നദിയയിലിറങ്ങിയത് ആയിരങ്ങള്, വെറുംകൈകൊണ്ട് പിടിച്ചത് 59 കിലോയുടെ ഭീമന് മത്സ്യത്തെ; നൈജീരിയയില് വീണ്ടും അര്ഗുങ്കു ഉത്സവം
വര്ഷങ്ങളുടെ ഇടവേളയ്ക്ക് ശേഷം നൈജീരിയയിലെ പ്രസിദ്ധമായ 'അര്ഗുങ്കു' മത്സ്യബന്ധന ഉത്സവം തിരിച്ചെത്തുന്നത് കേവലമൊരു ആഘോഷമായല്ല, മറിച്ച് പ്രകൃതിയുമായുള്ള മനുഷ്യാബന്ധത്തിന്റെ വീണ്ടെടുപ്പായാണ്. നൈജീരിയന് സ്വാതന്ത്ര്യത്തിന് മുന്പേ ആരംഭിച്ച ഈ പാരമ്പര്യം, അര്ഗുങ്കുസൊകോട്ടോ സമൂഹങ്ങള് തമ്മിലുള്ള ഐക്യത്തിന്റെ പ്രതീകം കൂടിയാണ്. ആധുനിക ഉപകരണങ്ങളില്ലാതെ, തനതായ വലകളും വെറുംകൈകളും ഉപയോഗിച്ച് ആയിരക്കണക്കിന് മത്സ്യത്തൊഴിലാളികള് മതാന് ഫഡ നദിയില് ഒത്തുചേരുന്ന കാഴ്ച അതിമനോഹരമാണ്.
മത്സ്യബന്ധനത്തിനപ്പുറം വലിയൊരു മത്സരവേദി കൂടിയാണിത്. ഏറ്റവും ഭാരമേറിയ മത്സ്യത്തെ പിടിക്കുന്നവര്ക്ക് വലിയ തുക സമ്മാനമായി ലഭിക്കുന്നു. ഇത്തവണ 59 കിലോഗ്രാം തൂക്കമുള്ള ക്രോക്കര് മത്സ്യത്തെ പിടിച്ചയാളാണ് താരം. 2010ന് ശേഷം സുരക്ഷാ പ്രശ്നങ്ങളാലും മറ്റും പലതവണ മുടങ്ങിയ ഈ ഉത്സവം ആറ് വര്ഷത്തെ ഇടവേളയ്ക്ക് ശേഷമാണ് ഇപ്പോള് പുനരാരംഭിച്ചിരിക്കുന്നത്. പ്രാദേശിക സാമ്പത്തിക രംഗത്തിന് വലിയ ഉണര്വ് നല്കുന്നതാണ് ഈ വാര്ഷികാഘോഷം.
അര്ഗുങ്കു ഉത്സവത്തിന്റെ പ്രത്യേകത, അതിന്റെ ലാളിത്യമാണ്. ആധുനിക ഉപകരണങ്ങളുടെയൊന്നും സഹായം കൂടാതെയാണ് കൂട്ടമായി ചേര്ന്നുള്ള മീന്പിടുത്തം. കൈകൊണ്ട് നെയ്തെടുത്ത വലകള് അടക്കം പരമ്പരാഗത രീതികള് മാത്രമേ ഉപയോഗിക്കൂ. മറ്റുചിലരാവട്ടെ വെറും കൈകള് കൊണ്ടും മീനുകളെ വരുതിയിലാക്കുന്നു. പ്രകൃതിയെ ചൂഷണം ചെയ്യാതെ അതിനൊപ്പം ചേര്ന്ന് ജീവിക്കാന് പഠിപ്പിക്കുന്ന ഒരു പാഠപുസ്തകമെന്നപോലെയാണ് ഈ ആഘോഷം നിലകൊള്ളുന്നത്. ഒരു മേധാവിയുടെ മേല്നോട്ടത്തില് വര്ഷം മുഴുവന് അടച്ചിടപ്പെട്ട ശേഷമാണ് ഉത്സവത്തിനായി നദി തുറന്നു കൊടുക്കുന്നത്. 1934 മുതല് ഇങ്ങോട്ട് എല്ലാവര്ഷവും തുടര്ച്ചയായി മത്സ്യബന്ധന മത്സരം നടത്തിയിരുന്നു.
ഒരു സംസ്കാരത്തിന്റെയും പ്രദേശത്തിന്റെയും അതിരില്ലാത്ത സന്തോഷം വിളിച്ചോതുമ്പോഴും, ഇത്തരം കൂട്ടമായ മത്സ്യബന്ധനം പ്രകൃതിക്ക് ഭീഷണിയാകുമോ എന്ന ചര്ച്ചകളും ഉയരുന്നുണ്ട്. നദിയുടെ നിലനില്പ്പിനെയും മത്സ്യസമ്പത്തിനെയും ബാധിക്കാതെ ഈ ആഘോഷം എങ്ങനെ മുന്നോട്ട് കൊണ്ടുപോകാം എന്നതിലാണ് പരിസ്ഥിതി പ്രവര്ത്തകരുടെ ആശങ്ക. പാരമ്പര്യവും പ്രകൃതി സംരക്ഷണവും ഒരുപോലെ ചേര്ത്തുപിടിക്കുന്ന രീതിയിലേക്ക് ഇത്തരം ഉത്സവങ്ങള് മാറേണ്ടത് ഇന്നത്തെ കാലഘട്ടത്തിന്റെ ആവശ്യമാണ്.
The 2026 Argungu Fishing Festival in Nigeria by Ebuka Mordi 💛 https://t.co/6ul9Oqjsuy pic.twitter.com/OOAju3Ix47— afrocultur (@afrocultur) February 17, 2026
LATEST NEWS
- സ്വത്ത് തട്ടിയെടുക്കാൻ മരിച്ചുപോയ അമ്മയെ മരണനാന്തര വിവാഹം ചെയ്ത് അമ്മാന്റെ വിചിത്ര നീക്കം : പരാതിയുമായി യുവതി
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
