‘വഴക്കുണ്ടാക്കുമോ; എന്നോട് സോറി പറ...’നടുക്കടലില് കയാക്കിംഗ് ചെയ്യുന്നതിനിടെ ഭാര്യയോട് ആവശ്യം ഉന്നയിച്ച് ഭര്ത്താവ്; ചിരി നിര്ത്താതെ നെറ്റിസണ്സ്
ജീവിതപങ്കാളികള് തമ്മിലുള്ള ഇണക്കങ്ങളും പിണക്കങ്ങളും ജീവിതത്തിന്റെ ഭാഗമാണ്. സ്നേഹമുള്ളയിടത്തേ വഴക്കുണ്ടാകൂ എന്ന തത്വം ശരിക്കും സത്യമാകുന്നത് രണ്ട് ജീവിതസാഹചര്യങ്ങളില് നിന്ന് വന്നവര് ഒരുമിച്ചു ജീവിക്കുമ്പോഴാണ്. അഭിപ്രായ വ്യത്യാസങ്ങള് സാധാരണമായതു കൊണ്ടു തന്നെ പരിഹരിക്കാന് ഏതെങ്കിലുമൊരാള് മുന്നോട്ടു വന്നേ മതിയാകൂ. പരസ്പധാരണ ഇടയിലുണ്ടെങ്കില് അത്തരം അഭിപ്രായ വ്യത്യാസങ്ങള് പറഞ്ഞ് തീര്ക്കാവുന്നതേയുള്ളൂ.
ഇപ്പോഴിതാ അത്തരത്തില് ഒരു ഭാര്യയും ഭര്ത്താവും തമ്മിലുള്ള വഴക്ക് രസകരമായി കോമ്പ്രമൈസ് ചെയ്യുന്ന രീതിയാണ് സോഷ്യല് മീഡിയ ഏറ്റെടുക്കുന്നത്. നടുക്കടലില് കയാക്കിംഗ് നിര്ത്തി ഭാര്യയോട് തന്റെ ആവശ്യങ്ങള് അംഗീകരിക്കാന് ആവശ്യപ്പെടുകയാണ് ഒരു ഭര്ത്താവ്. ദൃശ്യങ്ങളില് എല്ലാം കേട്ട് ദേഷ്യം മാറ്റി ചിരിക്കുന്ന ഭാര്യയെയും കാണാം. അതിമനോഹരമായ ആകാശവും അലതല്ലുന്ന തിരമാലകളും ചുറ്റുപാടും മലകളുമുള്ള മനോഹരമായ ദൃശ്യം മുന്നില് തെളിഞ്ഞു നില്ക്കുമ്പോള് അത് ആസ്വദിക്കുന്നതിന് പകരം തന്റെ ആവശ്യങ്ങള് അംഗീകരിക്കാന് ഭാര്യയോട് ആവശ്യപ്പെടുകയാണ് ഭര്ത്താവ്. നടുക്കടലില് വച്ചാണ് ഈ ഡിമാന്റ് വയ്ക്കുന്നത് എന്നുള്ളതാണ് രസകരമായ കാര്യം.
ആരുഷി ത്രിവേദിയാണ് തന്റെ ഇന്സ്റ്റാഗ്രാമില് ഈ വീഡിയേ പങ്കിട്ടിരിക്കുന്നത്. ‘‘അത് നീക്കാൻ എനിക്ക് ക്ഷമ ചോദിക്കേണ്ടിവന്നു, കാരണം ഞാൻ എത്ര ശ്രമിച്ചാലും, കാർത്തിക് സഹായിച്ചില്ലെങ്കില് ഈ വിഡ്ഢിയായ കയാക്ക് അനങ്ങില്ല. പ്രോ ടിപ്പ് ഗേള്സ്: ചുറ്റും ലൈഫ് ഗാർഡുമാരില്ലാത്ത രണ്ട് വ്യക്തികള്ക്കുള്ള കയാക്കില് നിങ്ങള് കടലിന്റെ നടുവില് ആയിരിക്കുമ്പോള് ക്ഷമ ചോദിക്കുക, പ്രത്യേകിച്ചും വലിയ ജലപ്രവാഹങ്ങളുമായി നിങ്ങള് ഏതാണ്ട് മുങ്ങിത്താഴുന്ന അനുഭവത്തിലൂടെ കടന്നുപോയതിന് ശേഷം...’’ എന്നാണ് വീഡിയോ പങ്കിട്ട്
വീഡിയോയില് അതിമനോഹരമായ ചക്രവാളം കാണാം. ദൂരെയായി കരയും കടലില് തിരമാലയുണ്ട്. അതിനിടെ ഒരു കയാക്കില് ഭാര്യയും ഭർത്താവും ഇരിക്കുന്നതും ദൃശ്യങ്ങളിലുണ്ട്. ഭര്ത്താവ് ഓരോ കാര്യങ്ങള് ആവശ്യപ്പെടുമ്പോള് ആ പ്രവർത്തിയില് അസ്വസ്ഥയാകുന്നതിന് പകരം ഭാര്യ ഇത് ആസ്വദിക്കുന്നതാണ് വീഡിയോയുടെ ഹൈലൈറ്റ്.
ഇതിനോടകം ലക്ഷക്കണക്കിന് ആളുകളിത് കണ്ടു കഴിഞ്ഞു. വീഡിയോ ഇതിനകം ലക്ഷക്കണക്കിന് ആളുകള് കണ്ടു കഴിഞ്ഞു. ‘ചില കാര്യങ്ങള് അംഗീകരിപ്പിക്കാന് പറ്റിയ മാര്ഗ്ഗം, നടുക്കടലില് വച്ച് ഇത്തരമൊരു കാര്യം, അടിപൊളി, എനിക്ക് വിശ്വസിക്കാന് കഴിയുന്നില്ല, അവൻ പ്ലാൻ ചെയ്ത രീതി കണ്ട് ചിരിക്കണോ പറയുന്ന കാര്യങ്ങള് അംഗീകരിക്കണോ എന്ന ആശയക്കുഴപ്പത്തിലാണ് അവള്, ബ്രോ ഒരു അവസരം കണ്ടെത്തി അത് പരമാവധി പ്രയോജനപ്പെടുത്തി, ചേട്ടാ, നീ ഇപ്പോഴും ജീവിച്ചിരിപ്പുണ്ടോ?...’ എന്നതടക്കമാണ് കമന്റുകള്.
LATEST NEWS
- ഇന്ധന പ്രതിസന്ധി: ഇണ്ടക്ഷന് കുക്കര് വാങ്ങാന് വന് ജനക്കൂട്ടം, ഒരു ദിവസം വിറ്റുപോയത് 93 എണ്ണം
- എന്തൊരു വിധി! ഒരു സിലിണ്ടര് എത്തിച്ചാല് 50 പ്ലേറ്റ് മോമോസ് സൗജന്യം: വൈറലായി റസ്റ്ററന്റിന്റെ ഓഫര്
- റീല്സ് ചിത്രീകരണത്തിനിടെ ശരീരത്തില് തട്ടി: വഴിയാത്രക്കാരനെ ഓടിച്ചിട്ട് തല്ലി ഇന്ഫ്ളുവന്സര്
- ഇന്ത്യയില് മരുന്നുകള്ക്ക് ഇത്ര വിലക്കുറവോ? കണ്ണുതള്ളി ഓസ്ട്രേലിയന് വ്ളോഗര്, വീഡിയോ
- ചിറകില്ലെങ്കില് എന്താ! അസലായി പറക്കും ഈ പാമ്പുകള്, കേരളത്തിലെ വനമേഖലയിലും കാണാനാകും
