സര്ക്കാര് ജീവനക്കാര്ക്ക് അഷ്വേഡ് പെന്ഷന് ഏപ്രില് ഒന്നുമുതല്
തിരുവനന്തപുരം: സംസ്ഥാന സര്ക്കാര് ജീവനക്കാര്ക്ക് അഷ്വേഡ് പെന്ഷന് ഉറപ്പാക്കി സര്ക്കാര് ഉത്തരവായി. ഏപ്രില് ഒന്നിന് പുതിയ പദ്ധതി നിലവില്വരും. നാഷണല് പെന്ഷന് സ്കീമിനു പകരമായി അഷ്വേഡ് പെന്ഷന് സ്കീം കൊണ്ടുവരുമെന്ന് ധനമന്ത്രി കെ.എന്. ബാലഗോപാല് ബജറ്റില് പ്രഖ്യാപിച്ചിരുന്നു. ഇതിന്റെ ഭാഗമായാണ് മിനിമം പെന്ഷന് ഉറപ്പാക്കുന്ന അഷ്വേഡ് പെന്ഷന് സ്കീം നടപ്പിലാക്കാന് ഉത്തരവിറക്കിയത്.
2026 ഏപ്രില് ഒന്നുമുതല് സര്വീസില് പ്രവേശിക്കുന്നവര്ക്ക് അഷ്വേഡ് പെന്ഷന് സ്കീമോ നാഷണല് പെന്ഷന് സ്കീമോ തെരഞ്ഞെടുക്കാം. നിലവില് നാഷണല് പെന്ഷന് സ്കീമില് ഉള്പ്പെട്ടിട്ടുള്ള ജീവനക്കാര്ക്ക് അഷ്വേര്ഡ് പെന്ഷന് സ്കീം തെരഞ്ഞെടുക്കാനും അവസരമുണ്ട്.
വിരമിക്കുന്ന സമയത്തെ അടിസ്ഥാന ശമ്പളത്തിന്റെ 50 ശതമാനമായിരിക്കും അഷ്വേഡ് പെന്ഷന് സ്കീമിലെ പരമാവധി പെന്ഷന് തുക. ഇത് സംസ്ഥാന സര്ക്കാര് അനുവദിച്ചിട്ടുള്ള ശമ്പള സ്കെയില് അടിസ്ഥാനമാക്കിയായിരിക്കും കണക്കുകൂട്ടുക. ക്ഷാമാശ്വാസവും (ഡി.ആര്) ഇതിനോടൊപ്പം ഉണ്ടാകും. പരമാവധി പെന്ഷന് ലഭിക്കുന്നതിന് 30 വര്ഷത്തെ സേവനം പൂര്ത്തിയാക്കിയിരിക്കണം. പദ്ധതിയുടെ എല്ലാ വിശദാംശങ്ങളും അടങ്ങിയ ഉത്തരവുകള് പ്രത്യേകമായി ഇറക്കും.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
