂണിറ്റി ബെനവലന്റ് ഫോറം (ICBF ഖത്തര്), സാമൂഹ്യ ക്ഷേമ പ്രതിബദ്ധതയുടെ ഭാഗമായി സംഘടിപ്പിച്ച് വരാറുള്ള പ്രവാസികളിലെ സാധാരണ തൊഴിലാളികള്ക്കായുള്ള 51-ാമത് സൗജന്യ മെഡിക്കല് ക്യാമ്പ് മെഷാഫിലെ കിംസ് ഹെല്ത്തില് സംഘടിപ്പിച്ചു.
ജനറല് മെഡിസിന്, കാര്ഡിയോളജി, ഡര്മറ്റോളജി, ഇ.എന്.ടി, ഡെന്റല് കെയര് തുടങ്ങിയ വിഭാഗങ്ങളില് വിദഗ്ധ ഡോക്ടര്മാരുടെ പരിശോധനകള് ക്യാമ്പില് ലഭ്യമാക്കി. ജീവിതശൈലി രോഗനിര്ണ്ണയവുമായി ബന്ധപെട്ട രക്തപരിശോധനകള്, ബി.എം.ഐ പരിശോധകളും നടത്തി.
ഖത്തര് ഇന്ത്യന് ഫാര്മസി അസോസിയേഷന് (ഐഫാക്) സൗജന്യ ഫാര്മസി സേവനത്തിലൂടെ അവശ്യ മരുന്ന്കള് വിതരണം ചെയ്തു. ഐ.സി.ബി.എഫ് ലൈഫ് ഇന്ഷുറന്സ് ഹെല്പ്ഡെസ്കും ക്രമീകരിച്ചിരുന്നു.
അടിസ്ഥാന ജീവ രക്ഷാ പരിശീലനവും (BLS), ചര്മ്മ പരിപാലന വിദ്യാഭ്യാസ ക്ലാസുകളും ക്യാമ്പിന്റെ ഭാഗമായി സംഘടിപ്പിച്ചു.
ക്യാമ്പ് ഇന്ത്യന് എംബസി കമ്മ്യൂണിറ്റി വെല്ഫെയര് & ലേബര് എ.എസ്.ഒ . രവി രഥി ഉദ്ഘാടനം ചെയ്തു. വൈസ് പ്രസിഡണ്ട് റഷീദ് അഹമ്മദിന്റെ അദ്ധ്യക്ഷതയില് ജനറല് സെക്രട്ടറി ദീപക് ഷെട്ടി സ്വാഗതവും സെക്രട്ടറി ജാഫര് തയ്യില് നന്ദിയും പറഞ്ഞു. . മെഡിക്കല് ക്യാമ്പുകളുടെ ചുമതലയുള്ള ഐ സി ബി എഫ് എം സി മെമ്പര് മിനി സിബി,
കിംസ് ഹെല്ത്ത് അഡ്മിനിസ്ട്രേറ്റര് ഡോ. രാഹുല്, ഐ.സി.ബി.എഫ് അഡൈ്വസറി കൗണ്സില് ചെയര്മാന് കെ.എസ്. പ്രസാദ്, പ്രോഗ്രാം കമ്മിറ്റി ചെയര്മാന് വര്ക്കി ബോബന്, മുന് ഐ.സി.ബി.എഫ് പ്രസിഡണ്ട് പി.എന്. ബാബുര്ജാന്, ഐ.സി.സി വൈസ് പ്രസിഡണ്ട് ശാന്തനു ദേശ്പാണ്ഡെ, ഐ.എസ്.സി. വൈസ് പ്രസിഡണ്ട് സിതേന്ദു പാല, ഐ.സി.ബി.എഫ് അഡൈ്വസറി കൗണ്സില് അംഗം സദീഷ് വില്ലവില് തുടങ്ങിയവര് സാന്നിധ്യം വഹിച്ചു.
350-ത്തിലധികം സമൂഹാംഗങ്ങള്ക്ക് ക്യാമ്പിന്റെ ഭാഗമായും സമഗ്രമായ സൗജന്യ ആരോഗ്യ സേവനങ്ങള് ഉപയോഗപ്പെടുത്താനായതായി സംഘാടകര് പറഞ്ഞു. ഐ.സി.ബി.എഫ് എം.സി അംഗങ്ങളായ നിര്മല ഗുരു, ശങ്കര് ഗൗഡ്, ഖാജ നിസാമുദ്ദീന്, മണിഭാരതി, അമര്വീര് സിങ്, ഇര്ഫാന് അന്സാരി എന്നിവരും വിവിധ സംഘടനകളില് നിന്നുള്ള സന്നദ്ധ പ്രവര്ത്തകരുമാണ് ക്യാമ്പ് ആസൂത്രണം ചെയ്ത് വിജയകരമായി നയിച്ചത്.
സാമൂഹ്യാരോഗ്യത്തിനോടുള്ള ഐ.സി.ബി.എഫിന്റെ ദീര്ഘകാല പ്രതിബദ്ധത പ്രവാസികള്ക്കായി കരുണയുടെയും ഐക്യത്തിന്റെയും ശക്തിയുടെയും പ്രതീകമായി തുടരുമെന്ന് ഭാരവാഹികള് അറിയിച്ചു.
ഷഫീക് അറക്കല്
LATEST NEWS
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
- ഗൾഫിലെ ഇന്ത്യക്കാർ സുരക്ഷിതർ; എംബസികൾ 24 മണിക്കൂറും ജാഗ്രതയിലെന്ന് മോദി
