ശരീരത്തിനകത്ത് തുണിക്കഷണം: തുടര്നടപടി റിപ്പോര്ട്ട് ലഭിച്ചശേഷം
കൊച്ചി; രോഗിയുടെ ശരീരത്തിനകത്ത് തുണിക്കഷണം കുടുങ്ങിയ കേസില് ഡോക്ടറെ പ്രതി ചേര്ത്തെങ്കിലും തുടര്നടപടി റിപ്പോര്ട്ട് ലഭിച്ചശേഷമെന്ന് പോലീസ്.വയനാട് ഗവണ്മെന്റ് മെഡി. കോളജില് പ്രസവിച്ച യുവതിയുടെ ശരീരത്തിനകത്ത് നിന്ന് രണ്ടരമാസത്തിനുശേഷം തുണികഷണം പുറത്ത് വന്നതുമായി ബന്ധപ്പെട്ട കേസില് ഡോക്ടറെ പ്രതി ചേര്ത്തെങ്കിലും മെഡിക്കല് ബോര്ഡിന്റെ വിദഗ്ദാഭിപ്രായവും കോടതി മുഖാന്തിരം പരിശോധനയ്ക്ക് അയച്ചതിന്റെ റിപ്പോര്ട്ടും ലഭിച്ചശേഷമേ പ്രതിയ്ക്ക് എതിരെ തുടര്നടപടി സ്വീകരിക്കുകയുള്ളൂവെന്ന് മാനന്തവാടി ഡിവൈഎസ്പി വ്യക്തമാക്കി.
ചികിത്സാ പിഴവ് തെളിവിന്റെ റിപ്പോര്ട്ട് ലഭിക്കുന്നതിന് മുമ്പ് സംഭവത്തില് ഡോക്ടറെ പ്രതിചേര്ത്ത നടപടിക്കെതിരെ അഡ്വ. കുളത്തൂര് ജയ്സിങ് മുഖ്യമന്ത്രിക്ക് നല്കിയ പരാതി വയനാട് ജില്ലാപോലീസ് മേധാവിക്ക് അന്വേഷണത്തിന് കൈമാറിരുന്നു.മാനന്തവാടി ഡിവൈ.എസ്.പി. നല്കിയ മറുപടി കത്തിലാണ് റിപ്പോര്ട്ട് ലഭിക്കുന്നതിന് മുമ്പ് പ്രതിസ്ഥാനത്തുള്ള ഡോക്ടര്ക്കെതിരേ നടപടി സ്വീകരിക്കില്ലെന്ന്വ്യക്തത നല്കുന്നത്.മാനന്തവാടി പാറവിള വീട്ടിലെ ദേവി എന്ന സ്ത്രീയുടെ ശരീരത്തിനകത്ത് നിന്നാണ് തുണികഷണം പുറത്ത് വന്നത്.
ചികിത്സാപിഴവ് ആരോപിച്ചതോടെ മാനന്തവാടി പോലീസ് ഡോക്ടറെയും നഴ്സിനെയും പ്രതിയാക്കി കഴിഞ്ഞ മാസം കേസ് എടുത്തിരുന്നു.
രാജുപോള്
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
