കാലിഫോര്ണിയയില് കാണാതായ ഇന്ത്യന് വിദ്യാര്ഥിയുടെ മൃതദേഹം കണ്ടെത്തി
ന്യൂഡല്ഹി: കാലിഫോര്ണിയയില് കാണാതായ ഇന്ത്യന് വിദ്യാര്ഥിയുടെ മൃതദേഹം കണ്ടെത്തി. കര്ണാടകയില്നിന്നുള്ള സാകേത് ശ്രീനിവാസയ്യ(22)യെയാണു കാണാതായത്. ആറ് ദിവസത്തിന് ശേഷമാണു മൃതദേഹം കണ്ടെത്തിയത്. കാലിഫോര്ണിയ സര്വകലാശാലയില് കെമിക്കല് ആന്ഡ് ബയോമോളിക്യുലാര് എന്ജിനീയറിങ് വിദ്യാര്ഥിയായിരുന്നു സാകേത്. ഈ മാസം ഒന്പതിനാണ് അദ്ദേഹത്തെ കാണാതായത്.
സാകേതിനെ അവസാനമായി ക്യാമ്പസില്നിന്ന് ഏകദേശം ഒരു കിലോമീറ്റര് അകലെയാണ് കണ്ടത്. കാണാതായതിനെത്തുടര്ന്ന് ലേക്ക് അന്സ, ബെര്ക്ലി ഹില്സ് എന്നിവിടങ്ങളില് വ്യാപകമായ തിരച്ചില് നടന്നിരുന്നു. പിന്നീട്, ക്യാമ്പസിന് സമീപമുള്ള ടില്ഡന് റീജിയണല് പാര്ക്കിന് അടുത്തുള്ള ഒരു താമസസ്ഥലത്തിനടുത്ത് അദ്ദേഹത്തിന്റെ പാസ്പോര്ട്ടും ലാപ്ടോപ്പും അടങ്ങിയ ബാഗ് കണ്ടെത്തി. ഐ.ഐ.ടി. മദ്രാസ് പൂര്വവിദ്യാര്ഥിയായ ശ്രീനിവാസയ്യ മാസ്റ്റര് ബിരുദം നേടാനാണു ബെര്ക്ലിയിലെത്തിയത്. ഹൈപ്പര്ലൂപ്പിനുള്ള മൈക്രോചാനല് കൂളിങ് സിസ്റ്റത്തിനുള്ള പേറ്റന്റ് നേടിയ ആറുപേരില് ഒരാളായിരുന്നു സാകേത്. മരണകാരണം വ്യക്തമല്ല.
LATEST NEWS
- ഭീകരവാദത്തിനെതിരേ കേന്ദ്ര സര്ക്കാര് ആവിഷ്കരിച്ച ഭീകരവിരുദ്ധനയം സ്വാഗതം ചെയ്ത് ശശി തരൂര്
- എല്.പി.ജി. ഉത്പാദനം 10% വര്ധിച്ചു; പ്രതിസന്ധിയില്ലെന്നു കേന്ദ്രം
- ഇന്ഡിഗോ സി.ഇ.ഒ. രാജിവച്ചു
- ചൈനീസ് നിക്ഷേപത്തിനു പച്ചക്കൊടി; നിയന്ത്രണം ഇളവ് ചെയ്യാന് ഇന്ത്യ
- കേന്ദ്രഭീഷണിക്കു മുന്നില് മുട്ടുമടക്കാത്ത ഏകനേതാവ് രാഹുലെന്നു പ്രിയങ്ക
