കിടങ്ങൂര് ശ്രീസുബ്രഹ്മണ്യസ്വാമി ക്ഷേത്രത്തില് കൊടിയേറി
പാലാ: കിടങ്ങൂര് ശ്രീസുബ്രഹ്മണ്യസ്വാമി ക്ഷേത്രത്തില് ഉത്സവത്തിനു കൊടിയേറി. ഹരഹര മന്ത്രധ്വനികളാല് മുഖരിതമായ അന്തരീക്ഷത്തില് ഇന്നലെ രാത്രി തന്ത്രി കെടങ്ങശേരി തരണനെല്ലൂര് രാമന് നമ്പൂതിരിപ്പാടിന്റെയും മേല്ശാന്തി നാരായണന് വിഷ്ണുദാസിന്റെയും മുഖ്യകാര്മ്മികത്വത്തിലായിരുന്നു കൊടിയേറ്റ്. ഉത്സവം അടുത്ത മാസം അഞ്ചിന് ആറാട്ടോടെ സമാപിക്കും.
ഇന്നലെ രാവിലെ കൊടിക്കയര്, കൊടിക്കൂറ സമര്പ്പണവും തുടര്ന്നു വടക്കുംതേവര്ക്ക് കളഭാഭിഷേകവും നടന്നു. വൈകിട്ട് തിരുവരങ്ങിന്റെ ഉദ്ഘാടനം ക്ഷേത്രം ഊരാളന് കൊങ്ങോര്പള്ളി ദാമോദരന് നമ്പൂതിരി, പ്രശസ്ത പാചക വിദഗ്ധന് മലമേല് നീലകണ്ഠന് നമ്പൂതിരി, സംഗീതജ്ഞന് ടി.എസ്. രാധാകൃഷ്ണജി, മിനിസ്ക്രീന് താരം ശ്യാം എസ്. നമ്പൂതിരി, മിസ് സൗത്ത് ഇന്ത്യ ഹര്ഷ ശ്രീകാന്ത് എന്നിവര് ചേര്ന്നു തിരിതെളിയിച്ച് നിര്വഹിച്ചു. തുടര്ന്ന് ടി.എസ്. രാധാകൃഷ്ണജി നയിച്ച ഭക്തിഗാന തരംഗിണി നടന്നു.
കൊടിമരച്ചുവട്ടില് ബിലഹരി എസ്. മാരാരുടെ സോപാനസംഗീതവും തിരുവരങ്ങില് യോഗക്ഷേമ സഭയുടെ തിരുവാതിരകളിയും ഭരത്രാജ് ചെന്നെയുടെ സംഗീതസദസും അരങ്ങേറി. രണ്ടാം ഉത്സവദിനമായ ഇന്നു മുതല് ഒന്പതാം ഉത്സവദിനമായ നാലു വരെ എല്ലാ ദിവസവും രാവിലെ 11ന് ഉത്സവബലിയും ഉച്ചയ്ക്ക് 12.30ന് ഉത്സവബലി ദര്ശനവും വൈകിട്ട് 4.30ന് കൂത്തമ്പലത്തില് പൈങ്കുളം നാരായണ ചാക്യാരുടെ ചാക്യാര്കൂത്തും നടക്കും.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
