Ads by Google
ഹര്മന് ഒന്നാമത്
കാന്ബെറ: വനിതകളുടെ രാജ്യാന്തര ക്രിക്കറ്റില് ഏറ്റവും കൂടുതല് മത്സരങ്ങള് കളിക്കുന്ന താരമെന്ന ഇന്ത്യയുടെ ഹര്മന്പ്രീത് കൗറിന് സ്വന്തം. ഓസ്ട്രേലിയയ്ക്കെതിരേ നടന്ന രണ്ടാം ട്വന്റി20 മത്സരത്തില് കളിച്ചതോടെയാണു ഹര്മന് റെക്കോഡ് കുറിച്ചത്.
കൗര് ഇന്ത്യക്കായി ഇതുവരെ 356 മത്സരങ്ങള് കളിച്ചു. 355 മത്സരങ്ങള് കളിച്ച ന്യൂസിലന്ഡിന്റെ സൂസി ബേറ്റ്സിനെയാണ് ഇന്ത്യന് നായിക മറികടന്നത്. ഓസ്ട്രേലിയയുടെ എലിസ പെറി (349), ഇന്ത്യയുടെ മുന് താരം മിതാലി രാജ് (333) എന്നിവരാണു മൂന്നും നാലും സ്ഥാനങ്ങളില്.
2009 ലാണ് ഹര്മന് ആദ്യ രാജ്യാന്തര മത്സരം കളിച്ചത്. ഇതുവരെ ആറ് ടെസ്റ്റുകളും 161 ഏകദിനങ്ങളും 189 ട്വന്റി20 കളും കളിച്ചു. ഇന്ത്യക്ക് ഏകദിന ലോകകപ്പ് കിരീടം നേടിക്കൊടുത്ത ഹര്മന്പ്രീത് കൗറിന് പത്മശ്രീ നല്കി ആദരിച്ചിരുന്നു.
Ads by Google
Ads by Google
