സി.പി.എം. സൈബര് ടീമില് പൊട്ടിത്തെറി , നികേഷിനോട് എതിര്പ്പ്, മൂന്ന് മുതിര്ന്ന മാധ്യമപ്രവര്ത്തകര് പിന്മാറി
തിരുവനന്തപുരം: സി.പി.എമ്മിന്റെ സാമൂഹികമാധ്യമസംഘത്തില് കടുത്തഭിന്നത. ചുമതലക്കാരനായ എം.വി. നികേഷ്കുമാറിന്റെ ഏകപക്ഷീയതീരുമാനങ്ങളില് പ്രതിഷേധിച്ച് മുതിര്ന്ന മാധ്യമപ്രവര്ത്തകരായ കെ.വി. സുധാകരന്, കെ. മോഹന്ദാസ്, ഇ.എസ്. സുഭാഷ് എന്നിവര് പിന്മാറി. മൂവരും പാര്ട്ടി മുഖപത്രമായ 'ദേശാഭിമാനി'യില് പ്രവര്ത്തിച്ചിരുന്നവരാണ്. സാമൂഹികമാധ്യമങ്ങളിലെ ഇടപെടലുകള് ഫലപ്രദമല്ലെന്ന വിമര്ശനം പാര്ട്ടിയില് സജീവമാണ്. മുഖ്യമന്ത്രി പിണറായി വിജയനും ഇക്കാര്യത്തില് അതൃപ്തിയുണ്ട്. പാര്ട്ടി സംസ്ഥാന സെക്രട്ടറി എം.വി. ഗോവിന്ദന്റെ ആശീര്വാദത്തോടെയാണ് മാധ്യമപ്രവര്ത്തനം വിട്ട നികേഷ്കുമാറിനെ എ.കെ.ജി. സെന്റര് കേന്ദ്രീകരിച്ചുള്ള സാമൂഹികമാധ്യമപ്രവര്ത്തനങ്ങളുടെ ചുമതലയേല്പ്പിച്ചത്. എന്നാല് നിലമ്പൂര് ഉപതെരഞ്ഞെടുപ്പ് മുതല് ഇടതുമുന്നണിയുടെ മേഖലാജാഥകള്വരെ സാമൂഹികമാധ്യമ ഇടപെടലുകള് പാളിയെന്ന വിമര്ശനം ശക്തമായുയര്ന്നു. മുതിര്ന്ന മൂന്ന് മാധ്യമപ്രവര്ത്തകര് പിന്മാറിയതോടെ, വരുംദിവസങ്ങളില് പാര്ട്ടി ഈ പ്രശ്നം എങ്ങനെ പരിഹരിക്കുമെന്നാണ് രാഷ്ട്രീയവൃത്തങ്ങള് ഉറ്റുനോക്കുന്നത്.
LATEST NEWS
- ആവേശം വിതറി പ്രധാനമന്ത്രിയുടെ റോഡ്ഷോ
- ക്ഷണമില്ല; ദേശീയപാതയില് പ്രതിഷേധ റോഡ് ഷോ നടത്തി മന്ത്രി മുഹമ്മദ് റിയാസും എം.എല്.എമാരും
- നടപടികള് നിര്ത്തിവയ്ക്കണമെന്ന് ആവശ്യം തള്ളി; സോളാര് കേസില് ഗണേഷ്കുമാറിന് തിരിച്ചടി
- മൂന്നുപേരൊഴികെ സിറ്റിങ് എം.എല്.എമാര് വീണ്ടും; എം.പിമാര് മത്സരിക്കില്ല, 31 കോണ്ഗ്രസ് സ്ഥാനാർത്ഥികൾക്ക് അംഗീകാരം
- ഭരണം തന്നാല്, വികസനം തരാം; പ്രഖ്യാപനങ്ങളില്ലാതെ 'മോദി ഗ്യാരന്റി' , ‘അഴിമതി, ചുവപ്പുനാട, ഹര്ത്താല് മാഫിയകളെ തുടച്ചുനീക്കും, രാഹൂല് ഗാന്ധി കൂപമണ്ഡൂകം’
