പ്ലസ്വണ് ഇമ്പ്രൂവ്മെന്റ് പരീക്ഷയ്ക്കിടെ ആള് മാറാട്ടം: വിദ്യാര്ത്ഥിക്കെതിരെ പോലീസ് സോഷ്യല് ബാക്ക് ഗ്രൗണ്ട് റിപ്പോര്ട്ട് തയ്യാറാക്കും
കോഴിക്കോട്: നാദാപുരത്ത് പ്ലസ് വണ് ഇമ്പ്രൂവ്മെന്റ് പരീക്ഷയ്ക്കിടെ ആള് മാറാട്ടം നടത്തിയ സംഭവത്തില് പ്ലസ് വണ് വിദ്യാര്ഥിക്ക് എതിരെ പോലീസ് സോഷ്യല് ബാക്ക് ഗ്രൗണ്ട് റിപ്പോര്ട്ട് തയ്യാറാക്കും. കുട്ടി പ്രായപൂര്ത്തി ആകാത്ത സാഹചര്യത്തില് ആണ് നടപടി. പ്ലസ് വണ് വിദ്യാര്ത്ഥിക്ക് പകരം പരീക്ഷ എഴുതിയ ബിരുദ വിദ്യാര്ത്ഥിയെ ഇന്ന് കോടതിയില് ഹാജരാക്കും.
നാദാപുരം കടമേരി ആര്എസി എച്ചഎസ്എസിലായിരുന്നു സംഭവം. ബിരുദ വിദ്യാര്ത്ഥിയായ മുഹമ്മദ് ഇസ്മയില് ആണ് അറസ്റ്റില് ആയത്. പ്ലസ് വണ് വിദ്യാര്ഥിക്കെതിരായ റിപ്പോര്ട്ട് ജുവനൈല് ജസ്റ്റിസ് ബോര്ഡിന് മുന്നില് ഹാജരാക്കും. കുട്ടിയോടും ഹാജരാകണമെന്ന് പോലീസ് നിര്ദേശം നല്കിയിട്ടുണ്ട്. ഇന്വിജിലേറ്ററിന്റെയും പ്രിന്സിപ്പാളിന്റെയും ഇടപെടലാണ് ആള്മാറാട്ടത്തിന് തടയിട്ടത്. ഇംഗ്ലീഷിന്റെ ഇമ്പ്രൂവ്മെന്റ് പരീക്ഷയ്ക്കിടെയായിരുന്നു ആള്മാറാട്ടം നടന്നത്.
ഇന്വിജിലേറ്റര്ക്ക് സംശയം തോന്നി ഹാള് ടിക്കറ്റ് പരിശോധിച്ചപ്പോഴാണ് ക്രമക്കേട് നടന്നിട്ടുണ്ടെന്ന് മനസിലായത്. തുടര്ന്ന് പ്രിന്സിപ്പാളിനെയും പോലീസിനെയും വിവരം അറിയിക്കുകയായിരുന്നു. പിന്നാലെ നടത്തിയ പരിശോധനയിലാണ് ആള്മാറാട്ടം നടന്നതായി കണ്ടെത്തിയത്. തുടര്ന്ന് ബിരുദ വിദ്യാര്ത്ഥിയെ പോലീസ് കസ്റ്റഡിയിലെടുക്കുകയായിരുന്നു. ആള്മാറാട്ടത്തിന് ഉള്പ്പെടെയുള്ള വകുപ്പുകള് ചേര്ത്ത് മുഹമ്മദ് ഇസ്മയിലിനെതിരെ കേസെടുത്ത് അറസ്റ്റ് രേഖപ്പെടുത്തിയിരുന്നു.
YOU MAY BE INTERESTED
LATEST NEWS
- പിണറായിയുടെ മൂന്നാം ഊഴം ജനം തള്ളും; ജി. സുധാകരന്
- വ്യാപക വിമര്ശനം; സണ്ണി എം കപിക്കാടിനെതിരായ അധിക്ഷേപ പോസ്റ്റ് പിന്വലിച്ച് അജയ് തറയില്
- ഗ്യാസ് തീര്ന്നു, ഓര്ഡര് ചെയ്ത പത്തിരി കൊടുക്കാന് കഴിഞ്ഞില്ല; കായംകുളത്ത് തിക്കും തിരക്കും
- പാര്ട്ടിയാണ് വലുത്, താന് ചെറുത് ; അവസാനം ഹൈക്കമാന്റിന് വഴങ്ങി കെ.സുധാകരന് ; കണ്ണുരില് മടങ്ങിയെത്തി
- തിരുവനന്തപുരം സെന്ട്രല് കുഴപ്പിക്കുന്നു; സ്ഥാനാര്ത്ഥിയെ കിട്ടാതെ സിപിഎമ്മും ബിജെപിയും ; സുരേന്ദ്രന്പിള്ള ആര്ക്കൊപ്പം മത്സരിക്കും?
