ശ്വേത മോഹനും,നീരജ് മാധവും നയിക്കുന്ന സംഗീതവിരുന്ന് മെയ് 8 ന് വ്യാഴാഴ്ച QNCC എക്സിബിഷന് ഹാളില്
ദോഹ: കലാ,കായിക, സാംസ്കാരിക, സാമൂഹ്യ, ജീവകാരുണ്യ പ്രവര്ത്തനങ്ങളില് കാല് നൂറ്റാണ്ട് പൂര്ത്തിയാക്കുന്നസീറോ- മലബാര് കള്ച്ചറല് അസ്സോസിയേഷന് (SMCA)ഖത്തര് സില്വര് ജൂബിലിആഘോഷങ്ങളുടെ ഭാഗമായി സംഘടിപ്പിക്കുന്ന Silver beasts' മെഗാ ഇവന്റ് മെയ് 8ന് വ്യാഴാഴ്ച വൈകുന്നേരം QNCC എക്സിബിഷന് ഹാളില് നടക്കുമെന്ന് ഭാരവാഹികള് വാര്ത്താ സമ്മേളനത്തില് അറീയിച്ചു.
അഞ്ചു മണിക്കൂര് നീളുന്ന സംഗീതവിരുന്നില് പ്രശസ്ത പിന്നണി ഗായിക ശ്വേത മോഹന് നയിക്കുന്ന ബെന്നറ്റ് ബാന്ഡ്, പ്രശസ്ത നടനും, ഗായകനുമായ നീരജ് മാധവ് നയിക്കുന്ന Nj live എന്നീ പ്രശസ്ത മ്യുസിക് ബാന്ഡുകള് സംഗീതപ്രേമികളുടെ ഇഷ്ടഗാനങ്ങള് ആലപിക്കും.പ്രശസ്ത സിനിമാ താരംനിവിന് പോളി മുഖ്യാതിഥിയായിപങ്കെടുക്കും.
നീരജ് മാധവിന്റെ ദോഹയിലെ ആദ്യ സംഗീത പരിപാടികൂടിയായ സില്വര് ബീറ്റ്സിന്റെ ടിക്കറ്റ് നിരക്കുകള് 50, 100,200,1000 2000റിയാല് എന്നിങ്ങനെയാണ്. സമൂഹത്തിന്റെ നന്മയ്ക്കും അഭിവൃദ്ധിയ്ക്കായും, അംഗങ്ങളുടെ കലാപരവും കായികവുമായ കഴിവുകളെ വളര്ത്തുന്ന ഒട്ടേറെ പുതിയ പരിപാടികള്ക്കും, ജീവകാരുണ്യ പദ്ധതികള്ക്കും ജൂബിലി വര്ഷത്തില് തുടക്കം കുറിക്കുമെന്ന് ഭാരവാഹികള് പറഞ്ഞു.
വാര്ത്താസമ്മേളനത്തില് ടിക്കറ്റ് ലിഞ്ചിങ്ങ് ചടങ്ങും നടന്നു.സല്വ റോഡ് എം ആര് എ റെസ്റ്റോറന്റ് പാര്ട്ടി ഹാളില് നടന്ന വാര്ത്താ സമ്മേളനത്തില് എസ് എം സിഎജനറല് സെക്രട്ടറി അജൊ ആന്ററണി, വൈസ് പ്രസിഡണ്ട് ജിറ്റൊ ജെയിംസ്,മുന് പ്രസിഡന്റ് മനോജ് മാത്യുപ്രായോജകരായപാപ്പാ ജോണ്സ് എം ഡി ജോസഫ്, കാസ്റ്റില് ഇന്ഫ്രസ്റ്റക്ച്ചര് എം ഡി മിബു ജോസ്, വേള്ഡ് പ്ലാസ്റ്റിക്സ് എം ഡി തങ്കച്ചന് എന്നിവര് പങ്കെടുത്തു.
ഷഫീക് അറക്കല്
LATEST NEWS
- ദോഹയിൽ ഹൃദയസ്തംഭനം മൂലംമലയാളി ബാലിക മരിച്ചു
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
