ഖിയ ചാമ്പ്യന്സ് ലീഗ് ഫുട് ബോളിന് ഇന്ന് തുടക്കം: ആദ്യമത്സരം എം ഇ എസ് ഇന്റര് നാഷണല് സ്കൂള്- അല്ഖോര് ഇന്റര് നാഷണല് സ്കൂള് നമ്പര് 2
ദോഹ: ഖത്തറിലെ ഇന്ത്യന് സമൂ ഹത്തിന്റെ ആവേശ മായ ഖിയ ചാമ്പ്യന്സ് ലീഗ് ഫുട്ബോള് പുതിയ സീസണിന് ഇന്ന് ദോഹ സ്പോര്ട്സ് സ്റ്റേഡിയത്തില് തുടക്കംകുറിക്കും.വൈകുന്നേരം 6മണിക്ക് നടക്കുന്ന ആദ്യമത്സരത്തില് എം ഇ എസ് ഇന്റര് നാഷണല് സ്കൂള്അല്ഖോര് ഇന്റര് നാഷണല് സ്കൂള് നമ്പര് 2വിനെ നേരിടും, രാത്രി 7മണിക് നടക്കുന്ന രണ്ടാം മത്സരത്തില് ദോഹ മോഡേണ് സ്കൂള് അല്ഖോര് ഇന്റര് നാഷണല് സ്കൂള് നമ്പര് വണ്ണുമായി പോരാടും.
ഏറെ പുതുമകളുമായാണ് ഈ വര്ഷത്തെ ഖിയ ചാമ്പ്യന്സ് ലീഗ് നടത്തപ്പെടുന്നത്. 3 വ്യത്യസ്ത ടൂര്ണമെന്റുകളാണ് ഈ വര്ഷം ഉള്പ്പെടുത്തിയിട്ടുള്ളതെന്ന് ടൂര്ണമെന്റ് ലോഞ്ചിങ് സെറിമണിയോട് അനുബന്ധിച്ചു നടന്ന വാര്ത്താ സമ്മേളനത്തില് സംഘാടകര് പറഞ്ഞു. 'കഴിഞ്ഞ പന്ത്രണ്ട് വര്ഷങ്ങളായി നടന്നു വരുന്ന സീനിയര് ചാമ്പ്യന്സ് ലീഗിന് പുറമെ 40 വയസ്സിനു മുകളില് ഉള്ളവര്ക്കുള്ള മാസ്റ്റേഴ്സ് ലീഗ് , അണ്ടര് 14 ആണ്കുട്ടികളുടെ ജൂനിയര് ചാമ്പ്യന്സ് ലീഗ് എന്നിവയാണ് പുതിയ രണ്ടു ഫോര്മാറ്റുകള്.' പത്രസമ്മേളനത്തില് ഖിയ ജനറല് സെക്രട്ടറിയും ചാമ്പ്യന്സ് ലീഗ് ടൂര്ണമെന്റ് ഹെഡുമായ രഞ്ജിത് രാജു പറഞ്ഞു. ടൂര്ണമെന്റ് ഓര്ഗനൈസിംഗ് കമ്മിറ്റി ചെയര്മാന് മിബു ജോസ്, ടൂര്ണമെന്റ് ടൈറ്റില് സ്പോണ്സര്മാരായ അല് വഹ കാര്സ് കൈയ് ബ്രാന്ഡ് ജനറല് മാനേജര് ആന്ഡ്രൂ പാല്മെര്, ഖിയ പ്രസിഡന്റ് അബ്ദുറഹീം, ടൂര്ണമെന്റ് കോഓര്ഡിനേറ്റര് സഫീര് എന്നിവര് സംസാരിച്ചു.
വിവിധ കമ്പനികളെ പ്രതിനിധികരിച്ച് എത്തിയ സ്പോണ്സര്മാര് , ടീമുകള്, മീഡിയാ പ്രതിനിധികള് എന്നിവരുടെ സാന്നിധ്യത്തില് നടന്ന ലോഞ്ചിങ് സെറിമണിയില് അല് വഹ കാര്സ് കൈയ് ബ്രാന്ഡ് ടൂര്ണമെന്റിന്റെ ടൈറ്റില് പാര്ട്ണര്മാരായി പ്രഖ്യാപിച്ചു. ഓട്രോള് ടെക്നോളോജിസ് പ്ലാറ്റിനം പാര്ട്ണര്മാരായപ്പോള്, കാസില് ഗ്രൂപ്പ്, ഹോട്ട് ആന്ഡ് കൂള്, ഇസുസു ജൈദ ഗ്രൂപ്പ് എന്നിവര് ഡയമണ്ട് പാര്ട്ണര്മാരായി. ദോഹയിലെ പ്രമുഖരായ നിരവധി മറ്റു കമ്പനികളും ടൂര്ണമെന്റുമായി ധാരണാപത്രം ഒപ്പു.
തുടര്ന്ന് ഖിയ പ്രസിഡന്റ് അബ്ദുറഹീം അധ്യക്ഷനായ ഉത്ഘാടന സെഷന് ഇന്ത്യന് എംബസി ഫസ്റ്റ് സെക്രട്ടറി , ശ്രീ വൈഭവ് ഠണ്ഡലേ ഉത്ഘാടനം ചെയ്തു. ഐ എസ് സി പ്രസിഡന്റ് ഇപി അബ്ദുറഹ്മാന്, ഐ സി സി പ്രസിഡന്റ് ഷാനവാസ് ബാവ, ശ്രീ ആന്ഡ്രൂ പാല്മാര്, ശ്രീ സൈം എന്നിവര് ആശംസകള് അര്പ്പിച്ചു സംസാരിച്ചു.വിവിധ മന്ത്രാലയങ്ങളെ പ്രതിനിധീകരിച്ചു മുഹമ്മദ് ഹുസ്സൈന് അല് എമാദി, ഫായിസ്, താമര് എന്നിവര്ക്ക് പുറമെ നിരവധി കമ്മ്യൂണിറ്റി നേതാക്കളും പരിപാടിയില് പങ്കെടുത്തു.
ഷഫീക്ക് അറക്കല്
LATEST NEWS
- ദോഹയിൽ ഹൃദയസ്തംഭനം മൂലംമലയാളി ബാലിക മരിച്ചു
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
