പ്രതിപക്ഷനേതാവിനെ കണ്ടു; ജനതാദളിലെ ഒരു വിഭാഗം നേതാക്കള് യു.ഡി.എഫിലേക്ക്
ആലപ്പുഴ: എല്.ഡി.എഫിന്റെ ഘടകകക്ഷിയും പുതുതായി രൂപവത്കരിച്ച പാര്ട്ടിയുമായ ഐ.എസ്.ജെ.ഡിയില് ചേരാതെ വിട്ടുനിന്ന ജനതാദള് (എസ്) നേതാക്കള് പ്രതിപക്ഷ നേതാവ് വി.ഡി. സതീശനുമായി ആലപ്പുഴയില് ചര്ച്ച നടത്തി. ഈ തെരഞ്ഞെടുപ്പില് യു.ഡി.എഫിനൊപ്പം പ്രവര്ത്തിക്കാന് ധാരണയായി.
ജനതാദള് (എസ്) വക്താവും ദേശീയ നിര്വാഹക സമിതി അംഗവും സംസ്ഥാന ജനറല് സെക്രട്ടറിയുമായ അഡ്വ. ബിജിലി ജോസഫ് ദേശീയ കൗണ്സിലംഗവും കോട്ടയം മുന് ജില്ലാ പ്രസിഡന്റുമായ അഡ്വ. മാത്യു ജേക്കബ്, ഇടുക്കി മുന് ജില്ലാ പ്രസിഡന്റ് ടി.പി. ജോസഫ് എന്നിവരാണ് പ്രതിപക്ഷ നേതാവുമായി കൂടിക്കാഴ്ച നടത്തിയത്.
കഴിഞ്ഞയാഴ്ച ഈ വിഭാഗത്തിന്റെ നേതാക്കള് തൃശൂരില് യോഗം ചേര്ന്നെടുത്ത തീരുമാനത്തിന്റെ അടിസ്ഥാനത്തിലായിരുന്നു കൂടിക്കാഴ്ച. വര്ഗീയതയെ ഫലപ്രദമായി ചെറുക്കാന് കോണ്ഗ്രസില്ലാത്ത ഒരു രാഷ്ട്രീയ കൂട്ടുകെട്ടിനു കഴിയില്ലെന്ന ഉത്തമ ബോധ്യത്താലും എല്.ഡി.എഫ് പ്രഖ്യാപിത നയങ്ങളില്നിന്നു വ്യതിചലിച്ച സാഹചര്യത്തിലുമാണ് നാലര പതിറ്റാണ്ടു നീണ്ട മുന്നണിബന്ധം ഉപേക്ഷിക്കുന്നതെന്നും കൂടിക്കാഴ്ചക്കുശേഷം അവര് പറഞ്ഞു.
YOU MAY BE INTERESTED
LATEST NEWS
- കേരളത്തില് വികസനം എന്ഡിഎയ്ക്ക് മാത്രമേ കഴിയൂ ; ഇടതുവലതു ഭരണം അഴിമതിയെന്ന് രാജീവ് ചന്ദ്രശേഖര്
- നരേന്ദ്രമോദി മികച്ച ഭരണാധികാരി ; അദ്ദേഹത്തിന്റെ വാക്കുകളില് കരുത്തും വ്യക്തതയുമെന്ന് മോഹന്ലാല്
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
