പ്ലസ് വണ് വിദ്യാര്ഥിനികള് വീട്ടില് ജീവനൊടുക്കിയ നിലയില്
കുട്ടനാട്: വ്യത്യസ്ത സംഭവങ്ങളിലായി കുട്ടനാട്ടില് രണ്ട് വിദ്യാര്ഥിനികളെ വീടുകള്ക്കുള്ളില് ജീവനൊടുക്കിയ നിലയില് കണ്ടെത്തി.ചമ്പക്കുളം പഞ്ചായത്ത് പതിനൊന്നാം വാര്ഡ് പുളിക്കത്തറ വീട്ടില് ഡേവിഡിന്റെ മകള് ചമ്പക്കുളം സെന്റ് മേരീസ് ഹയര് സെക്കന്ഡറി സ്കൂള് പ്ലസ് വണ് വിദ്യാര്ഥിനി ആന് മരിയ ഡേവിഡ് (17), കൈനകരി പഞ്ചായത്ത് പന്ത്രണ്ടാം വാര്ഡ് കയാറ്റില്ചിറ സാബുവിന്റെ മകള് കുട്ടമംഗലം എസ്.എന്.ഡി.പി ഹയര് സെക്കന്ഡറി സ്കൂള് പ്ലസ് വണ് വിദ്യാര്ഥിനി ഐറിന് സാബു (17) എന്നിവരാണ് മരിച്ചത്. രണ്ടുപേരെയും ഇന്നലെ പുലര്ച്ചയോടെ തൂങ്ങിയ നിലയിലാണ് കാണപ്പെട്ടത്. ആലപ്പുഴ മെഡിക്കല് കോളജ് ആശുപത്രിയില് പോസ്റ്റുമോര്ട്ടം നടപടികള്ക്ക് ശേഷം ഇരുവരുടെയും മൃതദേഹങ്ങള് ബന്ധുക്കള്ക്ക് വിട്ടു നല്കി. ഇരുവരും മുമ്പ് ചമ്പക്കുളത്ത് ഒരേ സ്കൂളില് പഠിച്ചവരായിരുന്നു.സഹോദരങ്ങള്ക്ക് ഒപ്പം വീട്ടിലെ ഹാളില് ഉറങ്ങാന് കിടന്ന ആന് മരിയയെ ഷാള് ഉപയോഗിച്ച് തൂങ്ങിയ നിലയിലാണ് പുലര്ച്ച നാലരയോടെ ഉറക്കമുണര്ന്ന സഹോദരന് കാണുന്നത്. മാതാവ്: ബിന്സി. ഐറിന്റെ മാതാവ് റോസമ്മ സഹോദരങ്ങള്: ജെറിന്, ഷെറി
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
