400 രൂപയ്ക്ക് 3 കിലോ മാമ്പഴം വാങ്ങിയിട്ടും പണം നല്കാന് തയ്യാറാകാതെ കാറുടമ: ചോദ്യം ചെയ്ത കച്ചവടക്കാരെ വലിച്ചിഴച്ചത് 200 മീറ്ററോളം
ദില്ലിയില് കച്ചവടക്കാരനോട് അതിക്രൂരത. 400 രൂപ വിലയുള്ള മൂന്ന് കിലോ മാമ്പഴത്തിന്റെ പണം നല്കാന് തയ്യാറാകാത്ത കാറുടമ, മാമ്പഴക്കച്ചവടക്കാരനെ 200 മീറ്ററോളം ദൂരം കാറില് വലിച്ചിഴച്ചു. ദില്ലിയിലെ സിംഗ് എംപയറിനടുത്തുള്ള അംബാല ചണ്ഡീഗഡ് ഹൈവേയിലാണ് സംഭവം. ഡെറാബസിലെ അമര്ദീപ് കോളനിയിലെ താമസക്കാരനായ സുഖ്ബീര് സിംഗാണ് പോലീസില് പരാതി നല്കിയത്.
താന് ഉന്തുവണ്ടിയില് മാമ്പഴം വില്ക്കവെ ഒരു ബ്രസ്സ കാര് സമീപത്ത് വന്ന് നിന്നു. ഡ്രൈവര് മാമ്പഴത്തിന്റെ വില ചോദിച്ചു. 3 കിലോ എടുക്കാന് ആവശ്യപ്പെട്ടു. മാമ്പഴം തൂക്കി വണ്ടിയില് വച്ചപ്പോള് ഡ്രൈവര് വില പേശാന് തുടങ്ങി. അങ്ങനെ 480 രൂപയുടെ മാമ്പഴം 400 രൂപയ്ക്ക് കൊടുക്കാന് താന് തയ്യാറായെന്നും എന്നാല് ഡ്രൈവര് കാര് പെട്ടെന്ന് മുന്നോട്ട് എടുക്കുകയായിരുന്നെന്നും സുഖ്ബീര് പോലീസില് നല്കിയ പരാതിയില് പറയുന്നു.
തുടര്ന്ന് കാര് പെട്ടെന്ന് മുന്നേട്ടെടുത്തപ്പോള് സുഖ്ബീര് ഡ്രൈവര് സീറ്റിന്റെ വിന്ഡോയില് പിടി മുറുക്കി. എന്നാല്, കാര് നിര്ത്താന് തയ്യാറാകാതെ ഡ്രൈവര് വേഗത കൂട്ടി. ഏതാണ്ട് 200 മീറ്ററോളം ദൂരം കാര് സുഖ്ബീര് സിംഗിനെയും വലിച്ച് ഇഴച്ച് കൊണ്ട് മുന്നോട്ട് പോയി. കാര് അംബാല ഭാഗത്തേക്ക് പെട്ടെന്ന് തിരഞ്ഞപ്പോള്, സുഖ്ബീര് സിംഗ് കാറില് നിന്നും പിടിവിട്ട് ബസ് സ്റ്റാന്റിന് സമീപത്ത് വീഴുകയായിരുന്നു. വീഴ്ചയില് സുഖ്ബീര് സിംഗിന്റെ കാലൊടിഞ്ഞു.
'അയാള് 10 ലക്ഷം രൂപയുടെ വണ്ടി ഓടിക്കുന്നു. എന്നിട്ട് 400 രൂപയ്ക്ക് വേണ്ടി എന്നെ കൊല്ലാന് ശ്രമിച്ചു' അപകട ശേഷം സുഖ്ബീര് പ്രാദേശിക മാധ്യമങ്ങളോട് പറഞ്ഞു. കാറിന്റെ നമ്പര് അടക്കമാണ് സുഖ്ബീര് പോലീസില് പരാതി നല്കിയത്. സംഭവം പ്രദേശികമായി വലിയ സംഘര്ഷത്തിന് കാരണമായി. കാറുടമയെ അറസ്റ്റ് ചെയ്യണമെന്ന് പ്രദേശത്തെ കച്ചവടക്കാര് ആവശ്യപ്പെട്ടു. ലഭിച്ച കാര് നമ്പറിന്റെ അടിസ്ഥാനത്തില് അന്വേഷണം നടക്കുകയാണെന്ന് പോലീസ് പറഞ്ഞു.
A red Brezza slowed down near Sukhbir’s cart, where he was selling mangoes. The driver asked for the price, and Sukhbir said ₹480 for a kg. The man bargained it down to ₹400 and asked him to pack 3 kgs of mangoes. After loading them into his car, instead of paying, the driver… pic.twitter.com/p2qF0Js2QD— Aaraynsh (@aaraynsh) April 13, 2025
LATEST NEWS
- ഇന്ധന പ്രതിസന്ധി: ഇണ്ടക്ഷന് കുക്കര് വാങ്ങാന് വന് ജനക്കൂട്ടം, ഒരു ദിവസം വിറ്റുപോയത് 93 എണ്ണം
- എന്തൊരു വിധി! ഒരു സിലിണ്ടര് എത്തിച്ചാല് 50 പ്ലേറ്റ് മോമോസ് സൗജന്യം: വൈറലായി റസ്റ്ററന്റിന്റെ ഓഫര്
- റീല്സ് ചിത്രീകരണത്തിനിടെ ശരീരത്തില് തട്ടി: വഴിയാത്രക്കാരനെ ഓടിച്ചിട്ട് തല്ലി ഇന്ഫ്ളുവന്സര്
- ഇന്ത്യയില് മരുന്നുകള്ക്ക് ഇത്ര വിലക്കുറവോ? കണ്ണുതള്ളി ഓസ്ട്രേലിയന് വ്ളോഗര്, വീഡിയോ
- ചിറകില്ലെങ്കില് എന്താ! അസലായി പറക്കും ഈ പാമ്പുകള്, കേരളത്തിലെ വനമേഖലയിലും കാണാനാകും
