ഒരു ജീവനക്കാരനെ രക്ഷിക്കാന് വിമാനങ്ങളെല്ലാം ബുക്ക് ചെയ്ത് ടെക്ക് കമ്പനി: സോഷ്യല് മീഡിയയില് ശ്രദ്ധനേടി ഒരു രക്ഷാ ദൗത്യം
ജോലി ചെയ്യുന്ന കമ്പനി ഒരു കുടുംബത്തെപ്പോലെ കൂടെ നില്ക്കുമെന്ന് കേട്ടിട്ടുണ്ടാകും, എന്നാല് മരണത്തെ മുഖാമുഖം കണ്ട നിമിഷം ഒരു ജീവനക്കാരനെ രക്ഷിക്കാന് അമേരിക്കന് കമ്പനിയായ വെര്സെല് ചെയ്ത കാര്യങ്ങള് ആരെയും അത്ഭുതപ്പെടുത്തുന്നതാണ്. മെക്സിക്കോയിലെ ലഹരിമാഫിയാ സംഘര്ഷങ്ങള്ക്കിടയില് കുടുങ്ങിപ്പോയ ആന്ഡ്രൂ ബാര്ബയ്ക്കും ഭാര്യയ്ക്കും രക്ഷകരായി മാറിയത് അദ്ദേഹം ജോലി ചെയ്യുന്ന സ്ഥാപനം തന്നെയായിരുന്നു. മയക്കുമരുന്ന് സംഘങ്ങള് തമ്മിലുള്ള ഏറ്റുമുട്ടല് കാരണം വിമാനത്താവളത്തില് കുടുങ്ങിയ ഇവര്ക്ക് ജീവന് രക്ഷിക്കാന് ശുചിമുറിയില് വരെ ഒളിച്ചിരിക്കേണ്ടി വന്നു. ഇന്റര്നെറ്റ് പോലും ഇല്ലാത്ത ആ പേടിപ്പെടുത്തുന്ന സാഹചര്യത്തില് കമ്പനി തങ്ങളെ കൈവിടില്ലെന്ന ഉറച്ച വിശ്വാസത്തിലായിരുന്നു ആന്ഡ്രൂ.
തന്റെ ജീവനക്കാരന് അപകടത്തിലാണെന്ന് അറിഞ്ഞ ഉടന് തന്നെ കമ്പനി അധികൃതര് വലിയൊരു ദൗത്യം തന്നെ ഏറ്റെടുത്തു. ആന്ഡ്രൂവിനെയും ഭാര്യയെയും എങ്ങനെയെങ്കിലും സുരക്ഷിതമായി അവിടെനിന്ന് മാറ്റുക എന്നതായിരുന്നു അവരുടെ ഏക ലക്ഷ്യം. അതിനായി മെക്സിക്കോയില് നിന്ന് അമേരിക്കയിലേക്ക് പോകാനിരുന്ന സാധ്യമായ എല്ലാ വിമാനങ്ങളിലും കമ്പനി ഇവര്ക്കായി ടിക്കറ്റുകള് ബുക്ക് ചെയ്തു. ഏതെങ്കിലും ഒരു വിമാനമെങ്കിലും അവിടെനിന്ന് പുറപ്പെടുകയാണെങ്കില് അവര്ക്ക് രക്ഷപ്പെടാന് സാധിക്കട്ടെ എന്നായിരുന്നു കമ്പനിയുടെ ചിന്ത.
കമ്പനിയുടെ ഈ കരുതല് ഒടുവില് ഫലം കണ്ടു. ഭാഗ്യവശാല് ഒരു വിമാനം പുറപ്പെടുകയും അതില് കയറി അവര്ക്ക് അമേരിക്കയിലെ ഡാലസില് സുരക്ഷിതമായി എത്താന് കഴിയുകയും ചെയ്തു. വെറുമൊരു ടിക്കറ്റ് ബുക്കിംഗില് ഒതുങ്ങാതെ, ആദ്യത്തെ വഴി പരാജയപ്പെട്ടാല് നടപ്പിലാക്കാന് മറ്റ് പല പ്ലാനുകളും കമ്പനി മുന്കൂട്ടി ആലോചിച്ചിരുന്നു. പണത്തേക്കാള് ഉപരിയായി സ്വന്തം ജീവനക്കാരന്റെ ജീവനാണ് കമ്പനി ഏറ്റവും വലിയ വില നല്കിയത്.
സുരക്ഷിതമായി വീട്ടിലെത്തിയ ശേഷമാണ് ആന്ഡ്രൂ ഈ കാര്യങ്ങള് ലോകത്തോട് പങ്കുവെച്ചത്. '10 മണിക്കൂര് മുമ്പ് ഞാന് മെക്സിക്കോയിലായിരുന്നു. വിമാനത്താവളത്തിലേക്ക് പോകുമ്പോള്തന്നെ കടുത്ത ആശങ്കയുണ്ടായി. സംഘര്ഷത്തെ തുടര്ന്ന് ശുചിമുറിയില് ഒളിക്കേണ്ടി വന്നു. എന്നാല് വെര്സെല് നേതൃത്വം ഞാനും ഭാര്യയും സുരക്ഷിതരാകുന്നത് വരെ വിശ്രമിച്ചില്ല.' ബാര്ബ എക്സ് പോസ്റ്റില് കുറിച്ചു. ' ഞങ്ങള്ക്ക് ഇന്റര്നെറ്റ് ലഭ്യമായിരുന്നില്ല. അതിനാല് കമ്പനി നേതൃത്വം ഞങ്ങള്ക്കായി യു.എസിലേക്ക് പോകുന്ന എല്ലാ വിമാനങ്ങളും ടിക്കറ്റ് ബുക്ക് ചെയ്തു. ഒരെണ്ണമെങ്കിലും പുറപ്പെടുമെന്ന് പ്രതീക്ഷിച്ചായിരുന്നു ഇത്. ഒടുവില് ഒരു വിമാനം പുറപ്പെട്ടു. സുരക്ഷിതരായി ഞങ്ങള് ഡാലസില് എത്തി.' അദ്ദേഹം പറഞ്ഞു.
മൂന്ന് വര്ഷമായി വെര്സെലില് ജോലി ചെയ്യുന്ന ജീവനക്കാരന് സാന് ഫ്രാന്സിസ്കോ ആസ്ഥാനമായി പ്രവര്ത്തിക്കുന്ന കമ്പനിയോട് ഇതിനെല്ലാം നന്ദി പറഞ്ഞു. 'യു.എസ് വിമാനത്തില് ടിക്കറ്റെടുക്കുക എന്നത് പ്ലാന് എ ആയിരുന്നു. അത് ഫലംകണ്ടില്ലെങ്കില് പ്ലാന് ബി, പ്ലാന് സി എന്നിവ നടപ്പാക്കാന് കമ്പനി തയ്യാറായിരുന്നു. ഞങ്ങള് നന്ദിയുള്ളവരാണ്.' അദ്ദേഹം എഴുതി.
10 hours ago I was in Guadalajara on way to Puerto Vallarta when chaos broke out in the airport and had to hide in a bathroom. Vercel leadership got together and didn’t stop until my wife and I were safe. Internet barely worked so they booked every US bound flight on our behalf,…— Andrew Barba (@andrew_barba) February 23, 2026
LATEST NEWS
- സ്വത്ത് തട്ടിയെടുക്കാൻ മരിച്ചുപോയ അമ്മയെ മരണനാന്തര വിവാഹം ചെയ്ത് അമ്മാന്റെ വിചിത്ര നീക്കം : പരാതിയുമായി യുവതി
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
