മുംബൈയ്ക്കും പുനെയ്ക്കും ഇനി വനിതാ മേയര്മാര്
മുംബൈ: മുംബൈ, പുനെ കോര്പറേഷനുകളെ വനിതാ മേയര്മാര് നയിക്കും. ഇന്നലെ 29 കോര്പ്പറേഷനുകളിലെ മേയര് പദവിക്കുള്ള നറുക്കെടുപ്പ് നടന്നു. റൊട്ടേഷന് സമ്പ്രദായമനുസരിച്ച്, മുംബൈയില് ഓപ്പണ് വിഭാഗത്തില്നിന്നുള്ള ഒരു വനിതാ മേയര് വരും, അതേസമയം താനെ, ഭിവണ്ടിനിസാംപൂര് എന്നിവിടങ്ങളില് പട്ടികജാതി വിഭാഗത്തില്നിന്നുള്ള മേയര്മാരെ പ്രതീക്ഷിക്കുന്നു.
എന്നാല് നറുക്കെടുപ്പിനെ ശിവസേന (യു.ബി.ടി.) വിമര്ശിച്ചു. മുംബൈയെ എസ്.ടി. വിഭാഗത്തില് ഉള്പ്പെടുത്തിയിരുന്നില്ലെന്നും, കാരണം നഗരത്തില് തങ്ങള്ക്കു മാത്രമാണ് ഈ വിഭാഗത്തില്നിന്ന് കൗണ്സിലര്മാരുള്ളതെന്നും അവര് ആരോപിച്ചു.
നറുക്കെടുപ്പ് അനുസരിച്ച്, ഇച്ചല്കരന്ജി, അഹല്യാനഗര്, കോലാപൂര്, ചന്ദ്രപൂര്, ജല്ഗാവ്, അകോല, പാന്വേല്, ഉല്ലാസ് നഗര് എന്നിവിടങ്ങളിലെ മേയര് സ്ഥാനങ്ങള് മറ്റ് പിന്നാക്ക വിഭാഗങ്ങള്ക്കാണ്.
ഇവയില്, ചന്ദ്രപൂര്, ഇച്ചല്കരന്ജി, അകോല, ജല്ഗാവ് എന്നിവിടങ്ങളില് ഒ.ബി.സി. വിഭാഗത്തില്നിന്നുള്ള വനിതാ മേയര്മാരുണ്ടാകും.
ആകെ 17 മുനിസിപ്പല് കോര്പ്പറേഷനുകളില് ഓപ്പണ് വിഭാഗത്തില്നിന്നുള്ള മേയര്മാര് ഉണ്ടാകും, ഇതില് ഒന്പത് സ്ഥാനങ്ങള് വനിതകള്ക്കായി സംവരണം ചെയ്തിരിക്കുന്നു. ഈ മാസം 28,29 തീയതികളിലായിരിക്കും മേയര് തെരഞ്ഞെടുപ്പ്.
LATEST NEWS
- ഭീകരവാദത്തിനെതിരേ കേന്ദ്ര സര്ക്കാര് ആവിഷ്കരിച്ച ഭീകരവിരുദ്ധനയം സ്വാഗതം ചെയ്ത് ശശി തരൂര്
- എല്.പി.ജി. ഉത്പാദനം 10% വര്ധിച്ചു; പ്രതിസന്ധിയില്ലെന്നു കേന്ദ്രം
- ഇന്ഡിഗോ സി.ഇ.ഒ. രാജിവച്ചു
- ചൈനീസ് നിക്ഷേപത്തിനു പച്ചക്കൊടി; നിയന്ത്രണം ഇളവ് ചെയ്യാന് ഇന്ത്യ
- കേന്ദ്രഭീഷണിക്കു മുന്നില് മുട്ടുമടക്കാത്ത ഏകനേതാവ് രാഹുലെന്നു പ്രിയങ്ക
