എ ആര് റഹ്മാന് ഇന്സ്റ്റഗ്രാമില് ഫോളോ ചെയ്തു, സന്തോഷത്താല് കണ്ണുകള് നിറഞ്ഞ് അമൃത രാജന്
സംഗീതലോകത്തെ പുത്തന് സെന്സേഷനായി മാറിയ റിയാലിറ്റി ഷോ താരമാണ് അമൃത രാജന്. ഹിന്ദി റിയാലിറ്റി ഷോയായ ഇന്ത്യന് ഐഡോളില് പങ്കെടുത്തുകൊണ്ടാണ് മലയാളിയായ അമൃത ശ്രദ്ധ നേടുന്നത്. റിയാലിറ്റി ഷോയിലെ അമൃതയുടെ ഓരോ പാട്ടുകളും റീലുകളില് നിറഞ്ഞോടിയിരുന്നു.
വലിയ സംഗീതപാടവം ആവശ്യമുള്ള ഗാനങ്ങള് അനായാസമായി അവതരിപ്പിച്ചാണ്,ശ്രേയ ഘോഷാല് അടക്കമുള്ള വിധികര്ത്താക്കളെ അമൃത ഞെട്ടിച്ചത്. പാട്ടിനൊപ്പം അമൃതയുടെ കൂള് ആറ്റിറ്റിയൂഡും മുറി ഹിന്ദിയും കളര്ഫുള് വസ്ത്രങ്ങളുമെല്ലാം വൈറലായിരുന്നു. ഗായിക മാത്രമല്ല സംഗീത സംവിധായിക കൂടിയാണ് അമൃത. അവര് സ്വന്തമായി കമ്പോസ് ചെയ്ത പാട്ടുകള്ക്കും ഏറെ ആരാധകരുണ്ട്.
സംഗീതലോകത്ത് കേള്വിക്കാരുടെ മാത്രമല്ല, സാക്ഷാല് എ ആര് റഹ്മാന്റെ കൂടി ശ്രദ്ധ നേടിയിരിക്കുകയാണ് അമൃത ഇപ്പോള്. റഹ്മാന് തന്നെ ഇന്സ്റ്റഗ്രാമില് ഫോളോ ചെയ്ത വിവരം അവര് അറിയിക്കുകയായിരുന്നു. ഇതിന്റെ സ്ക്രീന് ഷോട്ടിനൊപ്പം സന്തോഷത്താല് വികാരധീനയായി പോയ ഒരു വീഡിയോയും അമൃത പങ്കുവെച്ചിട്ടുണ്ട്.
'താങ്ക്യു സോ മച്ച് എവരിവണ്, ഷെയര് ചെയ്ത എല്ലാവര്ക്കും നന്ദി. സോണി ടിവിക്കും ഇന്ത്യന് ഐഡോളിനും എല്ലാവര്ക്കും നന്ദി. എ ആര് റഹ്മാന് എന്നെ ഫോളോ ചെയ്തു, എ ആര് റഹ്മാന് എന്നെ ഇഇന്സ്റ്റഗ്രാമില് ഫോളോ ചെയ്തു,' അമൃത വീഡിയോയില് പറയുന്നു. കരഞ്ഞും തുള്ളിച്ചാടിയും വികാരമടക്കാനാകാതെയാണ് അമൃത വീഡിയോയില് വന്നിരിക്കുന്നത്.
അമൃതയെ അഭിനന്ദിച്ച് നിരവധി പേരാണ് കമന്റുകളില് എത്തിയിരിക്കുന്നത്. അമൃത മലയാളികളുടെ അഭിമാനമാണെന്നും എ ആര് റഹ്മാന് സംഗീതത്തില് എന്നെങ്കിലും പാടാന് കഴിയട്ടെ എന്നും ആശംസകള് നേരുകയാണ് പലരും. അമൃതയുടെ വീഡിയോ മണിക്കൂറുകള്കൊണ്ട് മില്യണിന് മുകളില് വ്യൂസ് നേടിക്കഴിഞ്ഞു.
LATEST NEWS
- മോഹന്ലാലിന്റെ കൈപിടിച്ച് പാട്ടു പാടി സുചിത്ര; വീഡിയോ വൈറല്
- നീ പോയി എന്ന് എനിക്ക് വിശ്വസിക്കാന് കഴിയുന്നില്ല; സഹോദരിയുടെ ജന്മദിനത്തില് നോവുന്ന കുറിപ്പുമായി ചിത്ര അയ്യര്
- ഞങ്ങളുടെ ദേവി, സഹോദരന് ഞങ്ങള്ക്കു വേണ്ടി എടുത്ത മികച്ച തീരുമാനം; നവമിയെക്കുറിച്ച് വേടന്റെ സഹോദരി
- ‘എം ജി അണ്ണാ, സൂപ്പർ സ്റ്റാറിനെ പോലെ’യെന്ന് ആരാധകൻ; ‘മേക്കപ്പ് ആണ് കുഞ്ഞേ, തട്ടേ കേറിയാൽ നിങ്ങളുടെ സപ്പോര്ട്ടെ’ന്ന മറുപടിയുമായി എം.ജി ശ്രീകുമാര്; വൈറലായി കമന്റ് ബോക്സ്
- ഭാര്യയ്ക്കൊപ്പം വിവാഹ വിരുന്നിനെത്തി; വിരോഷിനെ കേരളത്തിലേക്ക് ക്ഷണിച്ച് ഹിഷാം
