ജീവനക്കാരുടെ വിവരശേഖരണം ഗൗരവതരം; മുഖ്യമന്ത്രിയുടെ അറിവോടെയെന്നു ചെന്നിത്തല
പത്തനംതിട്ട: തെരഞ്ഞെടുപ്പ് ആവശ്യത്തിനായി സര്ക്കാര് ജീവനക്കാരുടെയും പെന്ഷന്കാരുടെയും വിവരങ്ങള് ശേഖരിച്ചത് മുഖ്യമന്ത്രിയുടെ ഓഫീസില്നിന്നുള്ള നിര്ദേശാനുസരണമെന്ന് കോണ്ഗ്രസ് പ്രവര്ത്തകസമിതിയംഗം രമേശ് ചെന്നിത്തല. വിവരച്ചോര്ച്ച അത്യന്തം ഗൗരവതരമാണെന്നും അദ്ദേഹം തിരുവല്ലയില് പറഞ്ഞു. കെ. സ്മാര്ട്ട് ആപ്ലിക്കേഷനില്നിന്നു ഉദ്യോഗസ്ഥരുടെ സമ്പൂര്ണ വിവരങ്ങള് പി.ആര്.ഡിക്ക് കൈമാറണമെന്ന് ആവശ്യപ്പെട്ട് കത്ത് നല്കിയത് മുഖ്യമന്ത്രിയുടെ ഓഫീസര് ഓണ് സ്പെഷല് ഡ്യൂട്ടി സീറാം സാംബശിവറാവു ആണ്. ഈ ആവശ്യമുന്നയിച്ച് കഴിഞ്ഞ വര്ഷം ഡിസംബര് 31 ന് ചീഫ് മിഷന് ഡയറക്ടര്ക്കു കത്ത് അയച്ചിട്ടുണ്ട്. സെന്ട്രലൈസ്്ഡ് നോട്ടിഫിക്കേഷന് ഹബ് ഫോര് ഗവണ്മെന്റ് സര്വീസസ് എന്ന പേരില് സര്ക്കാര് ഒരു ഡിജിറ്റല് കമ്യൂണിക്കേഷന് സിസ്റ്റം ആരംഭിക്കുന്നുവെന്നും ഇന്ഫര്മേഷന് ആന്ഡ് പബ്ലിക് റിലേഷന്സ് വകുപ്പ് ഇതിനായി പ്രവര്ത്തനം ആരംഭിച്ചുവെന്നും കത്തില് പറയുന്നു. എല്ലാ വകുപ്പുകളില്നിന്നും ജീവനക്കാരുടെ വ്യക്തിഗത വിവരങ്ങള് ശേഖരിക്കുകയാണെന്നും കത്തിലുണ്ട്. ഇതിന്റെ ഭാഗമായി കെ- സ്മാര്ട്ട് ആപ്ലിക്കേഷനില്നിന്ന് എക്സല് ഫോര്മാറ്റില് ഫോണ് നമ്പര്, പേര്, പ്രായം, ജെന്ഡര്, ജില്ല, താലൂക്ക്, വാര്ഡ്, ലോക്കല് ബോഡി എന്ന ഫോര്മാറ്റില് വിശദാംശങ്ങള് നല്കാനുമാണ് നിര്ദേശം.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
