താരിഖ് റഹ്മാന്റെ സത്യപ്രതിജ്ഞ: ചടങ്ങില് മോദി പങ്കെടുത്തേക്കും
ന്യൂഡല്ഹി: ബംഗ്ലാദേശില് താരിഖ് റഹ്മാന്റെ സത്യപ്രതിജ്ഞാ ചടങ്ങിലേക്ക് പ്രധാനമന്ത്രി നരേന്ദ്ര മോദിയെ ക്ഷണിക്കാന് ബംഗ്ലാദേശ് നാഷണലിസ്റ്റ് പാര്ട്ടി (ബി.എന്.പി.). മുന് ഭരണത്തിന് കീഴില് വര്ഷങ്ങളോളം നീണ്ടുനിന്ന സംഘര്ഷങ്ങള്ക്കുശേഷം ഇന്ത്യയുമായുള്ള ഉഭയകക്ഷി ബന്ധത്തിനുള്ള ഒരു നല്ല സൂചനയായിട്ടാണ് ഈ നീക്കത്തെ ലോകരാജ്യങ്ങള് കാണുന്നത്.താരിഖ് റഹ്മാനുള്ള പ്രധാനമന്ത്രി മോദിയുടെ അഭിനന്ദന സന്ദേശത്തിനു മറുപടിയായി, ബി.എന്.പി. നന്ദി രേഖപ്പെടുത്തി. ബംഗ്ലാദേശ് ജനത പാര്ട്ടി നേതൃത്വത്തിലും ജനാധിപത്യ പ്രക്രിയയിലുമുള്ള വിശ്വാസവും ആത്മവിശ്വാസവും ഈ വിജയത്തിലൂടെ പ്രതിഫലിപ്പിക്കുന്നുവെന്ന് പ്രതികരിച്ചു. ശക്തമായ ഉഭയകക്ഷി ബന്ധം, ജനാധിപത്യ മൂല്യങ്ങള്, എല്ലാവരെയും ഉള്ക്കൊള്ളല്, പുരോഗമന വികസനം എന്നിവയോടുള്ള പ്രതിബദ്ധതയും പാര്ട്ടി ആവര്ത്തിച്ചു പറഞ്ഞു. പരസ്പര ബഹുമാനം, മേഖലയിലെ സമാധാനം, സ്ഥിരത, സമൃദ്ധി എന്നിവയില് ഇന്ത്യയുമായി ക്രിയാത്മകമായി ഇടപഴകാന് ഞങ്ങള് ആഗ്രഹിക്കുന്നുവെന്നും ബി.എന്.പി. കൂട്ടിച്ചേര്ത്തു. താരിഖ് റഹ്മാനുമായുള്ള ഫോണ് സംഭാഷണം പ്രധാനമന്ത്രി മോദി സ്ഥിരീകരിച്ചു. ഔപചാരിക ക്ഷണം നല്കുകയും സ്വീകരിക്കുകയും ചെയ്താല്, സത്യപ്രതിജ്ഞാ ചടങ്ങില് ഇന്ത്യന് പ്രധാനമന്ത്രിയുടെ സാന്നിധ്യം ഇന്ത്യ-ബംഗ്ലാദേശ് ബന്ധത്തിലെ ഒരു വലിയ നാഴികക്കല്ലായിരിക്കും.സത്യപ്രതിജ്ഞാ ചടങ്ങിന്റെ തീയതിയോ വിദേശ പ്രമുഖരുടെ സാന്നിധ്യം സ്ഥിരീകരിക്കുന്നതോ സംബന്ധിച്ച് ഇതുവരെ ഔദ്യോഗിക പ്രഖ്യാപനം ഒന്നും നടത്തിയിട്ടില്ല.
LATEST NEWS
- ഭീകരവാദത്തിനെതിരേ കേന്ദ്ര സര്ക്കാര് ആവിഷ്കരിച്ച ഭീകരവിരുദ്ധനയം സ്വാഗതം ചെയ്ത് ശശി തരൂര്
- എല്.പി.ജി. ഉത്പാദനം 10% വര്ധിച്ചു; പ്രതിസന്ധിയില്ലെന്നു കേന്ദ്രം
- ഇന്ഡിഗോ സി.ഇ.ഒ. രാജിവച്ചു
- ചൈനീസ് നിക്ഷേപത്തിനു പച്ചക്കൊടി; നിയന്ത്രണം ഇളവ് ചെയ്യാന് ഇന്ത്യ
- കേന്ദ്രഭീഷണിക്കു മുന്നില് മുട്ടുമടക്കാത്ത ഏകനേതാവ് രാഹുലെന്നു പ്രിയങ്ക
