'ഇനി അയയ്ക്കരുതെന്ന് ഇടക്കാല ഉത്തരവ്', ജീവനക്കാര്ക്ക് മുഖ്യമന്ത്രിയുടെ ഓഫീസില്നിന്ന് സന്ദേശം
കൊച്ചി: ജീവനക്കാരുടെ മൊബൈല് ഫോണുകളിലേക്കു മുഖ്യമന്ത്രിയുടെ ഓഫീസില്നിന്നു സന്ദേശങ്ങളെത്തിയതില് സംസ്ഥാന സര്ക്കാരിനെതിരേ കര്ശനനിലപാടുമായി ഹൈക്കോടതി. ഇനി ഇത്തരം സന്ദേശങ്ങള് അയയ്ക്കരുതെന്നു കോടതിയുടെ ഇടക്കാല ഉത്തരവ്.
കെ.എസ്.ഇ.ബി. ഓഫീസേഴ്സ് അസോസിയേഷന് ഉള്പ്പെടെയുള്ള സംഘടനകള് നല്കിയ പരാതിയുടെ അടിസ്ഥാനത്തിലാണ് കോടതിയുടെ ഇടപെടല്. ജീവനക്കാരുടെ സ്വകാര്യതയിലേക്കുള്ള കടന്നുകയറ്റമാണിതെന്നു കോടതി നിരീക്ഷിച്ചു. സന്ദേശങ്ങള് വായിക്കാന് ആരെയും നിര്ബന്ധിക്കരുതെന്നും ജീവനക്കാരുടെ വ്യക്തിഗത വിവരങ്ങള് പുറത്തുവിടരുതെന്ന സുപ്രീം കോടതി വിധി ചൂണ്ടിക്കാട്ടി ഹൈക്കോടതി വ്യക്തമാക്കി. സ്വകാര്യതയുമായി ബന്ധപ്പെട്ട് ഉയര്ന്ന ആക്ഷേപം അതീവ ഗൗരവതരമാണെന്ന് നിരീക്ഷിച്ച കോടതി, വിഷയത്തില് സര്ക്കാരിനോട് നാളെ വിശദമായ മറുപടി നല്കാനും ആവശ്യപ്പെട്ടു.
വ്യക്തിഗത വിവരങ്ങള്ക്ക് എന്ത് സുരക്ഷയാണുള്ളതെന്നു കോടതി ആരാഞ്ഞു. ഏതൊരാള്ക്കും ഈ വിവരങ്ങള് ലഭ്യമാകുമോയെന്ന സംശയവും കോടതി പ്രകടിപ്പിച്ചു. സമാനമായ സന്ദേശങ്ങള് പ്രധാനമന്ത്രിയുടെ ഓഫീസില് നിന്നു വരാറുണ്ടെന്നായിരുന്നു സര്ക്കാരിന്റെ വാദം. എന്നാല്, സ്വകാര്യതയുടെ ലംഘനം നടന്നോ എന്ന കാര്യത്തില് കോടതി വ്യക്തത തേടുകയായിരുന്നു.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
