നഴ്സുമാരുടെ സമരം: സേവനങ്ങള് മുടങ്ങരുതെന്നു ഹൈക്കോടതി
കൊച്ചി: അടിസ്ഥാന ശമ്പളം 40,000 രൂപയാക്കണമെന്ന് ആവശ്യപ്പെട്ടു സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് യു.എന്.എയുടെ നേതൃത്വത്തില് നടത്തിവരുന്ന സമരത്തില് ഇടപെട്ട് ഹൈക്കോടതി. നഴ്സുമാരുടെ സമരത്തെത്തുടര്ന്ന് ആശുപത്രിയിലെ സേവനങ്ങള് മുടങ്ങരുതെന്നു ഹൈക്കോടതി സര്ക്കാരിനു നിര്ദേശം നല്കി. എസ്മ (ആവശ്യ സേവന പരിപാലന നിയമം) പ്രയോഗിക്കണമെന്നും ഹൈക്കോടതി നിര്ദേശിച്ചു.
സര്ക്കാരും തൊഴില് വകുപ്പും ആശുപത്രികളിലെ സേവനങ്ങള് മുടങ്ങുന്നില്ലെന്ന് ഉറപ്പാക്കണം, ആശുപത്രികളില് പോലീസ് സംരക്ഷണം ഉറപ്പാക്കണം, ജോലി ചെയ്യാന് തയാറാകുന്ന നഴ്സുമാരെ യൂണിയന് അംഗങ്ങള് ഭീഷണിപ്പെടുത്തുന്നില്ലെന്ന് ഉറപ്പാക്കണം എന്നീ നിര്ദേശങ്ങളും കോടതി നല്കി. ൈപ്രവറ്റ് ഹോസ്പിറ്റല് അസോസിയേഷന് നല്കിയ ഹര്ജി പരിഗണിച്ചാണ് ഹൈക്കോടതിയുടെ നടപടി.
അതേസമയം, ആവശ്യം അംഗീകരിക്കുന്നതുവരെ സമരത്തില്നിന്നു പിന്നോട്ടില്ലെന്ന് യു.എന്.എ. ദേശീയ അധ്യക്ഷന് ജാസ്മിന് ഷാ പറഞ്ഞു. സമരത്തിനെതിരേ നിലപാടെടുത്ത കേരള ൈപ്രവറ്റ് ഹോസ്പിറ്റല് അസോസിയേഷനും അദ്ദേഹം മറുപടി നല്കി. ആസ്ത്മ രോഗികളെ നോക്കുന്നവരെ എസ്മ എന്നു പറഞ്ഞു പേടിപ്പിക്കരുതെന്നും രോഗികളുടെ ജീവന്വച്ചു പന്താടുന്നത് ആശുപത്രി മാനേജ്മെന്റുകളാണെന്നും ജാസ്മിന് ഷാ പറഞ്ഞു.
മാനേജ്മെന്റുകള്ക്കെതിരേയാണ് സര്ക്കാര് നടപടിയെടുക്കേണ്ടത്. സര്ക്കാര് ചര്ച്ചയ്ക്കു വിളിക്കണം. നിയമപരമായ ഒത്തുതീര്പ്പിനുമാത്രമേ യു.എന്.എയുള്ളു. ഒത്തുതീര്പ്പിനു തയാറായ ആശുപത്രി മാനേജ്മെന്റുകളെ ഹോസ്പിറ്റല് അസോസിയേഷന് പിന്തിരിപ്പിക്കുന്നുവെന്നും ജാസ്മിന് ഷാ ആരോപിച്ചു.
YOU MAY BE INTERESTED
LATEST NEWS
- ക്ളൈമാക്സില് ട്വിസ്റ്റ്; കലഹം രാജിയായി; ഗണേഷ് 'തുടരും', വിവാദം ചായക്കോപ്പയിലെ കൊടുങ്കാറ്റായതോടെ ഇടതുമുന്നണിക്കും ആശ്വാസം
- യുദ്ധം അടുക്കളയിലേക്ക്; പാചകവാതക വാണിജ്യ സിലിണ്ടര് വിതരണം കുറച്ചു, ഹോട്ടലുകള് അടയ്ക്കുന്നു, ഉത്പാദനം വര്ധിപ്പിക്കുമെന്ന് എണ്ണക്കമ്പനികള്
- സീറ്റ് വിഭജനം: ഘടകകക്ഷികളുമായി സി.പി.എം. ചര്ച്ച ഇന്ന്, 12 സീറ്റ് 13 ആക്കണമെന്ന് മാണി ഗ്രൂപ്പ്, മൂന്നില്നിന്ന് ആറാക്കണമെന്ന് ആര്.ജെ.ഡിയു
- പഠനാവശ്യങ്ങള്ക്കല്ലാതെ ദിവസേന രണ്ട് മണിക്കൂറില് കൂടുതല് 'സ്ക്രീനില് കുടുങ്ങി' 74% സ്കൂള് കുട്ടികള്; വിദ്യാര്ഥികളില് ഡിജിറ്റല് അടിമത്തം വര്ധിക്കുന്നുവെന്ന് സര്വേ
- ഭീകരവാദത്തിനെതിരേ കേന്ദ്ര സര്ക്കാര് ആവിഷ്കരിച്ച ഭീകരവിരുദ്ധനയം സ്വാഗതം ചെയ്ത് ശശി തരൂര്
