ക്ഷാമബത്ത കുടിശിക 10% അനുവദിച്ച് ഉത്തരവ്
കൊച്ചി: സംസ്ഥാന സര്ക്കാര് ജീവനക്കാരുടെയും പെന്ഷന്കാരുടെയും ക്ഷാമബത്ത (ഡി.എ.) കുടിശിക അനുവദിച്ചു സര്ക്കാര് ഉത്തരവിറക്കി. പത്തു ശതമാനം കുടിശികയാണ് അനുവദിച്ചത്. മാര്ച്ചിലെ ശമ്പളത്തിനൊപ്പം ഇതു ലഭിക്കും.
പുതിയ ഉത്തരവുപ്രകാരം സര്ക്കാര് ജീവനക്കാര്ക്ക് 35 ശതമാനം നിരക്കില് ഡി.എ. ലഭിക്കും. കഴിഞ്ഞാഴ്ച അനുവദിച്ച മൂന്നുശതമാനത്തിനു പിന്നാലെയാണിപ്പോള് പത്തുശതമാനം കുടിശിക കൂടി അനുവദിച്ചത്. ഇതിലൂടെ ബജറ്റില് വാഗ്ദാനം ചെയ്ത 13 ശതമാനം ഡി.എ. കുടിശികയും അനുവദിച്ചു.
ക്ഷാമബത്ത, ക്ഷാമാശ്വാസ കുടിശിക വിതരണം ചെയ്യുമെന്നു ബജറ്റില് പ്രഖ്യാപിച്ചിരുന്നു. 35 ശതമാനം ക്ഷാമബത്തയാണു ജീവനക്കാര്ക്കു കിട്ടേണ്ടിയിരുന്നത്. 22 ശതമാനമാണു കൊടുത്തുവന്നിരുന്നത്. 13 ശതമാനം കുടിശികയായിരുന്നു. ക്ഷാമബത്ത കൃത്യമായി അനുവദിച്ചിരുന്നില്ല. അതു ഗഡുക്കളായി നല്കുമെന്നാണു ബജറ്റ് പ്രഖ്യാപനം. ഇതുസംബന്ധിച്ച ഉത്തരവ് ഇറങ്ങാനുണ്ട്. ബജറ്റ് പ്രഖ്യാപനമായ ശമ്പള കമ്മിഷന് സംബന്ധിച്ചും ഉത്തരവ് ഇറങ്ങേണ്ടതുണ്ട്.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
