ലഹരിക്കെതിരെ ശക്തമായ നിയമ നടപടികളും ജനകീയജാഗ്രതയും അനിവാര്യം : പ്രവാസി വെല്ഫെയര് ഖത്തര്
ദോഹ : സ്വന്തം ശരീരത്തെയും കുടുംബത്തെയും സമൂഹത്തെയും നശിപ്പിക്കുന്ന ലഹരിവ്യാപനത്തിനെതി രെ ശക്തമായ നിയമ നടപടികളും ജനകീയ ജാഗ്രതയുമുണ്ടാകണമെന്ന് പ്രവാസി വെല്ഫെയര് ഖത്തര്സംസ്ഥാന കമ്മിറ്റി ആവശ്യപ്പെട്ടു.ലഹരി ഉപയോഗത്തെ തുടര്ന്ന് ആവര്ത്തിച്ചുകൊണ്ടിരിക്കുന്ന കുറ്റകൃത്യങ്ങള് കേരളത്തോടൊപ്പം പ്രവാസി സമൂഹത്തിലും ഭീതി ഉളവാക്കുന്നതാണ്. ലഹരികേസില് പിടികൂടുന്നവര്ക്ക് സ്റ്റേഷന് ജാമ്യം അനുവദിക്കുന്നതും പ്രതികളെ സംരക്ഷിക്കുന്ന വിധം ബാഹ്യ ഇടപെടലുകള് ഉണ്ടാകുന്നതും ലഹരിയുമായി ബന്ധപ്പെട്ട നിയമ നടപടികളെ ദുര്ബലമാക്കുകയാണ്. ലഹരി വസ്തുക്കള് കണ്ടെത്തി നിയമ നടപടികള് സ്വീകരിക്കേണ്ട എക്സൈസ് വകുപ്പില് വേണ്ടത്ര ജീവനക്കാരില്ലാത്തതും, ആയുധങ്ങളുടെ പോരായ്മയും പ്രായോഗികമായ തടസ്സങ്ങള് സൃഷ്ടിക്കുമ്പോള് ഈ കാര്യങ്ങളില് ഇടപെടാന് സര്ക്കാര് ഇനിയും തയ്യാറായിട്ടില്ല. കേവലമായ പ്രഖ്യാപനങ്ങളും ബോധവല്ക്കരണ പരിപാടികളും മാത്രമല്ല, ഇത്തരം പോരായ്മകള്പരിഹരിക്കാന്ഇച്ഛാശക്തിയോടെസര്ക്കാരിന്റെ ഇടപെടലുകള് ഉണ്ടാകണം.
നിയമ നടപടികള്ക്കൊപ്പം പൊതു സമൂഹത്തില് നിന്നും ഒറ്റകെട്ടായ ജാഗ്രതയും ഉണ്ടാകണം. ലഹരി ഉപഭോക്താക്കളെയും ഇടപാടുകാരെയും ഒറ്റപ്പെടുത്താനും നിയമത്തിനു മുന്നില് കൊണ്ടവരാനും പൊതു സമൂഹം ജാഗ്രത കാണിക്കണം. സ്കൂള് - കോളേജ് കേന്ദ്രീകരിച്ചു നടക്കുന്ന ലഹരി വ്യാപനത്തില് സ്ഥാപന അധികാരികളും രക്ഷിതാക്കളും വിദ്യാര്ഥി സംഘടനാ നേതാക്കളും നാട്ടുകാരും ചേര്ന്നുള്ള ജാഗ്രത സമിതികള് രൂപീകരിക്കണം. ലഹരി ഉപയോഗത്തിനും വ്യാപാരത്തിനും പിടിക്കപ്പെടുന്ന വിദ്യാര്ഥികള് വിദ്യാര്ഥി രാഷ്ട്രീയ പ്രസ്ഥാനങ്ങളുടെ ഭാഗമായവരാണെന്നത് ധാര്മ്മി കമായ അധപതനമാണ് ഇത്തരക്കാര്ക്കെതിരെ നടപടി എടുക്കാനും നിയമത്തിന് കൈമാറാനും വിദ്യാര്ഥി സംഘടനകള് തയ്യാറാകണം. ലഹരി ഉപയോഗത്തിന്റെ ദുഷ്ഫലങ്ങള് ഏറ്റവും കൂടുതല് ആശങ്കയില് ആഴ്ത്തിയിരിക്കുന്നത് പ്രവാസികളെയാണ്. കൗമാര പ്രായത്തിലുള്ള പ്രവാസി മാതാപിതാക്കളുടെ മക്കള് പലപ്പോഴും ഹോസ്റ്റലുകളിലും ബന്ധു വീടുകളിലും വളരേണ്ട സാഹചര്യമുണ്ട്. അവരെ ലഹരി അടിമകളാക്കാന് എളുപ്പമാണ് എന്ന ചിന്ത വ്യാപകമാണ്. ഇത് പ്രവാസികളില് കനത്ത ആശങ്കയും പലതരം മാനസിക കുടുംബ പ്രശ്നങ്ങളും സൃഷ്ടിക്കുന്നു. വിദേശ രാജ്യത്തേക്ക് വരുന്നവരെ മനപ്പൂര്വം കുടുക്കുന്ന ലഹരിക്കടത്ത് തടയണം. ഇതിനായി നാട്ടിലെ എയര്പോര്ട്ടുകളില് പരിശോധന കര്ശനമാക്കുകയും നാട്ടില് നിന്ന് തന്നെ നിയമ നടപടി എടുക്കാനുള്ള സംവിധാനവും ഉണ്ടാകണം. പ്രവാസി വെല്ഫെയര് ഈ വിഷയത്തില് സക്രിയമായി ഇടപെടാനും ശക്തമായ കാമ്പയിന് ആവിഷ്കരിക്കാനും തീരുമാനിച്ചു. ഈദ് ദിനത്തില് പ്രവാസി മലയാളികള്ക്കിടയില് ലഹരി വിരുദ്ധ സന്ദേശം എത്തിക്കുകയും ഉപരിപഠനത്തിനായി നാട്ടിലേക്ക് പോകുന്ന കുട്ടികളില് ശക്തമായ ബോധവത്കരണം നടത്തുകയും ചെയ്യും.നുഐജയിലെ പ്രവാസി വെല്ഫെയര്സംസ്ഥാന കമ്മിറ്റി ഓഫീസ് ഹാളില് നടന്ന പരിപാടിയില് പ്രവാസി വെല്ഫെയര് സംസ്ഥാന പ്രസിഡന്റ് ആര് ചന്ദ്രമോഹന് അധ്യക്ഷത വഹിച്ചു . സംസ്ഥാന കമ്മിറ്റി വൈസ് പ്രസിഡണ്ടുമാരായ അനീസ് റഹ്മാന്,റഷീദലി, സാദിഖലി സി, മജീദലി, നജ്ല നജീബ്, ജനറല് സെക്രട്ടറിമാരായ ഷാഫി മൂഴിക്കല്, അഹമ്മദ് ഷാഫി തുടങ്ങിയവര് സംസാരിച്ചു.
ഷഫീക് അറക്കല്
LATEST NEWS
- ദോഹയിൽ ഹൃദയസ്തംഭനം മൂലംമലയാളി ബാലിക മരിച്ചു
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
