പതിനഞ്ചുകാരനെ ലൈംഗിക പീഡനത്തിന് ഇരയാക്കിയ ആള് അറസ്റ്റില്
കൊച്ചി: ബന്ധുവിന്റെ വിവാഹത്തിനെത്തിയ പതിനഞ്ചുകാരനെ ലൈംഗിക പീഡനത്തിന് ഇരയാക്കിയ ആള് അറസ്റ്റില്. കോഴിക്കോട് കുണ്ടുപറമ്പ് സ്വദേശി ജെറാള്ഡ് കൊറ (60) യാണ് കോഴിക്കോട് ഏലത്തൂര് പോലീസിന്റെ പിടിയിലായത്. ഇയാള് മുന് സ്കൂള് ജീവനക്കാരനാണ്.
ജനുവരി 25 ന് അമ്മയ്ക്കും മുത്തശ്ശിക്കുമൊപ്പം കുണ്ടുപറമ്പിലെ ബന്ധുവീട്ടിലെത്തിയ കൊച്ചി സ്വദേശിയായ കുട്ടിയെയാണ് പ്രതി ലൈംഗികാതിക്രമത്തിനു വിധേയമാക്കിയത്. പുതിയ വസ്ത്രം വാങ്ങി നല്കാനെന്ന പേരില് കുട്ടിയെ കൂട്ടിക്കൊണ്ടു പോയി തുണിക്കടയിലെ ട്രയല്റൂമിലും പിന്നീട് ആളൊഴിഞ്ഞ ഫ്ളാറ്റിലും വച്ച് ഉപദ്രവിക്കുകയായിരുന്നു. പീഡനത്തിന് ഇരയായ കുട്ടി അമ്മയോട് സംഭവം വെളിപ്പെടുത്തി. തുടര്ന്ന് ചൈല്ഡ് ലൈനില് പരാതി നല്കുകയും ചൈല്ഡ് ലൈന് അധികൃതരുടെ നിര്ദേശപ്രകാരം പള്ളുരുത്തി പോലീസ് കേസ് റജിസ്റ്റര് ചെയ്യുകയുമായിരുന്നു. സംഭവം നടന്നത് ഏലത്തൂര് സ്റ്റേഷന്റെ പരിധിയിലായതിനാല് കേസ് അവിടേക്കു കേസ് കൈമാറി. കുട്ടിയെ കോഴിക്കോട് എത്തിച്ച് പോലീസ് തെളിവെടുപ്പും നടത്തി. റിമാന്ഡിലായിരുന്ന പ്രതി കഴിഞ്ഞ ദിവസം ജാമ്യത്തിലിറങ്ങിയിരുന്നു. വിദ്യാര്ഥികള്ക്കു നേരേ ലൈംഗികാതിക്രമം നടത്തിയതിന് ഇയാളെ മുന്പു ജോലി ചെയ്ത സ്കൂളില്നിന്ന് സസ്പെന്ഡ് ചെയ്തിരുന്നതായും പോലീസ് പറയുന്നു.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
