വിവാഹം രണ്ടുമാസം മുമ്പ് ഭാര്യയെ വെടിവച്ചു കൊന്ന ശേഷം യുവാവ് ജീവനൊടുക്കി
ഗാന്ധിനഗര്: അഹമ്മദാബാദിലെ അപ്പാര്ട്ട്മെന്റിനുള്ളില് ഭാര്യയെ വെടിവച്ചു കൊലപ്പെടുത്തിയ ശേഷം യുവാവ് ജീവനൊടുക്കി.
ഗുജറാത്ത് മാരിടൈം ബോര്ഡിലെ ക്ലാസ്-1 ഉദ്യോഗസ്ഥനായ യഷ്രാജ്സിങ് ഗോഹിലും ഭാര്യ രാജേശ്വരി ഗോഹിലുമാണു കൊല്ലപ്പെട്ടതെന്ന് തിരിച്ചറിഞ്ഞു.
ദമ്പതികള് വിവാഹിതരായിട്ട് രണ്ടുമാസം മാത്രമെ ആയിട്ടുള്ളൂവെന്ന് പോലീസ് പറഞ്ഞു.ബുധനാഴ്ച രാത്രി ഇവര് തമ്മില് തര്ക്കം ഉണ്ടായതായും, അതിനിടയില് യഷ്രാജ്സിങ് തന്റെ റിവോള്വര് ഉപയോഗിച്ച് രാജേശ്വരിയെ വെടിവച്ചു കൊലപ്പെടുത്തിയതായും പോലീസ് പറഞ്ഞു.
വെടിവയ്പ്പിനു ശേഷം, യഷ്രാജ്സിങ് 108 എമര്ജന്സി സര്വീസിലേക്ക് വിളിച്ചു. ആശുപത്രിയില് ഡോക്ടര് രാജേശ്വരി മരിച്ചതായി സ്ഥിരീകരിച്ചു. അടിയന്തര രക്ഷാസംഘം ഫ്ലാറ്റില്നിന്ന് മടങ്ങിയപ്പോള് യഷ്രാജ്സിങ് മറ്റൊരു മുറിയിലേക്ക് പോയി അതേ തോക്കുപയോഗിച്ച് സ്വയം വെടിയുതിര്ത്ത് മരിച്ചുവെന്ന് പോലീസ് പറഞ്ഞു.ഗുജറാത്ത് കോണ്ഗ്രസ് മുന് പ്രസിഡന്റും രാജ്യസഭാ എം.പിയുമായ ശക്തിസിങ് ഗോഹിലിന്റെ അനന്തരവനാണ് യഷ്രാജ്സിങ്.
LATEST NEWS
- ഹോര്മുസ് കടലിടുക്കിനു സമീപം തായ് കപ്പലിനുനേരേ ആക്രമണം
- ചരിത്രവിധിയുമായി സുപ്രീം കോടതി: പരോക്ഷ ദയാവധത്തിന് അനുമതി
- എല്.പി.ജി ക്ഷാമം: മൊബൈല് നെറ്റ്വര്ക്കുകളെയും ബാധിച്ചേക്കാം
- സ്പീക്കര്ക്കെതിരായ പ്രതിപക്ഷത്തിന്റെ അവിശ്വാസ പ്രമേയം പരാജയപ്പെട്ടു
- സ്ത്രീകള്ക്കെതിരായ അക്രമം രാഷ്ട്രീയപ്രശ്നം: കെ. അജിത
