എ.വി. ഗോപിനാഥ് ഗുരുവായൂര് ദേവസ്വം ബോര്ഡ് ചെയര്മാന്
പാലക്കാട്: മുന് ഡി.സി.സി. പ്രസിഡന്റും മുന് കോണ്ഗ്രസ് എം.എല്.എയുമായ എ.വി. ഗോപിനാഥ് ഗുരുവായൂര് ദേവസ്വം ബോര്ഡ് ചെയര്മാനാകും. ഇതു സംബന്ധിച്ച ഫയല് നിയമവകുപ്പ് ദേവസ്വം സെക്രട്ടറിക്കു കൈമാറി.
ദേവസ്വം സെക്രട്ടറി ഒപ്പിടുന്നതോടെ ഉത്തരവ് പുറത്തിറങ്ങും. ഗുരുവായൂര് ദേവസ്വം ബോര്ഡ് ചെയര്മാനായിരുന്ന ഡോ.വി.കെ. വിജയന്റെ കാലാവധി കഴിഞ്ഞ പശ്ചാത്തലത്തിലാണ് പുതിയ നിയമനം.
അടുത്ത ദിവസം ചുമതലയേല്ക്കുമെന്ന് എ.വി. ഗോപിനാഥ് പറഞ്ഞു. മുഖ്യമന്ത്രി ഫോണില് സംസാരിച്ചു. മുഖ്യമന്ത്രി ആവശ്യപ്പെട്ടാല് എന്തും ചെയ്യാന് തയാറാണ്. ഗുരുവായൂരപ്പന്റെ ഭക്തനാണ്. ഇനി എന്നും സി.പി.എമ്മിനൊപ്പമാണ്-അദ്ദേഹം മാധ്യമപ്രവര്ത്തകരോടു പറഞ്ഞു.
പെരിങ്ങോട്ടുകുറുശി സ്വതന്ത്ര വികസന മുന്നണി (ഐ.ഡി.എഫ്) രൂപീകരിച്ച എ.വി. ഗോപിനാഥ് തദ്ദേശ തെരഞ്ഞെടുപ്പില് എല്.ഡി.എഫുമായി ചേര്ന്ന് മത്സരിച്ചെങ്കിലും പരാജയപ്പെട്ടിരുന്നു.
ഇതുമായി ബന്ധപ്പെട്ടു പാലക്കാട്ടെ സി.പി.എം. പ്രാദേശിക നേതൃത്വവുമായുള്ള ഗോപിനാഥിന്റെ തര്ക്കം തുടരുന്നതിനിടെയാണ് ഗുരുവായൂര് ദേവസ്വം ബോര്ഡ് ചെയര്മാനായി നിയമിക്കുന്നത്.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
