ഡൊമിനിക്കൻ റിപ്പബ്ലിക്കിൽ നിശാ ക്ലബിന്റെ മേൽക്കൂര ഇടിഞ്ഞ് വീണ് അപകടം: മരണം 113 ആയി
കരീബിയൻ ദ്വീപ് രാഷ്ട്രമായ ഡൊമിനിക്കൻ റിപ്പബ്ലിക്കിൽ ക്ലബ്ബിന്റെ മേൽക്കൂര തകർന്നുവീണുണ്ടായ അപകടത്തിൽ .മരിച്ചവരുടെ എണ്ണം 113 ആയി. ബുധനാഴ്ച പുലർച്ചെയോടെയുണ്ടായ അപകടത്തിൽ ഇപ്പോഴും രക്ഷാപ്രവർത്തനം പുരോഗമിക്കുകയാണ്. തലസ്ഥാന നഗരമായ സാന്റോ ഡൊമിങോയിലെ ഐതിഹാസികമായ നിശാ ക്ലബായ ‘ജെറ്റ് സെറ്റ് ക്ലബ്ബി’ലാണ് അപകടം സംഭവിച്ചത് .
🚨 The death toll from the nightclub roof collapse in the Dominican Republic during a concert has risen to 79, with 155 injured➡️ Two former Major League Baseball players, former pitcher Octavio Dotel and outfielder Tony Blanco are among the victims https://t.co/3y3XGfLsjG pic.twitter.com/4swi3eB5a3— Anadolu English (@anadoluagency) April 9, 2025
സംഗീതനിശ ആസ്വദിക്കാൻ എത്തിയവരാണ് അപകടത്തിൽപ്പെട്ടത്. ആളുകൾ നൃത്തം ചെയ്തുകൊണ്ടിരിക്കുന്നതിനിടെ കോൺക്രീറ്റ് സ്ലാബുകൾ ഇടിഞ്ഞുവീഴുകയായിരുന്നു. അവശിഷ്ടങ്ങൾക്കിടയിൽ നിരവധി പേർ കുടുങ്ങിക്കിടക്കുന്നുണ്ടെന്നു രാജ്യാന്തര മാധ്യമങ്ങൾ റിപ്പോർട്ട് ചെയ്തു. അപകടത്തിൽ 255 ലധികം പേർക്കു പരുക്കേറ്റതായി അധികൃതർ അറിയിച്ചു.
ഡൊമിനിക്കൻ റിപ്പബ്ലിക്കിന്റെ ചരിത്രത്തിലുണ്ടായ ഏറ്റവും വലിയ ദുരന്തമാണ് ‘ജെറ്റ് സെറ്റ് ക്ലബി’ൽ നടന്നതെന്നു പ്രാദേശിക മാധ്യമങ്ങൾ റിപ്പോർട്ട് ചെയ്തു. കണ്ടെത്തിയവയിൽ 32 മൃതദേഹങ്ങൾ മാത്രമേ ഇതുവരെ തിരിച്ചറിയാൻ സാധിച്ചിട്ടുള്ളൂ.
