രാഹുല് മാങ്കൂട്ടത്തില് കേസില് വാദം ആറിന്
തിരുവനന്തപുരം: ബംഗളുരു സ്വദേശിനിയെ പീഡിപ്പിച്ചെന്ന രണ്ടാം പരാതിയില് രാഹുല് മാങ്കൂട്ടത്തില് എം.എല്.എയ്ക്ക് അനുവദിച്ച മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ടുള്ള ഹര്ജി പരിഗണിക്കുന്നത് കോടതി മാറ്റി. പ്രോസിക്യൂഷന് സമര്പ്പിച്ച അപേക്ഷയില് വാദം കേള്ക്കുന്നതിനാണ് ഇന്നലെ കേസ് പരിഗണനയ്ക്കെടുത്തത്.
എന്നാല് ഹര്ജിക്കെതിരായ തര്ക്കം എഴുതി സമര്പ്പിക്കേണ്ടതുണ്ടെന്നും അതിനായി സമയം അനുവദിക്കണമെന്നും പ്രതിഭാഗം ആവശ്യപ്പെട്ടതോടെയാണ് കോടതി വാദം മാറ്റിയത്. രാഹുല് മാങ്കൂട്ടത്തിലിനായി അഭിഭാഷകന് ശാസ്തമംഗലം അജിത് ഹാജരായി. ബലാത്സംഗം ഉള്പ്പെട്ട കേസ് ആയതിനാല് ഇരയുടെ വിവരങ്ങള് അടങ്ങിയ രേഖകളുടെ രഹസ്യസ്വഭാവം കാത്തുസൂക്ഷിക്കണമെന്നും അവ പ്രതിഭാഗത്തിന് കൈമാറുമ്പോള് നിയമപരമായ മാനദണ്ഡങ്ങള് പാലിക്കണമെന്നും പ്രോസിക്യൂട്ടര് മനു കല്ലമ്പള്ളി കോടതിയില് ആവശ്യപ്പെട്ടു. ഹര്ജിയില് വിശദമായ വാദം കേള്ക്കാന് അടുത്ത മാസം ആറിന് വീണ്ടും പരിഗണിക്കുമെന്ന് കോടതി അറിയിച്ചു.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
