രവി എന്നെ പൂര്ണമായും മാറ്റിക്കളഞ്ഞു; കുറിപ്പുമായി കെനിഷ ഫ്രാന്സിസ്
കഴിഞ്ഞ ദിവസം ആയിരുന്നു ഗായിക കെനിഷാ ഫ്രാന്സിസിന്റെ ജന്മദിനം. അത് ഏറ്റവും നല്ല രീതിയില് ആക്കി തീര്ത്തതിന് ഒരാളോടാണ് കെനിയ്ക്ക് നന്ദി പറയാനുള്ളത്, ഇപ്പോഴത്തെ തന്റെ ഏറ്റവും വലിയ സന്തോഷമായി മാറുന്ന രവി മോഹനോട്. രവി മോഹനുമായി കെനിഷാ പ്രണയത്തിലാണെന്ന് ഗോസിപ്പുകള് വന്നിരുന്നു. പിറന്നാള് ആഘോഷത്തിന്റെ മനോഹരമായ ചിത്രങ്ങള്ക്കൊപ്പമാണ് ഗായികയുടെ പോസ്റ്റ്
എന്നെന്നും ഞാന് എന്നെ സ്നേഹിക്കുന്നു എന്ന തലക്കെട്ടോടെയാണ് പോസ്റ്റ് തുടങ്ങുന്നത്. ചെറുപ്പം മുതലേ എനിക്ക് എന്നെ ആരും ശ്രദ്ധിക്കാത്തത് പോലെ ഒരു തോന്നലുണ്ടായിരുന്നു. അവഗണിക്കുന്നതായും മുന്ഗണന തരാത്തതായും തോന്നി. എന്നെ പലരും തെറ്റിദ്ധരിച്ചു, ഞാന് ഒരുപാട് കാര്യങ്ങള് ആവശ്യപ്പെടുന്നതായി വിശ്വസിപ്പിച്ചു. പക്ഷേ ഞാന് ആഗ്രഹിച്ചത് എനിക്ക് എന്തെങ്കിലും ഒരു വില തരണം എന്ന് മാത്രമായിരുന്നു. ഞാന് എന്നെ പൂര്ണമായും ആരാണെന്ന് കാണിക്കാന് ശ്രമിച്ച നാള് മുതല്, ബഹുമാനവും വ്യക്തതയും അനുഗ്രഹവും സമൃദ്ധിയും എനിക്ക് പ്രപഞ്ചം തിരികെ നല്കി.
പിന്നെ രവി മോഹന് , താങ്കള് എല്ലാം മാറ്റി മറിച്ചു. എന്റെ ചിന്ത, എന്റെ പ്രവൃത്തി, ജീവിതത്തോടും പ്രണയത്തോടുമുള്ള എന്റെ കാഴ്ചപ്പാട് എല്ലാം. ചിലര് ഇതിനെ വ്യത്യസ്തമായി കണ്ടേക്കാം. പക്ഷേ സൂക്ഷ്മമായി നോക്കുന്നവര്ക്ക് സത്യം എന്താണെന്ന് കാണാന് സാധിക്കും, അതിന്റെ പിരശുദ്ധിയും നമ്മള് പങ്കുവയ്ക്കുന്ന സമാധാനം എന്താണെന്നും തിരിച്ചറിയാന് സാധിക്കും. എന്റെ ഇരുണ്ട യുദ്ധത്തില് നീ എനിക്കൊപ്പം നിന്നു, എന്റെ ഓരോ വിജയവും സ്വന്തം ആണെന്നത് പോലെ നീ ആഘോഷിച്ചു. അതിനും, അതല്ലാത്ത ഒരുപാട് കാര്യങ്ങള്ക്കും നന്ദി.
എന്റെ ജന്മദിനം എന്തുകൊണ്ടും സ്പെഷ്യല് ആക്കിയതിന് നന്ദി. വളരെ പവിത്രമായിരുന്നു അത്, പ്രണയത്തിനല്ലാതെ മറ്റൊന്നിനും അത് തൊടാന് കഴിയില്ല. ഒന്നുമില്ലാതെ നിങ്ങള് ഓടുകയാണെങ്കില് പോലും, ഫുള് ടാങ്കോടെ ഓടുന്ന ആളെക്കാള് നീ ഓടുന്നു. നീ എന്ന മനുഷ്യനോട് എനിക്കിപ്പോഴും അത്ഭുതം തോന്നുന്നു.
ഭൂതകാലം, അത് എന്ത് തന്നെയായിരുന്നാലും, നമ്മുടെ പിന്നിലുണ്ടെന്നതിന്റെ സൗമ്യമായ ഓര്മ്മപ്പെടുത്തലുകളാണ് ജന്മദിനങ്ങള്. എന്നിരുന്നാലും, ഭാവി പരിധിയില്ലാത്തതാണ്. ഈ ഭാവിയും... എനിക്ക് അതിലേക്ക് കടന്നുചെല്ലാന് ആഗ്രഹമില്ല, അനായാസമായും അനന്തമായും അതിലൂടെ നൃത്തം ചെയ്യാനാണ് ഞാന് ആഗ്രഹിക്കുന്നത്- കെനിഷാ ഫ്രാന്സിസ് കുറിച്ചു.
LATEST NEWS
- എം.എം. കീരവാണിയുടെ മകന് കാലഭൈരവ വിവാഹിതനാകുന്നു; വധു നടി കാവ്യാ കല്യാണ്റാം
- സായി അഭ്യങ്കറുടെ ‘പവഴ മല്ലി’ക്ക് ചുവടുവെച്ച് വേദ ജയസൂര്യ; വീഡിയോ
- ‘എന്നെത്തന്നെ കൂടുതല് മനസ്സിലാക്കാന് സഹായിച്ചു’; നന്ദഗോവിന്ദം ഭജന ആസ്വദിച്ച് മഹിമ നമ്പ്യാര്
- ‘ഉണ്ണി മുകുന്ദന് എന്റെ ചൈൽഡ്ഹുഡ് ക്രഷ് ആണ്; ആ ഹൈറ്റ്, ബോഡി എല്ലാം കണ്ടാലേ ഞാനൊന്ന് ‘വൗ’ ആയിപ്പോകും...’ഗായിക ശിവാംഗി; വൈറല് താരത്തിന്റെ വാക്കുകള് തരംഗം
- ‘നിറയെ പാട്ടുകളില് നിന്ന് സംഗീത ശൂന്യതയിലേക്ക് കൂപ്പ് കുത്തിയ കാലം’; ജീവിതത്തിലെ ഇരുണ്ട കാലഘട്ടം ഓര്ത്തെടുത്ത് ജി വേണുഗോപാല്
