നടന്റെ ഹര്ജി തള്ളി വിജയ്ക്ക് 1.5 കോടി രൂപ ചുമത്തിയ ഉത്തരവ് മദ്രാസ് ഹൈക്കോടതി ശരിവച്ചു
ചെന്നൈ: നടന് വിജയ്ക്കെതിരായ 1.5 കോടി രൂപയുടെ ആദായനികുതി പിഴ ശരിവച്ച് മദ്രാസ് ഹൈക്കോടതി അദ്ദേഹത്തിന്റെ ഹര്ജി തള്ളി. പുലി എന്ന സിനിമയില് നിന്നുള്ള വെളിപ്പെടുത്താത്ത വരുമാനവുമായി ബന്ധപ്പെട്ട് ആദായനികുതി വകുപ്പിന്റെ നിലപാടിനെ അംഗീകരിച്ചുകൊണ്ടാണിത്.
പിഴ നിയമപരമാണെന്നു ബോധ്യപ്പെട്ട ഹൈക്കോടതി വിജയ് നല്കിയ ഹര്ജി തള്ളി. ഒരു ഘട്ടത്തിലും മറ്റ് ഇടപെടലുകള് ഉണ്ടായിട്ടില്ലെന്നും അതിനാല്, വിഷയത്തില് കോടതിയുടെ ഇടപെടല് ആവശ്യമില്ലെന്നും ബെഞ്ച് വ്യക്തമാക്കി. 2015-ലാണ് സംഭവങ്ങളുടെ തുടക്കം. ആദായനികുതി ഉദ്യോഗസ്ഥര് വിജയ്യുടെ വീടും ജോലിസ്ഥലവും പരിശോധിച്ചു. രേഖകള് പിടിച്ചെടുത്തു. 2015-16 സാമ്പത്തിക വര്ഷത്തില് വിജയ് 35.42 കോടി രൂപയുടെ ആദായ നികുതി റിട്ടേണ് അടച്ചതായി അദ്ദേഹം വെളിപ്പെടുത്തി. എന്നാല് പുലി എന്ന സിനിമയില് നിന്ന് ഉത്ഭവിച്ച തുക ഇതില് ഉള്പ്പെടുത്തിയിരുന്നില്ല. ഇത് 15 കോടിയായി കണക്കാക്കുന്നു.
അതിനാല്, വകുപ്പ് ഇത് വെളിപ്പെടുത്താത്ത വരുമാനമായും മറച്ചുവച്ച വരുമാനമായും കണക്കാക്കി. തുടര്ന്ന് ജൂണില് 1.5 കോടി രൂപ പിഴ ചുമത്തുകയായിരുന്നു.അതേസമയം, സെന്സര്ഷിപ്പും നിയമപരമായ പ്രശ്നങ്ങളും കാരണം വിജയുടെ ''ജന നായകന്'' എന്ന സിനിമയുടെ റിലീസ് വൈകും.
LATEST NEWS
- ഭീകരവാദത്തിനെതിരേ കേന്ദ്ര സര്ക്കാര് ആവിഷ്കരിച്ച ഭീകരവിരുദ്ധനയം സ്വാഗതം ചെയ്ത് ശശി തരൂര്
- എല്.പി.ജി. ഉത്പാദനം 10% വര്ധിച്ചു; പ്രതിസന്ധിയില്ലെന്നു കേന്ദ്രം
- ഇന്ഡിഗോ സി.ഇ.ഒ. രാജിവച്ചു
- ചൈനീസ് നിക്ഷേപത്തിനു പച്ചക്കൊടി; നിയന്ത്രണം ഇളവ് ചെയ്യാന് ഇന്ത്യ
- കേന്ദ്രഭീഷണിക്കു മുന്നില് മുട്ടുമടക്കാത്ത ഏകനേതാവ് രാഹുലെന്നു പ്രിയങ്ക
