കലയുടെ സൗരഭ്യമായി ഐ.സി.ബി.എഫ് ലേബര് ഡേ ആഘോഷം 'രംഗ് തരംഗ്' : 20 തൊഴിലാളികളെ ആദരിച്ചു
ദോഹ: ഇന്ത്യന് കമ്മ്യൂണിറ്റി ബെനവലന്റ് ഫോറം (ICBF) ആഗോള തൊഴിലാളി ദിനാഘോഷ പരിപാടിയുടെ ഭാഗമായി സംഘടി പ്പിച്ച'രംഗ് തരംഗ് 2025' കലയുടെ ആഘോഷമായി. ഏഷ്യന് ടൗണിലെ പാര്ക്കിംഗ് ഏരിയയില് നടന്ന 'രംഗ് തരംഗ് 2025' ജനബാഹുല്യം കൊണ്ടും കലാ വിരുന്നുകളുടെ വൈവിധ്യം കൊണ്ടും ശ്രദ്ധേയമായി. സാധാരണ തൊഴിലാളികള്ക്കായുള്ള വര്ണ്ണാഭമായ വിവിധ കലാ സാംസ്ക്കാരിക പരിപാടികള് ആസ്വാദക വിസ്മയമായി.
ഐ.സി.ബി.എഫ് അഫിലിയേറ്റഡ് സംഘടനകളും ഖത്തറിലെ ഇന്ത്യന് സാംസ്ക്കാരിക സംഘടനകളും, കലാ പഠന കേന്ദ്രങ്ങളും വൈവിധ്യം നിറഞ്ഞ നൃത്തഗാന വിരുന്നൊരുക്കി.
പ്രസിഡണ്ട് ഷാനവാസ് ബാവ അധ്യക്ഷതവഹിച്ച ആഘോഷപരിപാടി
ഇന്ത്യന് അംബാസഡര് വിപുല് ഉത്ഘാടനം ചെയ്തു. ഖത്തറിലെ ഇന്ത്യന് തൊഴിലാളി സമൂഹത്തിന്റെ സമര്പ്പണത്തെ അഭിനന്ദിച്ച ഇന്ത്യന് സ്ഥാനപതി അവരില് ഏറ്റവും അര്ഹരായവര്ക്ക് ആദരവ് നല്കുന്ന
ഐ.സി.ബി.എഫിനെ പ്രശംസിച്ചു.
ചടങ്ങില് നേപ്പാള് അംബാസഡര് രമേശ് ചന്ദ്ര പൗധേല്, ICBF കോ ഓര്ഡിനേറ്റിങ് ഓഫിസര് ഈഷ് സിംഗാള്, ഖത്തര് ആഭ്യന്തര മന്ത്രാലയം കമ്മ്യൂണിറ്റി പോലീസ് ഡയറക്ടര് ഡോ : ഇബ്രാഹിം മുഹമ്മദ് റാഷിദ് അല് സമയഹ്, തൊഴില് മന്ത്രാലയം പ്രതിനിധി സലിം ദാര്വിഷ് അല് മുഹന്നദി , അന്താരാഷ്ട്ര തൊഴിലാളി സംഘടന (ILO) യില് നിന്ന് മാക്സ് ട്യൂണാന് , നാഷണല് ഹ്യൂമന് റൈറ്റ്സ് കമ്മിറ്റിയുടെ (NHRC) പ്രതിനിധി ക്യാപ്റ്റന് നാസര് മുബാറക് അല് ദോസരി , അബ്ദുല് സാലിഹ് അല് ശമ്മാരി (മയക്ക് മരുന്ന് വിഭാഗം) ഡോ: മുഹമ്മദ് അല് ഹജ്ജാജ് (ആരോഗ്യ മന്ത്രാലയം) അബ്ദുല്ല അഹമ്മദ് അല് മുഹന്നദി, അബ്ദുല്ല മുഹമ്മദ് ഹസ്സന് (വര്ക്കേഴ്സ് സപ്പോര്ട്ട് ഇന്ഷുറന്സ് ഫണ്ട് ), ഖാലിദ് അബ്ദുല് റഹ്മാന് ഫഖ്റു (തൊഴില് മന്ത്രാലയം ) തുടങ്ങി നിരവധി പ്രമുഖരുടെ സാന്നിധ്യംവഹിച്ചു.
ഇന്ത്യന് കമ്മ്യൂണിറ്റി നേതാക്കളായ എ.പി. മണികണ്ഠന് (ഐ.സി.സി പ്രസിഡന്റ് ), ഇ.പി. അബ്ദുല് റഹ്മാന് (ഐ. എസ്.സി പ്രസിഡന്റ്), അബ്ദുല് സത്താര് (ഐ.ബി.പി.സി വൈസ് പ്രസിഡന്റ് ), പ്രോഗ്രാം കമ്മിറ്റി ചെയര്മാന് വര്ക്കി ബോബന്, ഉപദേശക സമിതി ചെയര്മാന് കെ.എസ. പ്രസാദ്, മുന് പ്രസിഡന്റുമാരായ നീലങ് ശു ഡേ, ബാബുരാജന് പി.എം സിയാദ് ഉസ്മാന് തുടങ്ങിയവരും സന്നിഹിതരായിരുന്നു.
ദീര്ഘ കാല പ്രവാസികളില് മുപ്പതിലേറെ വര്ഷം ഖത്തറില് സേവനമനുഷ്ഠിച്ച താഴ്ന്ന വരുമാനക്കാരായ ഇരുപത് പേരെ അവാര്ഡ് നല്കി ആദരിച്ചത് തൊഴിലാളി ദിനാഘോഷത്തിന്റെ മുഖ്യ ആകര്ഷണമായിരുന്നു. പുത്തൂര് ആര് ശശിധരന്, സുബ്ബയ്യ മുരുഗന്, കാക്കോത്തിയില് യൂസഫ്, കിഴക്കയില് മഹമൂദ്, ചാത്തേരി സൈനുദീന്, ഇമാംസ ജെബിര്, ടി. പി. കാദര് അഷ്റഫ്, സുന്ദരന് കേശവന്, കുയ്യയില് അമ്മദ്, അജ്മല് ഖാന്, നാന്സി എം.ഗബ്രിയേല്, എം.പി. ഹമീദ്, ഹസ്സന് അബ്ദുല് റഹ്മാന്, കായല് മഠത്തില് അലി, സാഞ്ചോ ഫ്രണാണ്ടസ്, നെല്ലി സുജാത, എടച്ചേരി മൊയ്ദു,ബൂട്ട സിംഗ്, ഭൂപീന്ദര് പ്രസാദ് താക്കൂര് , നരവേണി ബൂമയ്യ എന്നിവര്ക്കാണ് ആദരം ലഭിച്ചത്. ജീവിതത്തിലെ അവിസ്മരണീയ മുഹൂര്ത്തമാണ് ഐ.സി.ബി.എഫ്. സമ്മാനിച്ചതെന്ന് അവാര്ഡ് ജേതാക്കള് പ്രതികരിച്ചു.
ജനറല് സെക്രട്ടറി ദീപക് ഷെട്ടി സ്വാഗതമാശംസിച്ചു. വൈസ് പ്രസിഡന്റ് റഷീദ് അഹമ്മദ് നന്ദി പറഞ്ഞു, സെക്രട്ടറി ജാഫര് തയ്യില്, എം.സി. മെമ്പര്മാരായ നിര്മല ഗുരു, ഖാജാ നിസാമുദീന്, ശങ്കര് ഗൗഡ, മിനി സിബി, അമര് വീര് സിംഗ്, മാണി ഭാരതി എന്നിവര് നേതൃത്വം നല്കി.
ഷഫീക് അറക്കല്
LATEST NEWS
- ദോഹയിൽ ഹൃദയസ്തംഭനം മൂലംമലയാളി ബാലിക മരിച്ചു
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
