സഹീർ ഞാൻ നിന്നെ സ്നേഹിക്കുന്നു'; 20 വർഷത്തിനു ശേഷം അന്നത്തെ ‘വൈറൽ പ്രൊപോസലി’ന്റെ ആവർത്തനവുമായി അതേ ആരാധിക
ന്യൂഡല്ഹി : ഒരുകാലത്ത് ക്രിക്കറ്റ് ആരാധകർക്കിടയിൽ വൈറലായിരുന്ന ഒരു വിവാഹാഭ്യർഥനയുടെ വിഡിയോ ഒരിക്കൽക്കൂടി സമൂഹമാധ്യമങ്ങളിൽ തരംഗമാകുന്നു. ഇന്ത്യ-പാക്കിസ്ഥാൻ മാച്ചിനിടെ ഗ്യാലറിയിൽ അരങ്ങേറിയ മനോഹരമായ ഒരു പ്രണയ കഥ ഓർമയില്ലേ. സഹീർ ഞാൻ നിങ്ങളെ പ്രണയിക്കുന്നു എന്നെഴുതിയ പ്ലക്കാർഡുമായി ഗ്യാലറിയിൽ ഇരുന്ന പെൺകുട്ടി സഹീർഖാന്റെയും ക്രീസിൽ നിന്നിരുന്ന സേവാഗിന്റെയും ചുണ്ടിൽ ചിരിയുണർത്തിയ നിമിഷം ഇപ്പോഴും സമൂഹ മാധ്യമങ്ങളിൽ വൈറലാണ്.
Our love for Zak is constant 💙 pic.twitter.com/ZdgcFdiPtx— Lucknow Super Giants (@LucknowIPL) March 12, 2025
2005ൽ ബംഗളൂരുവിലെ എം.ചിന്നസ്വാമി സ്റ്റേഡിയത്തിലായിരുന്നു ആ നിമിഷം അരങ്ങേറിയത്. ത്രിവർണ പതാകയുടെ നിറങ്ങൾ മുഖത്ത് പുരട്ടിയിരുന്ന പെൺകുട്ടി സ്ക്രീനിൽ തന്റെ മുഖം തെളിഞ്ഞപ്പോഴേ നാണിച്ച് മുഖം പൊത്തി. എങ്കിലും സഹീറിനായി ഒരു ചുംബനം പറത്തി വിടാൻ മടിച്ചില്ല. യുവ്രാജിനൊപ്പം ഇരുന്നിരുന്ന സഹീർഖാനും തിരികെ ചുംബനം പറത്തി. ഇപ്പോഴിതാ 20 വർഷങ്ങൾക്കു ശേഷം അതേ ഫാൻ ഗേളുമായി വീണ്ടും കണ്ടുമുട്ടിയിരിക്കുകയാണ് ഇന്ത്യയുടെ എക്കാലത്തെയും സ്റ്റാർ ക്രിക്കറ്റർ സഹീർ ഖാൻ.
Throwback to this iconic moment! A fan girl boldly held up an 'I love you' placard for Zaheer Khan during an intense India vs Pakistan Test match. The camera caught it all—her shy flying kiss, Zaheer’s charming reply with a flying kiss back, and Yuvraj Singh’s hilarious teasing!… pic.twitter.com/bHl0VJEOAE— Stuff You’ll Love (@stuff_you_love) March 14, 2025
കാലങ്ങൾക്കു ശേഷം കണ്ടു മുട്ടുമ്പോഴും സഹീർ ഞാൻ നിന്നെ സ്നേഹിക്കുന്നു എന്നെഴുതിയ കാർഡ് പെൺകുട്ടിയുടെ കൈവശമുണ്ടെന്നതാണ് രസകരം. ഇരുവരുടെയും കണ്ടുമുട്ടലും സമൂഹമാധ്യമങ്ങളിൽ വൈറലാകുകയാണ്.
