ഔദ്യോഗിക വാഹനം വൈകി;കേന്ദ്രമന്ത്രി സുരേഷ് ഗോപി മടങ്ങിയത് ഓട്ടോറിക്ഷയില്
തൃശൂര്: ശിവരാത്രിയോടനുബന്ധിച്ച ചടങ്ങില് പങ്കെടുക്കാനെത്തിയ നടനും കേന്ദ്രമന്ത്രിയുമായ സുരേഷ് ഗോപി ഔദ്യോഗിക വാഹനം എത്താന് വൈകിയതിനെത്തുടര്ന്ന് മടങ്ങിയത് ഓട്ടോറിക്ഷയില്. ശിവരാത്രി മഹാപരിക്രമ യാത്രയ്ക്കിടയിലാണ് സംഭവം.
വടക്കുംനാഥ ക്ഷേത്രത്തിനു സമീപമായിരുന്നു മന്ത്രിയുടെ വാഹനം പാര്ക്ക് ചെയ്തിരുന്നത്. യാത്രയില് പങ്കെടുത്ത് വേഗത്തില് മടങ്ങാന്നിന്ന സുരേഷ് ഗോപിക്കരികിലേക്ക് വിചാരിച്ച സമയം ഔദ്യോഗിക വാഹനം എത്തിയില്ല. ഉടന് ഓട്ടോസ്റ്റാന്ഡില് നിന്ന് കേന്ദ്രമന്ത്രിതന്നെ ഓട്ടോ കൈകാട്ടി വിളിച്ച് അതില് രാമനിലയത്തിലേക്ക് മടങ്ങുകയായിരുന്നു. മറ്റൊരു ബി.ജെ.പി. നേതാവും ഒപ്പം ഓട്ടോയില് കയറി.
മന്ത്രിയുടെ ഗണ്മാന് ഓട്ടോൈഡ്രവര്ക്കൊപ്പം മുന്സീറ്റില് ഇരുന്നു. ഓട്ടോ പുറപ്പെട്ട് ഏതാനും നിമിഷങ്ങള്ക്കകം ഔദ്യോഗിക വാഹനമെത്തി. സംഭവത്തില് സുരക്ഷാ വീഴ്ചയുണ്ടായോ എന്നതിലടക്കം ചര്ച്ചകള് സജീവമാണ്.
LATEST NEWS
- ഹൈക്കോടതി വിധിച്ചു; വെള്ളാപ്പള്ളി പുറത്ത്
- സുധാകരനെതിരേ സി.പി.എമ്മിന്റെ പോസ്റ്റര് പ്രതിഷേധം
- ജി. സുധാകരന് പിന്തുണ: ആലോചിച്ച് തീരുമാനിക്കുമെന്ന് വി.ഡി. സതീശന്
- ഭുവനേശ്വരന് ആക്രമിക്കപ്പെട്ടപ്പോള് ആരും സഹായിച്ചില്ല: ജി. സുധാകരന്
- സ്ഥാനാര്ഥിയെ നിര്ത്തില്ല; ജി. സുധാകരന് പിന്തുണ നല്കാന് യു.ഡി.എഫ്.
