മുഖ്യമന്ത്രിക്കും മകള്ക്കും ആശ്വാസം ; മാസപ്പടിക്കേസില് വിജിലന്സ് അന്വേഷണമില്ല ; ഹര്ജികള് തള്ളി
കൊച്ചി: മുഖ്യമന്ത്രിക്കും മകള് വീണാ വിജയനും ആശ്വാസം നല്കിക്കൊണ്ട് സിഎംആര്എല്-എക്സാലോജിക്ക് ഇടപാട് ആരോപിക്കപ്പെട്ട മാസപ്പടി കേസില് വിജിലന്സ് അന്വേഷണം ആവശ്യപ്പെട്ടുളള ഹര്ജികള് ഹൈക്കോടതി തള്ളി. കളമശേരി സ്വദേശിയായ ഗിരീഷ് ബാബുവും മാത്യു കുഴല്നാടന് എം എല് എയും സമര്പ്പിച്ച റിവിഷന് ഹര്ജികളാണ് ഹൈക്കോടതി തള്ളിയത്.
ഹര്ജി രാഷ്ട്രീയപ്രേരിതമാണെന്ന വിജിലന്സ് കോടതിയുടെ പരാമര്ശം അനാവശ്യമാണെന്നും കോടതി പറഞ്ഞു. ജസ്റ്റീസ് കെ. ബാബുവിന്റേതാണ് ഉത്തരവ്. കോടതിയില് പറഞ്ഞതെല്ലാം തനിക്ക് ബോദ്ധ്യപ്പെട്ട കാര്യമാണെന്നും നിയമപോരാട്ടം തുടരുമെന്ന് ജനങ്ങള്ക്ക് നല്കിയ വാക്കായിരുന്നെന്നും മാത്യു കുഴല്നാടന് പ്രതികരിച്ചു.
കേസില് വിജിലന്സ് അന്വേഷണമില്ല. ഇതോടെ മുഖ്യമന്ത്രി പിണറായി വിജയനും മകള് വീണാ വിജയനും ആശ്വാസം. മുഖ്യമന്ത്രി പിണറായി വിജയനടക്കമുള്ളവരെ എതിര്കക്ഷികളാക്കിയാണ് മാത്യു കുഴല്നാടന്റെ ഹര്ജി. മൂവാറ്റുപുഴ വിജിലന്സ് കോടതി നേരത്തെ ഈ ആവശ്യം തള്ളിയിരുന്നു. ഇതോടെയാണ് ഹൈക്കോടതിയില് റിവിഷന് ഹര്ജി എത്തിയത്.
മുഖ്യമന്ത്രിയുടെ മകളുടെ സ്ഥാപനമായ എക്സാലോജിക്കും കൊച്ചിയിലെ കരിമണല് കമ്പനിയായ സിഎംആര് എല്ലും തമ്മില് നടത്തിയ സാമ്പത്തിക ഇടപാട് വിജിലന്സ് അന്വേഷിക്കണം എന്ന് ആവശ്യം ഉയര്ത്തിയായിരുന്നു ഹര്ജി നല്കിയിരുന്നത്.
മുഖ്യമന്ത്രിയുടെ മകള് എന്ന സ്ഥാനം ഉപയോഗിച്ചാണ് എക്സാലോജിക് കമ്പനി സിഎം ആര് എല്ലില് നിന്ന് മാസപ്പടി വാങ്ങിയതെന്നും ഇത് കള്ളപ്പണം വെളുപ്പിക്കലാണെന്നും വിജിലന്സ് അന്വേഷണത്തിന്റെ പരിധിയില് വരുമെന്നുമായിരുന്നു ഹര്ജിയില് വാദിച്ചിരുന്നത്. ഹര്ജിയില് മാസങ്ങള്ക്കുമുമ്പ് വാദം പൂര്ത്തിയാക്കിയ സിംഗിള് ബെഞ്ച്, കേസ് ഉത്തരവിനായി മാറ്റുകയായിരുന്നു.
YOU MAY BE INTERESTED
LATEST NEWS
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
- രാഷ്ട്രീയത്തിനപ്പുറം കോവളത്ത് വിധി നിര്ണയിക്കുക സാമുദായിക രാഷ്ട്രീയം; നാടാര്, ലത്തീന് കത്തോലിക്ക സമുദായങ്ങളുടെ സ്വാധീനം തെരഞ്ഞെടുപ്പില് പ്രതിഫലിക്കും
- വീണ്ടും കെ. സുന്ദര; മഞ്ചേശ്വരത്ത് കെ. സുരേന്ദ്രനു തലവേദന, 2016-ല് രണ്ടാം സ്ഥാനത്തേക്ക് പിന്തള്ളപ്പെട്ടത് വെറും 89 വോട്ടുകള്ക്ക്, സുന്ദര പിടിച്ചത് 467 വോട്ടുകള്
- അനുനയിപ്പിക്കാന് പിണറായി ഇടപെട്ടിട്ടും വഴങ്ങിയില്ല; മൗനം വെടിയാന് ജി. സുധാകരന്; അമ്പലപ്പുഴയില് അങ്കത്തിനൊരുക്കം, ഇന്നു വസതിയില് വാര്ത്താസമ്മേളനം
