' വിചിത്രവും മനോഹരവുമായ ജീവിതത്തിലെ എന്റെ ആജീവനാന്ത സഹചാരി' ; ആലിയ ഭട്ടിന് പിറന്നാള്‍ ആശംസിച്ച് സഹോദരി

photo-www.instagram.com/shaheenb/

ഇന്ത്യന്‍ സിനിമയിലെ മുന്‍നിര നായികമാരില്‍ ഒരാളാണ് ആലിയ ഭട്ട്. കഴിഞ്ഞ ദിവസമായിരുന്നു താരത്തിന്റെ ജന്മദിനം. ആലിയ ഭട്ടിന് പിറന്നാള്‍ ആശംസകള്‍ നേര്‍ന്ന് സഹോദരി ഷഹീന്‍ ഭട്ട് പങ്കുവെച്ച കുറിപ്പ് ശ്രദ്ധ നേടുകയാണ്.

'' എന്റെ അടിസ്ഥാനം, ഈ വിചിത്രവും മനോഹരവുമായ ജീവിതത്തിലെ എന്റെ ആജീവനാന്ത സഹചാരി. എനിക്കറിയാവുന്ന എല്ലാ നല്ല കാര്യങ്ങളിലും നീ അലിഞ്ഞുചേര്‍ന്നിരിക്കുന്നു. ജന്മദിനാശംസകള്‍, എന്റെ സര്‍വ്വസ്വമേ' , എന്നാണ് ഷഹീന്‍ ഭട്ട് ഇന്‍സ്റ്റഗ്രാമില്‍ കുറിച്ചത്. ആലിയ ഭട്ടിനൊപ്പമുളള ചിത്രങ്ങളും ഷഹീന്‍ ഭട്ട് പങ്കുവെച്ചിട്ടുണ്ട്.

View this post on Instagram

A post shared by Shaheen Bhatt (@shaheenb)

സംവിധായകന്‍ മഹേഷ് ഭട്ടിന്റെയും സോണി റസ്ദാന്റെയും മകളായി 1993 മാര്‍ച്ച് 15 നാണ് ആലിയ ഭട്ടിന്റെ ജനനം. ബാലതാരമായിട്ടാണ് സിനിമയില്‍ എത്തുന്നത്. കരണ്‍ ജോഹര്‍ സംവിധാനം ചെയ്ത് 2012ല്‍ റിലീസ് ചെയ്ത ' സ്റ്റുഡന്റ് ഓഫ് ദി ഇയര്‍' എന്ന സിനിമയിലൂടെ നായികയായി അരങ്ങേറ്റം. നടന്‍ രണ്‍ബീര്‍ കപൂറാണ് താരത്തിന്റെ ഭര്‍ത്താവ്. ഇവര്‍ക്ക് റാഹ കപൂര്‍ എന്ന മകളുണ്ട്.

അതേസമയം ' ആല്‍ഫ' എന്ന ചിത്രമാണ് താരത്തിന്റേതായി റിലീസിന് ഒരുങ്ങുന്ന ചിത്രം. സഞ്ജയ് ലീല ബന്‍സാലി സംവിധാനം ചെയ്യുന്ന ' ലവ് ആന്‍ഡ് വാര്‍' എന്ന ചിത്രത്തിലും ആലിയ അഭിനയിക്കുന്നുണ്ട്. രണ്‍ബീര്‍ കപൂറും വിക്കി കൗശലുമാണ് ചിത്രത്തിലെ മറ്റ് പ്രധാന താരങ്ങള്‍.